رابطة ملاك (اليوكون , دينالي , تاهو , السوبربان ,z71)

[يوكن 2009]

السلام عليكم
بغيت اسئلكم يا اصحاب الخبره هل التغيير اليدوي او المنويل ينوب عن الاوفر درايف في الصعود العقبه او الجبال او هناك طريقه اخرى ؟
لكم مني كل الشكر والتقدير مقدماً

[Abu Raghad]

أخوي قمة أفرست الله يعطيك العافية وربي مبدع بكل ماتحمله الكلمة من أعجاب

وشكرا لك

أخواني افضب شي لليوكن اللبس الارضيات نايلون والا اسوي لها فرش من عند حقين المفروشات
وكذلك وين احسن محل لليوكن للتلبيس المراتب والارضيات في الرياض
وكذلك فيه واحد يماني يقول لا تلبس الارضيات لان التلبيس يفكون المراتب وهذا يسوي مشاكل من ضمنها الكهرباء والقرقعة في السيارة

مبروك الموتر إن شاء الله والله يعطيك خيره ويكفيك شره ،،،
بالنسبة لي لبست سيارتي يوكون 2009 الارضيات بلاستيك 5 ملم والمراتب تنجيد نوع شاموا عند فرع لمحل السماعيل بالغرابي والحمد لله شغلهم زين وما فيه مشاكل تذكر حتى الآن .. قبل اروح للمحل كنت اسمع عن مشاكل الكهرب بسبب تلبيس الارضيات وفك المراتب وكنت جازم ما افك المراتب وما راح البس الارضيات بس ابيهم ينجدون المراتب بدون ما يفكونهن بس يوم جيت المحل لقيت تاهو 2009 مراتبه مفكوكه واقنعوني وان شغلهم ممتاز وتوكلت على الله ولبست الارضية ونجدت المراتب وبصراح ارتحت من طلعات البر وشقاوة العيال وتحافظ على نظافة الموتر ،،،
اذا تبي رقم الفرع ترا حاضرين وهم يختلفون من فرع لفرع بالشغل والي اشتغلوا بسيارتي عمالة هندية ...
حتى تضمن مشاكل الكهرب بعد ستر الله سبحانه طف موترك وخل المفتاح معك حتى يخلصون من الشغل
وشيك عليهم وخلك فوق روسهم وراقبهم من قرب ،،،
تقبل مروري ودمت بخير ،،،

[أبو نواف8]

الله يبارك في عمرك أن شاء الله
بالنسبة للمحل ياليت تعطيني رقم التليفون والموقع بالزبط وكمان كم أخذ منك مبلغ للتلبيس وكمان الارضيات

وهل يلبسون المرتبة الي عند السائق بمعنى المتكى الي بين السائق والمعاون
واذا عندك اضافات اخرى ياليت تقولي

وتسلم

[قمة افرست]

السلام عليكم
بغيت اسئلكم يا اصحاب الخبره هل التغيير اليدوي او المنويل ينوب عن الاوفر درايف في الصعود العقبه او الجبال او هناك طريقه اخرى ؟
لكم مني كل الشكر والتقدير مقدماً

اخوي الاوفر درايف مخصص للسحب

عندك خيار النمر من m حط على الرقم الي تبي وبعدين هو بيغير الى الرقم المطلوب لنفرض تبغى 3 تغييرات حطه رقم ثلاث خلاص هو بيغير ثلاث غيارات اذا بتزود ولاتنقص عندك بعصاء القير + و- وهذا افضل استخدام للطلوع والنزول
خاصة ان القير 6
بالتوفيق

[قمة افرست]

اخواني مساءكم ورد

عندي سؤال كيف اركب ثلاجه للدينالي2004مكان الدرج اللي بين السائق والراكب واذا فيه مكان افضل

ارجووووووو الافاده

الاخ الكريم
صعب جدا انت تقصد توليف وهذا صعب لانك تحتاج تمديدات كثيرة من الفريون والكهرباء وقد تؤثر على كهرباء السيارة ونتبه ترى الدينالي حساس اكثر من العادي
الافضل تشتري ثلاجة تشتغل عن طريق الولاعة وتركبها بالخلف ويوجد بالخلف مخرج كهرباء وحتى هذه يبغى لك تراقبها لاتسحب كهرباء كثير وتحرق الضفيرة
وتوجد بمحلات الرحلات والزينة ومخصصه للجموس
مجرد راي
بالتوفيق

[يوكن 2009]

جزاك الله اخوي قمه افرست على تفاعلك الدائم والجهد الرائع منك

[القناص الرويس]

قمة افرست


والله انني افخر بأنه يوجد اشخاص مثلك ، وكلي فخر انني علمت انك من الحجاز بارك الله فيك وكثر من امثالك
ولا حرمت الاجر

[سعد الليالي]

السلام عليكم

هذاني رجع لكم بعد إنقطاع .. واتمنى اني افيدكم باللي اقدر عليه

السلام عليكم عندي يوكن 2008 المشكله في السي دي عند اخراجه يعلق الرجاء المساعدة

هذا بارك الله فيك .. فيه عندك بكرة اللي ترفع السيدي وتطلعة خربانة ,, وهي دايم تخرب في الجموس .. رح للغرابي وخلهم يغيرونها لك .. لكن حاول انك تاخذ عليها ضمان اطول مدة .. وقيمتها بحدود الـ 50 ريال .. هم بيقولون 100 لكن ما عليك منهم .. كاسرهم .. كسر الله روسهم .. << حاقد عليهم

أخواني عندي كم سؤال ياليت تساعدوني في معرفة ‘جاباتها


3- بالنسبة للتمرين كيف اعمل السياره توني مشتريها جديدها وابي امرنها علما ان هناك اشخاص قالو عادي امش عليها باي سرعة مافيه مشكلة
لكن انا من يوم شريتها وانا امشي عليها من 80 الى 110 وارجع والان السيارة ماشيه معي 300 كيلو فقط
وبالنسبة للتمرين هل الى 500 كيلو او 1000 كيلو
انتظر الرد منكم وخاصة قمة افرست

التمرين شي ضروري للسيارة عشان تعيش معك .. والتمرين هو :
1- حاول انك ما تشغل المكيف دايم
2- لا تدعس فرامل بقوهـ
3- لا تمشي الا وانت محمي السيارة
4- لا تسرع اكثر من 80كم

الى ان توصل 1000 كيلو

وبعد الالف كيلو .. رح للوكالة وقل لهم ابي صيانة الالف كيلو
والصيانة هي تغيير الزيت والفلتر .. ويشيكون على السيارة كلها .. عشان ما يكون فيه خطأ مصنعي

وبس

يا اهل الرياض

الله لا يهينكم ابي محل يسوي طربال ( غطاء ) لليوكن عشان الغبار و الحرارة ...الخ

اللي يعرف محلن زييين يذكره هنا الله لا يهينكم .......... اندفن موتري من العجاج

فيه في الغرابي والبطحاء .. محلات خيام .. هم يسوونها لك .. بس دام السيارة داخل البيت فلازم تندفن .. لان الجدران تنزل عليها التراب .. والطربال مع الهواء بيمشخ لك البودي .. احلاهما مر ...

انا ركبت مظلة في البيت .. لكن التربان ما خلت السيارة .. دفتنتها

فمالك حل الا وقفت السيارة برا وتحط شجرة ظل ..



تقبلو فحطتي في ردودكم .. اخوكم ســـــــــــــــ ع ــــــــــــد

[المخبر]

اعزائي عندي يوكن 2001

السماعات الخلفيه ماتشتغل ابد بس الاثنين الاماميه احول الصوت خلفي ولا يعمل

فحصت الاسلاك والمسجل والسماعات كل شي تمام

هل لديكم خبره ارجوالافاده

وشكرا لكم وجزاكم الله خيرا

[أبو نواف8]

هلا أخوي سعد الليالي
الله يبارك في عمرك

أخوي بالنسبة للصيانة الي اعرفه انها على مسافة 5000 كيلو
وانت كاتب 1000 كيلو
هل فعلا اذا وصلت 1000 اروح للوكالة للتشييك على السيارة وتغيير الزيت
انتظر الرد

[ياأجمل الوقت]

السلام عليكم ورحمة الله وبركاتة
تسلمون على فتح هذا المتصفح والمواضيع الجميله بردودها

وسؤالي

عاجل


كم يسوى
شفر موديل 2004 بطاقة جمركيه امريكي الون اسود
دبل Z71 عليه ضمان 2 سنه

مراتب جلد متحركه

ماشي تقريباً 170 ميل !!

كم سعره وهل الممشي يضر بالسياره ؟ يعني هل تعتبر ماشيه واجد؟


انا استخدامي للعائله والسفر وطلعات بر قليله لا تتعدي 20 بالميه سنوي طالعات بر

[ريان2002]

مساكم الله بالخير جميعاً عندي ياأخوان يوكون 2002 سعودي وفيه مشكله تتمثل في أن دينمو ال abs شغال على طول موقعه تحت باب الراكب اللي خلف السائق بجوار فلتر البنزين بمعنى أنه يظل شغال حتى بعد ماأطفي السيارة وأقفلها وكأني مشغل دينمو خزان سطح البيت رحت لأكثر من كهربائي معروف وقالوا مالك إلا الوكيل أو تغير الدينمو وهو غالي جداً وبالمناسبه فصل البطاريه مانفع والفيوزات سليمه والأقمشه والهوبات جديده وكذلك قماش البريك والحساسات وأنا الآن فاصل فيش كهرباء ال abs من الدينمو وبالتالي النظام لا يعمل وطبعاً لمبة ال abs والبريك والعه بإستمرار فمن مرت عليه مثل هذه الحاله أو يعرف حل لها فلا يتردد ومشكورين مقدماً

أعضاء عرضوا مشاكل بعدي ولقيولها حل ودعوا للي أفادهم وأنا مالقيت أحد أدعيله جاري الإنتظار .......

[قمة افرست]

قمة افرست

والله انني افخر بأنه يوجد اشخاص مثلك ، وكلي فخر انني علمت انك من الحجاز بارك الله فيك وكثر من امثالك

ولا حرمت الاجر

هلابك يالغالي الفخر والشرف لي بتواجدي معكم وخدمتكم
مشكور على هالمشاعر الي تدل على ذوقك الله يحفظك من كل شر

[قمة افرست]

أعضاء عرضوا مشاكل بعدي ولقيولها حل ودعوا للي أفادهم وأنا مالقيت أحد أدعيله جاري الإنتظار .......

هلابك اخوي
طيب ماتنفع تدعي لنا بدون حل المشكله
ان شاء الله الاخوان مايقصرون ويمكن مرت على احدهم ويفيدك

بالتوفيق

[حياتي البحر]

الله يعطيكم العافية