المشاركة الأصلية كتبت بواسطة طحنون
السلام عليكم ورحمه الله وبركاته
ندخل بالموضوع
تاهو موديل 2005 دبل قصير مستورد امريكي
له الان عندي سنه بالضبط ولله الحمد
المشكله الاولى غيرت طقم كفرات وسويناله برمجه ومانفع الكفر الخلفي يسار يعطي قرائه خطاء مره صفر ومره فوق الستين
وفصلنا البطاريه السالب ولا فيه فائده
المشكله الثانيه
كنت مسافر ومسافه الطريق 125 كيلو والطريق مكسر ومطبات
وبدون مقدمات ولعت لبه الايرباك
وقمت وفصلت البطاريه ولم تطفى
وبعد كم يوم فحصتها كبيوتر عند ورشه البيان بطريق الجبيل
واتضح في الفحص ان حساس الايرباك الامامي اللي بالصدام يبغالهم تغيير ولم يحدد اي منهم العطلان ( يقول مايبين معه لين يركب واحد جديد ويغير بين الاثنين حتى يعرف اي منهم العطلان او الاثنين عطلانين )
طبعا
سعرهم مرتفع
الواحد بعد الخصم 520
وبعد تركيبهم يكلف 350
وبرمجه 350
ونا ماني مقتنع من فحصهم للسياره
واحس ان الشغله ماتكلف وبسيطه او ان السياره يبغالها برمجه فقط وتطفى اللنبه
لان فحص الكمبيوتر ماهو كل شي
مثل ماصارلي مع سيارتي الباترول 2005 قالو القير وقالو البخاخات وقالو منظم القير
وفي النهايه طلع حساس الهواء متسخ وتم تنظيفه
بعشره ريال ورجع كل شي افضل من الاول
الاخ الكريم بحاول معك بحل مشكلة حساس الكفرات
ونحاول نحل المشكلة
اولا هل غيرت اماكن الكفرات الجنوط اذا غيرتها لازم ترجع كل جنط مكانه
بعدين وقبل تغيير اي شي
روح اقرب بنشر ونسم الكفر الي فيه المشكلة للصفر ونفخه مرة ثانية
الحل الاخير
طريقة البرمجة لموديل 2007 و2008 مدري يمكن تزبط على موديل سيارتك
1- حط السيارة بوضعية n
2- اضغط على ريموت السيارة فتح الاقفال واغلاقها مع بعض حتى تسمع صوت البوري
3- بعد سماع البوري قم بزيادة او تنقيص هواء الكفر لين تسمع صوت البوري
4- يكون زيادة الهواء او تنقيصه على شكل عقارب الساعه
بمعنى تبدا بالكفر الامامي الي جنب السائق ثم الكفر الامامي الاخر ثم الخلفي الي جهة الراكب واخر شي الكفر الخلفي الي جهة السائق
5- تقوم بهذه العملية على جميع الكفرات الانتهاء من الكفر عند سماع صوت البوري
6- امش بالسيارة مسافة قد تصل الى 3 كيلو اذالم تطفي اللمبة اعد اطفاء وتشغيل السيارة
موضوع الارباق لااستطيع افيدك فيه لانه مايبين الا بفحص كمبيوتر
ولاكن هل جربت فكه وتنظيفه
تحياتي وكل عام وانت بخير