المشاركة الأصلية كتبت بواسطة alqadi2002
كان عندي مشكلة في سيارتي يوكن 2001
ظهور صوت لفة المكينة وطلعت المشكلة أن فيه صوت من بكرة الشداد الخاص بالدينمو وغيرت البكرة وكالة وبعد فترة طلع نفس الصوت وغيرت سير جديد مع أن القديم لسه جديد وغيرت بكره المكينة وفوق كذا طلع الصوت بعد أقل من شهر ...!!!
ويش الحل لأن الصوت مزعج .....
ويش الحل ....
اتمنى الاخوان يفيدونك ان شاء الله وتاكد من وزنية الدينمو ومسار السير
وبهذا السياق فرصة
اذكر ملاحظه على شداد مكيف السير لعل بها فائدة للاخوان
شداد السير للمكيف يوجد فيه عيب مصنعي من 2000 حتى موديلات 2008 الجديده
ولو تغير جديد نفس الشي وتجي الشداد مع البكرة ماتباع لحالها تقريبا بسعر 170 ريال الاصلي
وطريقة التعامل مع شداد سير المكيف
لتجنب انقطاع السير او كلفشة الكمبرسر
عدم تشغيل المكيف مع تشغيل السيارة او اثناء المشي بالسيارة
انتظر دقايق تسخن السيارة وبعدين شغل المكيف
في حال انقطع السير حق المكيف لاتاخذ على كلام المهندسين اكثرهم مايعرف انه عيب مصنعي حتى الوكالة
الوكالة على كلام احد الاخوان موديل 2008 يقولون برمجة للمكيف بعد سماع صوت صادر من المكيف حسب وصفه لهم لان الصوت مايستمر
تاكد بنفسك ان الكمبرسر خربان او عند كذا مهندس
معرفة الخلل اذا كان بشداد المكيف
ويبين اذا شغلت المكيف في اغلب الاحيان وليس دائما ووقت الحرارة الشديدة الظهر
تسمع صوت حركة زي الجنزير اذا احتك بحديد وهذا صوت الشداد طبعا طف المكيف على طول واعد تشغيله
مرة اخرى يختفي الصوت
واذا كان خربان بالمرة يقطع السير ويكون مكلفش
هذا فيما يخص بكرة وشداد المكيف
وسامحي لاقحام مشكلة شداد المكيف بالعطل الي ذكرت
ولاكن اوردتها للاستفادة
وشكرا