أنواع الدفايات المفضلة لديك في المنزل أو رحلاتك

[صاحب الحذاء]

هذي الدفاية من افضل انواع الدفايات الكهربائية وهي تركية الصنع تدفي الغرف الكبيرة والصالات وتعلق على الجدار قوتها 3000 واط
[/IMG]

والدفاية هذي ايضاً تركية الصنع وجودتها عالية جداً 220 فولت وصيانتها رخيصة ايضاً وسعر متوسط 240ريال

[/IMG]
وهذي الصوره ماركة الدفاية واسم الماركة هيثم

[/IMG]

[مشعل العيسى]

بصراحة انا شريت إلي دفاية الا شغالة على الزيت

وهي ألمانية الصنع

وفوق ذلك تقريبا عدد الشرايح 15

لكن بصراحة انا ما أشوووف ان ادفي المكان ما اعرف شنو السبب أحد يقول إلي هل فيها عيب ولا أنا ما اعرف استخدمه

اتمنى الرد علي فيي أسرع وقت

شف وانا واخوك .... اهم شي يكون كهرب الدفاية 220 فولت ... لان 110 ما ينفع إلا اذا كانت الريش قليلة جدا يعني اكثر شي 8 ريش ...

وحطها على النصف ...

[سهم قيادي]

اتجهت للسوق لشراء دفايات زيت جديده بسبب موجة البرد الشديدة

التي نمر فيها بالكويت هالايام

وللاسف اغلبية الموجود صيني او تجميع صيني

حتى سيمنس الالماني اصبح تجميع صيني

حصلت نوعية جيده على كلام اغلبية البائعين وهي هيلير تجميع وصناعة المانية

هل تنصحون بشراءها

هذي نفس الي عندي ( هيلير ) من ناحية صوت الونين ممتازة ما لها صوت ابدا اما من ناحية التدفئة فالك عليها شوي يعني ( جيدة جدا ) الي عندي 13 ريشة خط 220 فولت
شف فيه ماركه ايطالية اسمها ميقى ستار ممتازة في التدفئة لا لها صوت ابدا او سوبر ستار
( SUPER STAR ) درجة ثانية ممتازة في التدفئه

[أبو براك]

هذي نفس الي عندي ( هيلير ) من ناحية صوت الونين ممتازة ما لها صوت ابدا اما من ناحية التدفئة فالك عليها شوي يعني ( جيدة جدا ) الي عندي 13 ريشة خط 220 فولت
شف فيه ماركه ايطالية اسمها ميقى ستار ممتازة في التدفئة لا لها صوت ابدا او سوبر ستار
( SUPER STAR ) درجة ثانية ممتازة في التدفئه

شاكر لك النصيحه اخي العزيز

[re7ame]

مشكور اخي قانون الجذب و ما قصرت تقرير رائع

بنسبة للدافية اليابانية اسمها toyostove Double clean

املك واحده تقريبا من سته سنوات شاريها من محل في سوق الزل بسعر 800 ريال وما ادري هل ارتفع سعرها

والصراحه الدفاية ما عليها كلام من ناحية التدفئة وعديمة الرائحه حتى فيها امان لو واحد دفها بقوه على طول تطفى ويحتاج تشغلها من جديد بس نصيحه اذا طفت اصبر لين تبرد شوي علشان ما تحترق الفتيله

وهذا صورتها حطيت علبة مناديل جنبها علشان تعرفون حجمها



الموجود عندي ياباني 100% كل كتاباتها ياباني (مخصصه لليابانيين ) وليس للتصدير

كذا واحد شافها عندي وما صدق انه تشتغل بقاز لعدم وجود رائحه القاز لاكن بداية اول ما تشغلها في ريحه خفيفه بعدين ما تحس انها دفاية قاز

مخزن القاز يكفيها على ما اضن 13 ساعه متواصله

يوجد موديلات كثيرة من نفس الشركه بس الى خلاني اشتري هذا الموديل كتبته في الصوره



العيب الوحيد الى اشوفه سعرها غالي بس هي تستاهل .. لك ولزمن

والقاز كثير الانقطاع للى ساكن في الرياض

عزيزي - طلعة بر -

انا من أهل الشرقية وصار لي فترة أبحث عن مثل هالدفاية اللي عندك - حتى بدأت أقنط من وجودها ...

حتى شفتها في هالموضوع -

عزيزي تقدر تخدمني هالخدمة وأكون شاكر لك ...

أنا مستعد للذهاب للرياض لشرائها ، بس ودي أتأكد إنها لازالت موجودة في السوق ...

أتمنى تلبي لي هالخدمة ، وتتأكد إنها موجودة أو لا ...

لأن شقتي البرد فيها ماهو طبيعي أبداً ...

قبل فترة جتني رعشة بحيث اني لما أمسك شي يوقف جسمي عن الرعشة وتبدأ أسنان تصطك ببعضها ...

فكيف مع ولدي الصغير وأهلي !

بانتظارك

[وليد الامارات]

مشكور على الموضوع الظاهر اني راح اخذ لي دفاية اوكرانيا يابانية الصنع

[أبو براك]

مشكور على الموضوع الظاهر اني راح اخذ لي دفاية اوكرانيا يابانية الصنع

العفو يا وليد

ومبروك مقدما لشراءك الدفاية

[re7ame]

الأخ - طلعة بر - ؟

[هواوي الصمان]

أبو براك

ممكنلااسألك وين احصل دفاية كولمان ؟؟؟؟

[أبو براك]

أبو براك

ممكنلااسألك وين احصل دفاية كولمان ؟؟؟؟

دفاية ومنتجات الكولمان

متوفره بكثرة عندنا بالكويت

وكيلها علي عبدالوهاب والموزعين المنتشرين بالكويت

امثال مركز تسوق سلطان

[هواوي الصمان]

لقيتها بمركز سلطان بـ 30 دينار واحس انها غاليه
غير مركز سلطان وين ؟؟؟


على فكره انا كويتي

[أبو براك]

لقيتها بمركز سلطان بـ 30 دينار واحس انها غاليه
غير مركز سلطان وين ؟؟؟


على فكره انا كويتي

بصراحه غاليه اذا كانت تنباع بسعر 30 دينار

لاني شاريها بسعر تقريبا 17 دينار

بس هالكلام قبل 3 او 4 سنوات تقريبا

حاول تذهب الى احد فروع شركة علي عبدالوهاب وكيل الكولمان في الكويت

وخاصه فرعهم الذي خلف بيت التمويل لبيع السيارات في الشويخ

يمكن تحصلها ارخص عندهم

[هواوي الصمان]

اشكرك اخوي أبو براك ماقصرت

بس هل هي فعاله ؟؟

[الوسم]

[الوسم]