رابطة ملاك (اليوكون , دينالي , تاهو , السوبربان ,z71)

[رعد الصحراء]

عندي مشكلة غريبه في اليوكن 2006اذا رحت مشوار طويل وبعد الوقوف وتقفيل السيارة تقفل الابواب ماعدى الشنطه وبعض المرات تفقل الابواب الا الشنطه واذا رجعت بعد فترة من 3ساعات تقريباً ترجع طبيعي ؟
من سبق ومرت عليه هذي المشكلة وكيف حلها ؟ هل يلزم تغير السنتر حق الشنطه او يمكن تصليحه او هناك مشكله في الكهرباء من يفيدني وله جزيل الشكر

السلام عليكم

حدثت معي نفس المشكلة

والعطل كان في السنتر لوك ( قفل الشنطه )

سعر القطعه بحدود 790 ريال تزيد أو تنقص

و150 للكهربائي

الموقع .. صناعية النسيم

ورشة الموينع .. أعتقد أن اسمه رشيد

مقابل الضحيان

[caspersa]

السلام عليكم ورحمته الله وبركاته
أنا عندي تاهو موديل 2007 واجريت له صيانه مثل تغير البواجي والأسلاك البواجي ونظفت الدعسه البنزين
(الثورتل)وعلقت الدعسه وسويت له برمجه ولا رجع
ارجو مساعدتي وش اسوي ارسال الحل على الايميل Mm15151@hotmail.com
ابوحنين؛؛

اخي العزيز لم تذكر ما هي المشكلة التي تواجهك ؟؟؟؟

[caspersa]

ياأخوان من خلال تجربتكم هل تنصحون بشراء تاهو 2011 دبل جديد؟
هل واجهتكم عيوب في استخدامه ؟
هل ممتاز استخدامه في البر؟
اتمنى الرد يكون من الأشخاص الي جربوا الشكل جديد

عزيزي من واقع تجربة ومنذ فترة طويلة اليوكن والتاهو رائعة جدا في البر ولا يوجد فيه اي عيوب نهائيا من ناحية الاستخدام
وللعلم انا عندي دينالي 2008 سحبت جمس سوبر بان موديل 94 بدون دبل كان مغرز مسافة تقربيا كيلو ونصف وبدون اي مشاكل تذكر

عزيزي بنسبة لقوة المحرك وقوة الدبل موجودة في الامريكي بلا منازع..... هذا والله اعلم

[caspersa]

السلام عليكم
انا عندي جمس دينالي 2003 XL كيف افصل الهيدروليك
وشكراً

عزيزي اذا الهيدروليك لم يكن متعطل ولا فيه اي مشاكل لا تغيره
واذا خربان ولا توجد لديك سيولة مالية ركب يايات اصلية

[بو شوق]

شكرا لك caspera
بس والله محتاج ردود كثيرة لاني اقراء عن رابطتكم كثير بذات العبرات الي تطلع من كمبيوتر السيارة .
ابي نصيحة لوجة الله ياأصحاب تاهو يوكن ٢٠٠٧،٢٠٠٨،٢٠٠٩،٢٠١٠،٢٠١١
نورونا الله ينور عليكم.

[caspersa]

شكرا لك caspera
بس والله محتاج ردود كثيرة لاني اقراء عن رابطتكم كثير بذات العبرات الي تطلع من كمبيوتر السيارة .
ابي نصيحة لوجة الله ياأصحاب تاهو يوكن 2007،2008،2009،2010،2011
نورونا الله ينور عليكم.

عزيزي باذن الله لن تواجه اي مشاكل في التاهو واليوكن وهذة السيارات معروفة ولا يحتاج لها اي مزيد من الاضافات

واذا انت راعي تكشيخ و زيادة في الرفاهية و نعومة اكثر وقوة محرك اشتري دينالي والسعر اكثر من اليوكن والتاهو

ولا تنسى اذا اخذت سيارة من الوكالة اكيد بتكون في فترة الضمان يعني ايضا لا تخاف والقلب داعيلك

[بو شوق]

بس في ناس يقولون الدبل عيبة ماتقدر تتحكم فيه اوتوا من نفسه.
ننتظر المزيد من الردود.

[caspersa]

مين قال الدبل ما تقدر تتحكم فيه ؟؟؟
الي قلك كذا انا اعتبره جاهل في امور الدبل ولا يفهم شي

عزيزي خذ العلم الاكيد مني اليوكن والدينالي يعطيك الخيارات كلها وتختار الي تبيه مثلا تبي تمشي على دفع خلفي على طول وتقدر تمشي دبل خفيف وثقيل على ما تحب وتقدر تخليه تلقائي ( اتوماتيك ) يعني السيارة تعرف من وحدها متى تستخدم الدبل ومتى تفصل الدبل

والخيارات كلها بين يدك

اما بنسبة للدينالي فهو محرك قوي ومواصفات قمة في الرفاهية و دبل على طول وهذا مو عيب بل انها ميزة وهي رائعة جدا جدا ولا فيها اي مشاكل انا عندي دينالي سبورت 2008 ماشي عليه 90 الف ميل ومشأالله

شوف الفيديو هذا وتعرف قوة الدينالي

[قناص المجمعة]

السلام عليكم يالله حيهم ان شاء الله طيبين ..
ابشركم شرينآ حوض Z71 عآد بنبثركم لكن تحملونا ..

عندي كذا نقاط بالموضوع نبي عآد رايكم /


البيع :


* الموتر وارد التوكيلات و تجي مراياته كبار اللي مثل هالشكل :




و ودي ابيعها او استبدلها بمرايات صغار يقولون ان حقات الجمس و اليوكن يركبن على الموتر ..؟ وين احصلها و بكم اصلي يفضل ..؟ مع العلم ان هالمرايات اصليه و كهرب ..؟ سوماتكم ..؟


* عندي دعاسات نيكل ثنتين للبيع سوماتكم يا الذيابه ..



المطلوب + إستفسارات :

* شبك الموتر الأمامي كلمة الجمس الحمراء مشهبه مره و رايحه لمعتها مع الزيك النيكل حق الشبك وش لون ارجع لمعتها ...؟ ولا لازم اشتري جديد و بكم بالتشليح مستعمل ..؟

* الدعامية الصدام النيكل الامامي مشهب وش لون ارجع لمعته ؟ فيه ناس قالوا تغطسه نيكل عند حقين التغطيس بس احس يكلف ..؟ كم القاه بالتشليح ..؟ و هل عندكم ارقام محلات معينه ..؟

* الموتر شريته من راعيه بدون دبة الوكالة و شكمان الوكالة من وين احصلهن ..؟ وهل دبات الجمس و اليوكن يركبن على الحوض ولا يختلفن ..؟

* النقطة الاخيره طبلون الموتر راعيه كان منجده وفكيت التنجيده و اشوف على الطبلون زي الصعرور بنتفخ بس هواء يعني مب منتفخ كل الديكور اتوقع بحرارة يزبط وين اللي يصلحونها ..؟


و الله يعطيكم ألف عآفية بإنتظار ردودكم ..

[H 2]

السلام عليكم ورحمة الله وبركاته
اخواني عندي يوكن 2008
محافظ عليه اكثر من نفسي
ماشي 100 الف من الدوام للبيت والعكس واطلع للشرقية كل اسبوعين ثلاثة
المشكلة انه وقفته عند محل ونزلت اخذ اغراض طبعا انا موقفه وحاطه ع الان ومعي الرموت
قفلته ورحت
3 دقايق ورجعت الا الموتر مطفي
ابي اشغل مايطلع حتى صوت
بس البوري تمام والانوار تمام يعني ماهي سالفة بطارية
جلست تقريبا 6 دقايق واشغل ويشتغل واروح اعبي بانزين لان البانزين كان تحت الربع
واروح للبيت وبعده بيوم طلعت عليه ورحت لمشوار بشمال الرياض وانا بشرق الرياض وكان تمام ورجعت قبل اوصل البيت
طفى علي عند الاشارة
وحصلت بالاشارة المقابلة تاهو لونه عنابي طافي بعد انتظرت تقريبا 5 دقايق واشتغل
حركت رحت للي طافي ونزلت قلت له وش المشكلة قال مايشتغل
قال لي معك اشتراك قلت له لا خله بس 6 او 7 دقايق ويشتغل
ورحت وبكره رحت مشوار الصبح وتمام ماصار شي
والبانزين ماعاد خليته ينزل عن النص
بعدها بيومين رحت مشوار الظهر ورجعت وطفي علي وانا امشي وقفت وانتظرت واشتغل
عاد امس طلعت للسليمانية عاد تعرفون السليمانية زحمة
وطفى علي بطريق الدشوش والريسايفرات
وجلست يمكن دقيقتين واشتغل وحركت ورحت لطريق العروبة يعني يمكن 5 دقايق من الطفية الاولة
ويطفي مره ثانية
ويمحطني 10دقايق والمشكلة بالاشارة الى عند مستشفى الشبلي
ويشتغل واروح للبيت والعن ابو اليوم الى اخذت فيه يوكن
حسبنا الله عليهم المشكلة اني ورب الكعبة محافظ عليه قراطيس المراتب للحين فيه ماشلتها من زود المحافظة

رحت للوكالة قالوا اخذ موعد الاثنين القادم
دخل موترك ونشييك عليه
طبعا مابي اروح للورش الى بالصناعيات مابي اخرب الموتر
الا اذا فيه ورشة تنصحوني فيها واهلها اهل ذمه وضمير
انتظر ردكم وش المشكلة تتوقعون
ووين اروح الوكالة او وين
موعدي معاهم الاثنين الساعة 9
اسلمهم الموتر وعارف بيلطعوني الوكالة اسبوع عشان يشيكون ع الموتر

[H 2]

^
^
نسيت في صوت مثل وزت المرسدس مديلات الثمانينات اذا مشيت عليه فوق 90 ودعست يطلع واذا وخرت رجلي عن البنص تروح
وهالوزة ماسمعتها الا من يوم مشى 75 الف وكنت اسمعها مره تزود ومرات تختفي
وصوتها قدام اذا انا ماشي اسمعها تطلع من قدام حول الماكينة
بس الحين صار صوتها احد واوضح

[خوي الجمس]

غير طرمبة بانزبن وسافر على كيفك

[H 2]

مشكور اخوي والله يالغالي مدري هي طرمبة
اخاف اغير الطرمبة والمشكلة اقل من الطرمبة شفت انا موضوع ولا ادري هل اغير الحساس او الطرمبة او انتظر للوكالة في موضوع
عن تفتفت اليوكنات بس المشكلة المووضوع قديم ولا احد يرد
http://www.mekshat.com/vb/showthread.php?t=208116

[قناص المجمعة]

يارب يردون علي ..

[الجارح800]

السلام عليكم ورحمته الله وبركاته
أنا عندي تاهو موديل 2007 واجريت له صيانه مثل تغير البواجي والأسلاك البواجي ونظفت الدعسه البنزين
(الثورتل)وعلقت الدعسه وسويت له برمجه ولا رجع
ارجو مساعدتي وش اسوي ارسال الحل على الايميل Mm15151@hotmail.com
ابوحنين؛؛

مرحبا ابو حنين

مشكلتي مثل مشكلتك

نظفت الثرويل وصلحت برمجه ومشت الامور تمام لمدة اسبوع وبعد اسبوع صار يطلع لي كتابه بعد فتره مثل
- يجب اصلاح جهاز مانع الانزلاق
- تم اخفاض طاقة المحرك
- ثبات السيارة بالارض

ويصير عزم السياره ضعيف وما يتعدى 60

- عداد rbm يطلع وينزل على كيفه وبعض الاحيان تطفى السيارة

افصل اصبع البطاريه وارجعها وتمشيني فتره وبعدين ترجع الحاله

والله ان كرهت هالسياره وما ادري وش السواة فيها تكفووون ياهل الخبره شوفو لي حل

ما عندي الا هالسياره والناس في صيفية و لا قدرت ابيعها

خايف من الورش تلعب في فيها واتحمل خساير زياده