!!!... رحلة إلى معشوقتي......((( أرض الصمان)))...28 صوره...!!!

[حفرلوجيا]

أخوي ابو محمد الحمد لله على السلامة ..
ياخوي تراكم تشخصون علينا ياحقين الكمبيوترات الفشق ( السريعة ) .. ترى أجهزة بعض الناس قال الريس المسفهل مرة عنها إنها من مخلفات الحرب العالمية الأولى .. لذلك طول الليل والجهاز يحن تقل تريلة محملة حديد يبي يستقبل الصور ( الكثيرة ) ..
بس متعتي كانت بالصورة اللي متوسط فيها التبسي بما لذ وطاب .. ومكمن المتعة ليس الجوع انما الأصبع الكبير لرجل السنافي اللي متربع يحتري كلمة ( أكشن ) .. ماهي للتصوير.. راجع الصورة أقصد الإصبع وشدها حتى تعرف أن .. أكشن كانت من حجم المعاناة من هاللي يصور وغاثه .. اخلص .. إلا أنت يابومحمد اللي تصور وإلا السنافي ؟

[بن نويشر]

أحسنت يا الحر على هالصور ..!!

عزا الله إن القلب يفز لها (ما شاء الله تبارك الله) ..

بس عندي سؤال وآمل إنك ما تردني ،،!!

الخيمة والفرش اللي فوق الشد ما تطاير على الخط ؟

والخيمة تكفى يا النشمي أبغى معلومات عنها !! يعني .

كم السعة ؟
كم السعر ؟
وين تباع ؟
والمادة المصنوعة منها ؟
وطريقة تكريبها وفكها صعبة ولا لا؟ يعني يمكن للشخص الواحد يركبها بنفسه؟
ونصحيتك في هذه الخيمة ؟

تكفى يا الحر لا تردني وإنت سالم وغانم .

وتقبل تحياتي ،،

أخوك/ سنيدي ..

[عاشق الصفاري]

تسلم يابو محمد على الصور الرائعة .. وجزاك الله الف خير ..

[((( الحر)))]

((((( المسفهل)))))
هلا والله واسفرت وانورت يالرحاله ...!!!
وين يالغالي وين حنا هذا جزء بسيط مما عندك الله يزيدك ماشاء الله...!!!
اسعدني مرورك المشرف للموضوع ...!!!

(((((( صقر )))))
هلا والله من اقصى القلب بالغالي الف مبروك الاشراف وتستاهل اكثر...!!!
وين يالغالي اقولك انا واربعة من الشباب وتقولي انتم اربعه...!!!
ماقول الاحسبي الله على الي درسك رياضيات بالابتدائي 4+1=5 مفهوم
تحياتي وهذي صيده يابو احمد...!!!

((((( حد السيف)))))
يامرحبا تراحيب المطر...!!!
والله لوني داري ان الصور بيعجبنك كان بروزتهن براويز ذهبيه...!!!
مشكور على مرورك المشرف للموضوع ...!!!
والله يسلمك يالغالي...!!!

[((( الحر)))]

((((( راعي مرات)))))
هلا بك والله وجعلك تسلم يالغالي...!!!
الف شكر على مرورك وتشريفك...!!!

((((( نفـــــــل)))))
الله يسلمك ويجزاك بالخير على كلامك الجميل والي مايصدر الا من شخص رفيع الاخلاق...!!!
اخوي ابومحمد هذا بعض ماعند الله يسلمك وماشاء الله عليك انا طالب عندك بمعهد التصوير...!!!
تحياتي


(((( عبدالله الفايز))))
الله يعافيك ويسلمك...!!!
(صحت القيله ياحبيبي--- عندي نقطة نظام)...والله مافهمتهن يالغالي...!!!
لاكن يوم رجعت للصوره كلامك صحيح الصوره للبابونج وارجو المعذره للاستعجال...!!!

تحياتي

[((( الحر)))]

((((( الرحال 2003)))))
هلا بك يالغالي وماعليك زود...!!!
وعلى قولك المطارده من حرصنا على الشراء ولاكن الطريقه الي تقول مانقدر لان السياره عليها شد...!!!
تحياتي

(((( ح ف ر ل و ج ي ا)))) من اهل (((( ح ف ر ا ض ))))
ابو سليمان الله يهديك شكلك تشوف الصور مع كم فروه او شق مفتاح...!!!
ابو سليمان خليت المطارده والهرفي- والسياره والفرش- والهندي وزقارته- والحمار اعزك الله وزيته- والضب وحصاته- وراعي الحلال وسودانيه- ولا ركزت الا على الاصبع الكبير لواحد من الربع الي قاعدين ياكلون على الغداء...!!!
انت صايم يالغالي ترى عاشوراء راح..... ولا ام سليمان مهيتك نبي نشوف ابو ياسر كود يمشيلك شرهه غداء من ريع المنتدى ...
نوّر وتشرف الموضوع بلمعت وسامك الذهبي واسعدني مرورك وانت مطفي النور عن باقي الصور...!!!
تحياتي....

[((( الحر)))]

(((( سنيدي))))
هلابك والله...!!!
الفرش يالغالي اذا ربطتهن على الحد الامامي من عند التنده معليهن ابد ولا يرتفعن مع الهواء...!!!
الخيمه من عند القاضي مواصفاتها 4×4 وارضيتها بلاستيك مخيوطه مع الرواق.
ولها بابين سحابات كل باب غاطين واحد شراع وواحد شفاف.
يمسكها اربعة مناسيب بالزوايا بس وبعد كذا ترفعها من داخل لحالك.
سهله جداً وتاخذ ثمانيه بالراحه كل واحد بمنامه.
ارتفاعها حوالي 3 متر.
سعرها 900 وسمعت انها نزلت الى 700ريال
وسلامك

((((( عاشق الصفاري)))))
هلا بك والله ومشكور على المرور وتسلمك يالغالي...!!!
تحياتي