رابطة ملاك (اليوكون , دينالي , تاهو , السوبربان ,z71)

[عزبة بر]

اخوي تاكد من عامود الكردان

ليه وش دخل العمود
انا كنت اسأل عن ترصيص الكفرات

[معكالي]

ياخوي اذا فيه رجه بسيطة اي اهتزاز ترتره وانت على 120 يمكن وزن العامود او تاكد من الصليب فقط اقتراح مع الشكر

[مغلي]

اخواني
عندي يوكن 2002
لما احط المفتاح للتشغيل وقبل دقة السلف ... انوار السياره كلها تضاء ... وقبل كم يوم كانت ما تضيء الا لما انا افر فرارها بيدي ... بس الحين صارت تضيء من نفسها (لقافه)
مع اني اوقف ... اضغط الجلنط ..ثم احط القير بالبارك ...بأستمرار

فكيف اخليه طبيعي بدون اناره اوتوماتيكيه مقلقه لي

[صحصح ذيب]

لا تخاف اخوي امر طبيعي بس يبيله اعادة برمجه وبس ولو خليته فتره وتروح

[مغلي]

أخي الكريم

خذها مني ولا تسمع من أحد ثاني لأن الحالة هذي مرت علي

طرمبة البنزين وبس، غيرها واتوكل على الله

هل يغيرها بأختها ... اصليه وكاله ... او بطرمبة فكسار يابانيه 100% ووكاله تويوتا

[مصور الخيال]

يا اخوان السلام عليكم ورحمة الله وبركاته
عندي دينالي 2008 ولدي بعض المشاكل
طبعا السيارة طلعت من الضمان
1- المشكلة الاولى الابواب ما يفتح منها الا واحد يعني خربانه هل فيه احد يصلحها لاني وديتها قالو لازم تغيير والقطعة الوحدة بحول الاربع ميه هل اقدر احصل احد يصلحها او هل الاقي احد بالشرقية يبيع برخيص
2- المشكلة الثانية مشيت على ورى وطقيت سيارة وكان الحساست على وضع مطفئة المهم دخل الصدام وطاح الحساس اللي بالزاوية ورى يسار يعني واحد فقط هل اقدر اغيره لحاله والا لازم اغير الباقي كله وعدلت الصدام بيدي لانه ما خرب مره ووديت الحساس لكهربائي وركبه ولكن الى الان لم يصلح يعني الp على طول شغاله لمبتها اللي تحت المسجل اللي تشغل الحساس وتطفيه هل هناك حل علما اني فصلت البطارية ولم ينفع
3- يقولي الطبلون يجب تصليح نظام التعليق -- وكذلك يقول يجب تصليح مساعد التوقيف
تكفون الففزعة يا رجال

[مستعصم بالله]

شباب ملاحظه اخرى الله يعافييكم ...

عندي رجه على 120 الى 140 خفيفه ؟ مع العلم انى رافع الموتر شوى وشكراا

إن شاء الله الرجة ماتجييك
لكن موترك قبل كل شيء رصص كفراته ترصيص ليزر
تلقاه عند الطيار حول 100 ريال

[دحيم اللوح]

للبيع
يوكون دينالي
2007م وارد العيسى (سعودي)
اللون : تركوازي ( بحري غامق )
عداد : 35الف كيلو فقط
السيارة اخت الوكالة ما شاء الله
سواء البدي او المحركات
بالنسبة لمواصفات الدينالي معروفة
( بدون نفقيشن )
الدفعة الاولى
نتحمل قيمة الفحص عند وجود خلل لا سمح الله
السوم : 112 الف ريال
والبيع قريب
الموقع : الرياض
جوال / 0505210548 ابو عبدالله (للجادين فقط)
مع مراعاة اوقات الصلاة والراحة
ودمتم بخير وعافية ...

[يوكن]

يايايايايايا شباب ان لما اخذ مطب عدادات الطبلون والمبات تلعب وتطلع وتنزل وتولع المبات وتطفي دقيقة بعدين ترجع طبيعي تكفون وش المشكلة مارحت لورش اخاف يلعبون في الموتر ( تاهو 2001 ) لاتبخلون عليها ؟؟؟؟؟؟؟؟؟؟؟؟؟؟؟

[نااااي]

السلام عليكم ورحمة الله

شخباركم؟؟ ان شاء الله تكونون بخير

يا شباب هل ممكن برمجة رادو التاهو 2007 امريكي الى سعودي ؟؟ تكفون يالربع اللي يعرف احد في الشرقيه او الرياض يعلمني
وجزاكم الله كل خير

[LovE-RisE]

هل يغيرها بأختها ... اصليه وكاله ... او بطرمبة فكسار يابانيه 100% ووكاله تويوتا

والله يمدحونها طرمبة الفي إكس آر لكن أخاف إنو فيها توليف

أنا أقترح الأصلية

[أبوعبدالملك الجهني]

السلام عليكم و رحمة الله و بركاته

سيارتي هنا ( و بعدما نزلت الصورة ؛ حصلت مشكلة في السيارة ) :

http://www.mekshat.com/vb/showpost.p...7&postcount=50

لا طِــيـَــرة َ

أمس السبت على وجه الصبح

دقيت سلف للسيارة ( سوبربان 2005 Z71 ) و الدقة طولت من حالها شوية

رديت المفتاح بسرعة ... انتظرت ... دقيت سلف مرة ثانية ... قالت : ماني مشتغلة أبد

إلى هذه اللحظة السلف يدق و ما تشتغل [ كأن البنزين ما يصل أو كأن الكهرباء منقطعة ]

جميع العدادات ( الامبيرات ) شغالة 100 %

فصلت ( أمس ) أصبع البطارية من الصبح إلى الليل ... لم يتغير شيء !!!

( اليوم ) فكيت الغطا اللي فوق الثلاجة و ضغت على البلف ... دقيت سلف لم يتغير شيء !!!

كيف الحل بارك الله فيكم ... ما أبغى أحد من العمالة يلعب بالسيارة ...

كانت السيارة سابقاً ... أثناء السفر ... إذا هديت السرعة و ثم دعست له تكتم

و أحياناً تطفي ... و 7 دقايق و تشتغل ...

كيف الحل ... عسى الله يرزقكم بالمطر


.

[بابا دينالي]

السلام عليكم و رحمة الله و بركاته

سيارتي هنا ( و بعدما نزلت الصورة ؛ حصلت مشكلة في السيارة ) :

http://www.mekshat.com/vb/showpost.p...7&postcount=50

لا طِــيـَــرة َ

أمس السبت على وجه الصبح

دقيت سلف للسيارة ( سوبربان 2005 Z71 ) و الدقة طولت من حالها شوية

رديت المفتاح بسرعة ... انتظرت ... دقيت سلف مرة ثانية ... قالت : ماني مشتغلة أبد

إلى هذه اللحظة السلف يدق و ما تشتغل [ كأن البنزين ما يصل أو كأن الكهرباء منقطعة ]

جميع العدادات ( الامبيرات ) شغالة 100 %

فصلت ( أمس ) أصبع البطارية من الصبح إلى الليل ... لم يتغير شيء !!!

( اليوم ) فكيت الغطا اللي فوق الثلاجة و ضغت على البلف ... دقيت سلف لم يتغير شيء !!!

كيف الحل بارك الله فيكم ... ما أبغى أحد من العمالة يلعب بالسيارة ...

كانت السيارة سابقاً ... أثناء السفر ... إذا هديت السرعة و ثم دعست له تكتم

و أحياناً تطفي ... و 7 دقايق و تشتغل ...

كيف الحل ... عسى الله يرزقكم بالمطر

.

السلام عليكم ,, ان شاء الله موضوعك بسيط عيوني ,, اول شي قول لي هل سقط منك المفتاح على الارض ؟؟
اذا حصل هالشي جرب المفتاح الاسبير لو عندك ,, لانه مع وقوع المفتاح تكون تحركت القطعه الممغنطه داخل المفتاح وبذلك تدق السياره سلف ولكن ماتكتمل عمليه تشغيل السياره ,,
,, بالتوفيق عيوني

[عزبة بر]

ياخوي اذا فيه رجه بسيطة اي اهتزاز ترتره وانت على 120 يمكن وزن العامود او تاكد من الصليب فقط اقتراح مع الشكر

الله يجزاك خير اخوي

[أبوعبدالملك الجهني]

السلام عليكم ,, ان شاء الله موضوعك بسيط عيوني ,, اول شي قول لي هل سقط منك المفتاح على الارض ؟؟
اذا حصل هالشي جرب المفتاح الاسبير لو عندك ,, لانه مع وقوع المفتاح تكون تحركت القطعه الممغنطه داخل المفتاح وبذلك تدق السياره سلف ولكن ماتكتمل عمليه تشغيل السياره ,,
,, بالتوفيق عيوني

و عليكم السلام


بارك الله فيك ...


طاح المفتاح أو ما طاح ... ما أتذكر ... ما أدري

لكن عندي مفتاحين واحد الأصلي للسيارة ... و الثاني تفصيل هنا ...

و جربتهن ... لم يتغير شيء ...

و ما أظن أن الشغلة شغلة مفتاح !!!!