رابطة ملاك (اليوكون , دينالي , تاهو , السوبربان ,z71)

[السرب]

سلام عليكم

عندي يوكن اكس ال 2009 فيه صوت زي صوت الطقطقه يعني كانه صوت هرقله في الابواب مدري وش سالفته احد منكم مرت عليه هذي المشكله يفيدنا

طبعاً الصوت لاصرت امشي شوي شوي مع مطبات

هلا اخوي مشكلتك بسيطه انا كانت عندي المشكله من زجاج الابواب فيه فضاوه كانت عندي ومريت السالم بالصناعيه بالرياض وصلحولي الباب ب60 ريال ولها سنه والحمد لله ماشفت الا كل خير تحياتي

[المعاصر2008]

أفضل موديلات نزلت في الجموس واليوكنات والشفرات

هي 2000 2001 2002 2003

والسبب لأن نظام المراوح فيها ميكانيكية تبريدها ممتااااااااز جداً

مع عدد دورات المحرك كل مازاد دوران المحرك زادت لفات المروحة

ثأنياً دعسة البنزين فيها واير سلك ولا تعرف الخراب أبد

ثالثاً يوجد بها صفاية بنزين مستقلة عن التانكي تستطيع تغيرها

متى تشاء

أما من موديلات 2004 2005 2006

بها عيوب كثيرة جداً منها الحرارة أثناء الوقوف مع المكيف

دعسة البنزين الكترونية تخرب دائماً وتضطر لسحب السيارة بسطحة

صفاية البنزين مدمجة مع طرمبة البنزين في التانكي لتغيرها كل 6 أشهر

تضطر لتنزيل التانكي وفك وربط وحوسة بـــ 200 ريال

المراوح كهربائية سرعتها واحدة ممايؤدي لأرتفاع الحرارة

أثناء التطعيس والوقوف الطويل بالمكيف

أنصحك تشتري من موديل 2000 إلى 2003

وأسعارها بالسوق كالتالي

2000 بـــ 46 ألف ريال للنظييييييييييييف

2001 بـــ 49 ألف ريال للنظيييييييييييف

2002 بـــ 55 ألف ريال للنظيييييييييييف

2003 بـــ 58 ألف ريال للنظيييييييييييف

جزاك الله خير اخي الكريم

واذا تكرمت سؤال بسيط فقط

هل التاهو يشمله هذا الكلام ايضآ لنفس الموديلات المذكورة
ودمت بخير

[راعي المجهم]

جزاك الله خير اخي الكريم

واذا تكرمت سؤال بسيط فقط

هل التاهو يشمله هذا الكلام ايضآ لنفس الموديلات المذكورة
ودمت بخير

هلا بك أخي الكريم

ذكرت في أول ردي الجموس واليوكنات والتاهو أي الشفرات

كلها نفس المحركات والجربكسات الفرق فقط في وجه السيارة بس

مثل الفورد القراند ماركيز والفورد الكراون فكتوريا

الفكتوريا حقت كرف أكثر من الماركيز

والتاهو حق كرف أكثر من الجمس واليوكن

[دبوس ظلماخواف]

سجل اسمي مع ملاك اليوكون
الموديل 2008 XL
يعطيكم العافيه على الموضوع

وسؤالي عن : اقفال الابواب الباب الايمن الخلفي دايما لايفتح مع الابواب الثانيه الا يدويا ..هل هناك حل
تقديري
\

[مغلي]

هل ممكن تركيب بلف حراره لليوكن 2002 بحيث تنخفض الحراره الى الربع بدلا عن النصف ... هل يوجد بلف بدرجه حراره 75 او 80 ويركب تماما لليوكن محركه 5300 سي سي

[kmsd]

شباب كم يسوى عندكم 2007تاهو النظيف لاني ابقارن سعره مع السعودية
اللون الفاتح فضي رصاصي

[kir4444]

انا عندي دينالي 2003 هل احصل له رموت تشغيل عن بعد

يااخوان ارجوا الافادة جزاكم الله الف خير

[البري خالد]

وانا انشاء الله مسجل

[مجنون باترول4800]

السلام عليكم
صباح \مساء الخير
اخوي عندي مشكلة في جمس مالقيت لة حل
فأتمنى من الاخوان اللي عنهم خبرة يشرفونا على هالربط
http://www.mekshat.com/vb/showthread...=211748&page=2
والسلام عليكم

[LovE-RisE]

شباب كم يسوى عندكم 2007تاهو النظيف لاني ابقارن سعره مع السعودية
اللون الفاتح فضي رصاصي

السعر 85 ألف

مع التحية

[عاشق ونيت]

اخوي .... كم رقم الحراره الي مسجله على البلف الجديد
والقديم

اخوي مغلي اخذت البلف من بالبيد الصناعيه القديمه جنب ورشة مشعل العتيبي وقارنته بحجم البلف القديم وبالنسبه للرقم الخاص بالبلف الموظف نفسه مايدري بس يقول بلف يوكن 2001 حاولت اعرف رقمه ماقدرت
بس ابشرك انه ممتاز والحراره نسيت همها بعد المراوح الكهرباء والله اني اترك التاهو شغال احيانا ساعتين
بالمكيف ولايتحرك عداد الحراره عن الثلث وفي عز الصيف وقت الظهر وانا هنا انصح اخواني اصحاب اليوكن والتاهو موديل 2004 وتحت ركب مراوح كهرباء حقت موديل 2005 لأن الوكاله تداركوا غلطهم
في الموديل القديم وحطوها في الجديد واترك عنك بعض النصائح الخاطئه في هذا المنتدى الي تقول ركب مروحه فالشبك واشبكها مع المكيف كلها جربتها انا ولا نفعت

[يزن2000]

ياخوان بارك الله فيكم ..
احد الاخوان معاه يوكن 2005 وفجاءه اشتغلت لمبة الايرباق موعارف يطفيها ومشغلته مررررره .. هل لها اضرار لو تركها وسافر عليها وكيف يطفيها .. ولكم جزيل الشكر

[قمة افرست]

سجل اسمي مع ملاك اليوكون
الموديل 2008 XL
يعطيكم العافيه على الموضوع

وسؤالي عن : اقفال الابواب الباب الايمن الخلفي دايما لايفتح مع الابواب الثانيه الا يدويا ..هل هناك حل
تقديري
\

الله يحييك بالرابطة
بالنسبة لقفل الابواب
تحتاج تغيير سنسر قفل الباب
وهذا عيب مصنعي المفروض الشركة تصلحة على الضمان
عموما يكلف الباب 150 مع القطعه

[بن عاقول]

سؤال يا إخواني الكرام - أمس في الليل راجع بالعائلة عبر طريق الملك فهد - سيارتي تاهو 2007 دبل إل تي - المهم كان فيه واحد الله يهدينا وياه كان مسرع في المسار الأيسر المهم سيارته جمس حوض طويل (( بابين )) شكله من موديلات التسعينات كان لازق في سيارتي علشان أفتح الطريق طبعا كان هناك سيارتين موازية لي إضطريت أزيد السرعة ودعست الدواسة لآخر شي القير ما نزل نمرة بس السيارة بدت تسرع بشكل بطيء (( كنت مشغل المكيف )) المهم صاحبنا ملزق في الصدام إلى أن حانت الفرصة وفتحت له الطريق ومشى بسرعة عجيبة ما أدري يمكن طبلونه مليون - السؤال ما هو التفسير الميكانيكي للواقعة هل موتري نعال وخربان فيه شي وانا لا أعلم وليش مارد نمرة الله يصلحه مع إن رجلي وصلت الرديتر - أو إن الجمس الحوض فيه شي مميز - أتمنى أجد إجابة شافية

[مستر مهستر]

طمنتني الله يجزاك خير

عندي سؤالين :

الأول : عندي رجة بالموتر خفيفة إذا مشيت 140 مع اني مغير الكفرات مع الترصيص ؟؟

الثاني : عندي الكمبيوتر ما يقرا عداد الكفرات ما عدا كفر واحد بس وسألت الوكالة قالولي احتمال يكون الحساس خربان وقيمت الواحد 400 ريال وش الراي ؟؟؟

المشكله الاولا:اذ كانت الرجه بعد تغير الكفرات وترصيصها فمعنه مهي مرصصه صح

المشكله الثانيه:انا معي يوكن 2008 مغير حساس الضغط 3 مرات لانه مع الوقت ولو دخله ذرت تراب تخرب يعني وانت تتفخه البلف كن عليه ترب يدخل يخربه فلوكاله يشغلونه اول مره اذا استجاب زين واذا ما استجاب يحولون مره ثانيه استجاب رجعو مره ثالثه اثا استجب مع جهازهم فهو ممتاز اما اثا ما استجاب يغيرونه على الضمان وترا كلها مغيرها على الضمان