رابطة ملاك (اليوكون , دينالي , تاهو , السوبربان ,z71)

[علقم]

الاخ قمة افرست السلام عليكم ورحمة الله وبركاته
*انا عندي يوكن 2008 شغلته عن بعد مرتين بالريموت ومادخلت المفتاح والمره الثالثه حاولت اشغله يالريموت ولم يشتغل ولايوجد صوت وركبت المفتاح يشتغل السلف بس ماتشتغل السياره طرمبة البنزين لاتدفع بنزين وبعد محاولات اشتغلت السياره وعلامة المكينه شغاله وطفيت السياره وشغلتها مره ثانيه وبعد خمس دقائق طفت علامه المكينه والحين انتهت المشكله والسياره تشتغل عادي ممكن تقولي شنو السبب ؟؟؟؟
*والسؤال الثاني لما فتحت علبت الفيوزات الي الي عند المكينه على يسار لقيت فيوز طرمبه البانزين والكتاوت الاسود الخاص بطرمبه البنزين غير موجودين وللعلم مكانهم موجود ولما سالت احد الفنين الكهربائين قالي ان هذا الموديل مايجي فيوزات طرمبه بنزين ويقول ان الموديل اللي قبله يجي بس 2008 دفعه او دفعتين ماجت فيهم فيوز للطرمبه هل كلامه صحيح واسف على الاطاله وعساك ذخر ؟؟؟
*السؤال الثالث في صوت خفيف جدا حنه يكاد يسمع اذا دعست على دواسة البنزين ويختفي اذا رفعت رجلي عن الدواسه واذا زادت سرعة السياره عن 120 يختفي الصوت او يخف ممكن تفيدنا عن سبب هذه الحنه ؟؟؟؟
*السؤال الرابع وتحملنا ياقمة افرست عندي تبديلات الجير التبديله الاولى فيها نتله قويه شوي وباقي التبديلا طبيعيه وناعمه واذا امشيت فتره على السياره حتى التبديله الاولى تصبح ناعمه وتروح النتله ؟؟؟؟؟
الرجاء الرد مشكورا ليستفيد الجميع ودمتم

يااخ قمة افرست فيدنا الله يفيدك

[alturke]

السلام عليكم ورحمة الله وبركاته
الأخ قمة افرست
مطلوب ولا أستغني عن ردودك الشافيه التي من الواضح انها تنم عن خبره ودرايه
وتقوم بمساعدة الآخرين وجزاكم الله خير

عندي يوكن 2007 صراحه قوة الأنوار مو بذاك الزود وأسافر بشكل دائم اسبوعيا مشوارين

تقريبا كل اسبوع 800 ك م الله يعين ويجمعني مع ابنائي والله شحططه للآخر

شكلي شطحة بعيد السؤال رحت كهربائي وقال لي غير الشمعات الداخليه الى قوة 100 على 90

اللي اريده يكون النور قوي جدا وزنت الأنوار ومافيه فائده ياترى اغير الشمعات الداخليه

السؤال الثاني طريقتي بتغيير الزيت اغير نهاية كل شهر ويكون ماشي بحدود 4000 ك م تقريبا مره مع السيفون ومره بدون نوع الزيت كاسترول نصحني فيه ابو يمن اللي اغير عنده باستمرار هل طريقتي صحيحيه ونوعية الزيت جيده
السؤال الثالث عندي تهريب بسيط لايذكر مثل ( التنيده ) يعني بسيط جدا بزيت الدركسون وفي اقصى شمال
السعوديه ولايوجد لاوكيل ولا شئ لدرجة السيفون ماهو متوفر واغيره على ذمة ابو يمن انه اصلي ياترى فيه حل لتهريب لأني رحت لميكانيكي وقال لي الأفضل
ماتغير شئ وتتركه على وضعه

[دنياي اتعبتني]

السلام عليكم ورحمة الله وبركاته
يالربع عندي يوكن امريكي موديل 2005 وهذي مشاكله ان شاء الله انها بسيطه ولكن ودي اعرف حلها
1- عند تشغيل السياره بالنهار كانت تولع الاصطبات فقط وبالليل تولع الانوار والحين بالنهار والليل تولع الانوار مادري وش السبب (انا اعرف انها اوتو ) ولكن الي ابغاه ان ترجع تولع لمبة الاصطبات فقط في النهار
2-عندي لمبة الايرباق تولع ورساله في الطبلون يجب اصلاح كيس الهواء
4-بعض الاحيان تطلع لي انخفاض طاقة المحرك وهذي لاستخدمة النور العالي فقط بس تحصل بعض الاحيان واذا صارت صفطت الموتر وطفيته وشغلته وتضبط اموره
5- كم رقم البواجي البديل للايسي ديلو انا ابغى اركب ngk ولكن ماعرف رقمها كم ؟؟

الله يجزاكم خير الي عنده خبر يرد لنا ونداء الى قمة افرست
بالنسبه للفقره 3 تمت ازالتها وذلك لرؤية نفس السؤال وحله

[قمة افرست]

يااخ قمة افرست فيدنا الله يفيدك

حياك الله اخوي
انا اشوف ان السيارة مافيها مشكلة واضحة

وان شاء الله سيارتك سليمة ومافيها شي

اذا لاحظت اي شي جديد اطرحه وابشر ماراح نقصر معك وباقي الاخوان فيهم الخير والبركه

[رجل غامض]

بارك الله فيك يابو فهد ... العالم الله ان الصوت جاي من الدفرنس واليوم الصوت ماصار

زي اول خفيف ومن 60 لالالا الحين من20 وصوت فااااضح وعااالي ..وهذا اللي

مخوفني ... لكن لو احط عليه من مانع الاحتكاك هل يروح الصوت .. وهل لو خليت

السياره مثل ماهي هل فيه تأثير او حاجه ممكن تصير في السياره على المدى البعيد

ومااخطر ما قد يصير ... لاني والله مافضيت لها وان هالعمار مأكل اللي وراي وقدامي

تكفى يابو فهد الحل .. الله يوفقك

[قمة افرست]

الله يجزاكم خير الي عنده خبر يرد لنا ونداء الى قمة افرست
بالنسبه للفقره 3 تمت ازالتها وذلك لرؤية نفس السؤال وحله

المشاركة الأصلية كتبت بواسطة دنياي اتعبتني
السلام عليكم ورحمة الله وبركاته
يالربع عندي يوكن امريكي موديل 2005 وهذي مشاكله ان شاء الله انها بسيطه ولكن ودي اعرف حلها
1- عند تشغيل السياره بالنهار كانت تولع الاصطبات فقط وبالليل تولع الانوار والحين بالنهار والليل تولع الانوار مادري وش السبب (انا اعرف انها اوتو ) ولكن الي ابغاه ان ترجع تولع لمبة الاصطبات فقط في النهار
2-عندي لمبة الايرباق تولع ورساله في الطبلون يجب اصلاح كيس الهواء
4-بعض الاحيان تطلع لي انخفاض طاقة المحرك وهذي لاستخدمة النور العالي فقط بس تحصل بعض الاحيان واذا صارت صفطت الموتر وطفيته وشغلته وتضبط اموره
5- كم رقم البواجي البديل للايسي ديلو انا ابغى اركب ngk ولكن ماعرف رقمها كم ؟؟





*اذا ماانت مغيم القزاز الامامي
تاكد من الحساس فوق الطبلون بالنص لايكون مغطية او يكون فيه خلل

*لمبة الارباق تقريبا حساس منفصل اذا السيارة ماتعرضت لحادث ولازم فحص لتحديد الحساس المفصول

*انخفاض طاقة المحرك تصير اذا صار فيه تفتفه
وتقريبا تحدث مع تفتفه بسبب ضعف طرمبة البنزين وسخ لاحق البخاخ
اذا ماطفت السيارة ولاصار تقطيع خل الامور الين تظهر المشكلة بوضوح اكثر

بواجي ان جي كي

تلقاها بالشرقية عند هذا المحل


http://pm-dyno.com/index.php?option=com_content&view=article&id=51&It emid=58

[قمة افرست]

تكفى يابو فهد الحل .. الله يوفقك

ممكن مانع الاحتكاك الخاص بالكلتشات مايجيب نتيجة
ورايي تفحص بمركز واذا تحتاج تصليح الله يعينك
فماينفع الا الفحص والتاخير بيزيد المشكلة

تمنياتي لك بالتوفيق والله يعينك
قارن بين التكلفة وشراء دفرنس من التشليح اذا قريبه من بعض غير من التشليح على الضمان

[قمة افرست]

السلام عليكم ورحمة الله وبركاته
الأخ قمة افرست
مطلوب ولا أستغني عن ردودك الشافيه التي من الواضح انها تنم عن خبره ودرايه
وتقوم بمساعدة الآخرين وجزاكم الله خير

عندي يوكن 2007 صراحه قوة الأنوار مو بذاك الزود وأسافر بشكل دائم اسبوعيا مشوارين

تقريبا كل اسبوع 800 ك م الله يعين ويجمعني مع ابنائي والله شحططه للآخر

شكلي شطحة بعيد السؤال رحت كهربائي وقال لي غير الشمعات الداخليه الى قوة 100 على 90

اللي اريده يكون النور قوي جدا وزنت الأنوار ومافيه فائده ياترى اغير الشمعات الداخليه

السؤال الثاني طريقتي بتغيير الزيت اغير نهاية كل شهر ويكون ماشي بحدود 4000 ك م تقريبا مره مع السيفون ومره بدون نوع الزيت كاسترول نصحني فيه ابو يمن اللي اغير عنده باستمرار هل طريقتي صحيحيه ونوعية الزيت جيده
السؤال الثالث عندي تهريب بسيط لايذكر مثل ( التنيده ) يعني بسيط جدا بزيت الدركسون وفي اقصى شمال
السعوديه ولايوجد لاوكيل ولا شئ لدرجة السيفون ماهو متوفر واغيره على ذمة ابو يمن انه اصلي ياترى فيه حل لتهريب لأني رحت لميكانيكي وقال لي الأفضل
ماتغير شئ وتتركه على وضعه

الله يجمعك بابنائك اللهم امين

النور وجهة نظري بنور اليوكون جيده
واغلب السيارات بالنور الواطي ضعيفة
وانت ممكن تسافر بطريق زراعي وغير سريع وهذا ممكن مضايقك
وخاصة اذا طريق بدون عيون قطط يتعب السائق نعم

زيادة الشمعات فقط بدون عمل اي تغيير احتمال تحرق فيش اللمبة وارد اوتسوي ماس
اذا مصر امامك حلين
انوار زنون
او شمعات اقوى مع كتاوت خارجي تحسبا لاي احتمال ماس
ورايي تخفف السرعه ولاتغير شي

زنون تركب لليوكون



تغيير الزيت كويس 4000 افضل وبين كل وبعد كل تغييرتين زيت سيفون افضل عشان اغلب السيفونات تخرب الجلدة ويهرب
بعض البناشر عندهم اصلي ولوصادف مريت وكالة خذ مجموعة قيمة السيفون 18 ريال
الزيت كاسترول نوعية جيده اهم شي يكون لزوجة 10 دبليو 30

التهريب لاتعمل شي لين يهرب وللاحتياط يكون معك علبة زيت دركسيون

تمنياتي لك بالتوفيق

[دنياي اتعبتني]

المشاركة الأصلية كتبت بواسطة دنياي


*اذا ماانت مغيم القزاز الامامي
تاكد من الحساس فوق الطبلون بالنص لايكون مغطية او يكون فيه خلل

*لمبة الارباق تقريبا حساس منفصل اذا السيارة ماتعرضت لحادث ولازم فحص لتحديد الحساس المفصول

*انخفاض طاقة المحرك تصير اذا صار فيه تفتفه
وتقريبا تحدث مع تفتفه بسبب ضعف طرمبة البنزين وسخ لاحق البخاخ
اذا ماطفت السيارة ولاصار تقطيع خل الامور الين تظهر المشكلة بوضوح اكثر

بواجي ان جي كي

تلقاها بالشرقية عند هذا المحل


http://pm-dyno.com/index.php?option=com_content&view=article&id=51&It emid=58

جزاك الله خير وبيض الله وجهك عز الله انك وافي
الله يجعلها بميزان حسناتك ويجمعنا بك ومن يشوف في جنات النعيم

[ابو ناصر333]

الاخوة اعضاء الرابطة
انا عندي يوكون slt2010 فيه مشكلة ماني عارف هل هي طبيعية او لا
اول ما تمشي السيارة بعد التحمية يكون فية تكة خفيفة في دواسة البنزين هل هذا طبيعي ولا الموضوع عادي .

[حياة جديدة]

السيارة تروح فيها صحراء مثلا

ممكن يكون داخل شي جهت الحذاف
او السلف حجر صغير مثلا او طاير ترصيصه وهذا احتمال
قابل للصح والخطاء

اخي الكريم قمة افرست اشكرك على سرعة تجاوبك ولكن السيارة عند تشغيلها وهي واقفة تطق وتهز والطقة في القيروعند التطفئة تسمع صوت شي ينقفل في القير وذي الحالة نروح وتجي ونوع الهزة اقصد فيها تتحرك حركة بسيطة مع الهزة والطقة القوية وشكرا

[مكشاتي الصريح]

عبادي2011
جزاك الله خير وشاكر لك تفاعلك معي لا حرمك الله الأجر

[الرحال تبوك]

السلام عليكم ورحمه الله وبركاته...
تاهو 99 فيه تهريب في صوفت العمود الامامي من الدبل (الصوفه الي بالدبل ) اغيرها او غير الزيت بزيت اثقل شوي وماهو افضل نوع من الزيوت للدبل و الحل مع الصوفه
الله لايهنكم ابي خبرتكم وهل زيت الدبل نفس زيت الجربكس التماتيك او 90 او زيت المكينه العادي 40

[طير شلوى نجد]

تسلم والله وجزاءك الله خير انا قريت تقريبآ اغلب المشاركات ألي بالرابطة واغلب واحد اشوفة فعال بالرابطة قمة ايفرست وكل ألي بالرابطة فيهم خير جزيت عنا الف خير والله يعينك على فعل الخير والله يوفق الجميع

[بليزر2002م]

المشاركة الأصلية كتبت بواسطة albdry
مشكور اخي قمة افرست على ردك وتجاوبك الطيب ولكن المفتاح اللي على اليسار قبل الاخير بجانب تسكير التكييف حاولت وكل مره اشغله ثواني ويطفى ولايطلع حار ولاشيء
اخوي كمل معروفك ( بس تكون الدفايه مسكره من دال المكينه وين احصلها )

نعم اخوي فيه خطاء بشرحي السابق
اول ماتشغل السيارة بتكون طافيه لاتشغلها
لان شبكها حيشغل الكمبرسر
فقط حول المكيف حار
اذا ماجاء هواء حار ونت ماشي
راح يكون المشكلة ان الحار ملغي
او مقفلة فتحة التهوية
تاكد من اقرب كهربائي اذا المشكلة موجوده
[/QUOTE]
حياك الله اخوي........ انا ما اقدر ازيد على اخونا قمة لكن للتوضيح والفائدة للجميع مثل ما قالك اخونا قمة لكن هناك نقطة لكي تقوم بفتح وتسكير الهواء حول الهواء الى المقدمة اي يمكن ان يكون مثبت على الاسفل (الارجل) وهذه دائما تحدث معي وعند تغيره الى الامام (في الوجه) تضبط معي.... والله اعلم
وتقبل مروري ولكم تحياتي