رابطة ملاك (اليوكون , دينالي , تاهو , السوبربان ,z71)

[hsht]

عندي سؤال عن يوكن 2001 امريكي نظيف كم يسوى ؟؟
تاهو 2002 امريكي ايضا؟؟

[قمة افرست]

اخوي هذي الصوفه الخلفيه حقت المكينه غيرها ماتكلفك 400ريال ولالها حل الا التغيير وتراها مصيبه على السياره

كان معي شبح مرسيدس فيه صوفة مكينه خلفيه واتساهلت فيها وسافرت عليها وكان الخط فيه طلعات وجبال

وكل ماارقى جبل تهرب زيت لان وجه السياره يرتفع وينزل الزيت من الخلف مااطول عليك خبطت السياره

وركبنا سطحه انا وياها ووظبت ب 8000 عند عتيق المالكي

اذا كان النوع دينالي يوجد جلده للماصورة حقت الزيت الي خلف الكرتية
يمكن منها
اما اذا يوكون عادي فالامر واضح اه الصوفه الخلفية والافضل اصلاحها صعب الواحد بيعاير الزيت كل شوي

[هاشمي]

مشكووووووووووووورين أنسى العالم مع هذا العالم عالم رابطة البليزر رأيكم أخواني بليزر والتاهو 95 أخذت واحد باب واحد 95 أسود مرفع عالي طبعا 8سلندر دبل عصا أرضي وكشفت عليه كمبيوتر طلعت المكينة 88% وأتوكلنا على الله وأخذناه وغيرنا الكفرات قود ير مقاس 245 على 45 على جنط 20 ×هوا ضغط 40 عريضة وجدار قصير الكفرات وتغيير البواجي والزيوت المصافي وخلافه والحمد لله ألسطا تمام التمام السؤال هو مكتوب بالإستماره بليزر 8 سلندر وحسب معلومتي الضعيفة جدا إن البليزر 6 سلندر والتاهو 8سلندر لاأنسى السيارة أمريكي إستعمال ياباني والأخوان سامحونا على الإطالة ولولا طولة بالكم حسب مالاحظة ماأطلة عليكم مواطن من أهالي مكة المكرمة الحبيبة على الجميع وحج مبرور وسعي مشكور قبل الزحمة والسلام×

[دينالي جنوبي]

بسم الله الرحمن الرحيم

اخواني اعضاء الرابطه


سجلوا عندكام دينالي 2003 اسود مقيم في الدمام

عندي مشكله

اللي هي دعسة البنزين تفصل وتولع عندي لمبه التشيك واذا طفيت الموتر وشغلته ترجع الدعسه وتجلس اللمبه شوي وتطفا

ابي مساعدتكم تكفووووون لاني جديد على اليوكن ولا اعرف فيه واجد

ما حد بيرد علينا يالربع

[LovE-RisE]

ما حد بيرد علينا يالربع

أخي الكريم

حياك الله

هذي من طرمبة البنزين وما لك من طولة السالفة لا حد ياخذك ولا أحد يوديك

المشكلة إنو الطرمبة مدمجة مع الخزان يعني يبيلها شغل اشوي

والله يوفقك

[أبوخالدالعراك]

السلام عليكم ورحمة الله وبركاته
الحمدلله والصلاة والسلام على رسول الله
وعلى آله وصحبه أجمعين

انا شفت صورة يوكون 2007
خشته خشة وانيت 2008
الظاهر انها بالفوتوشوب
ولا عاد لقيتها
اللى عنده الصورة ينطلها اهنيه
واكون له شاكر وممنون

بارك الله فى جهودكم
شـكــ وبارك الله فيكم ـــرا لكم ...
لكم مني أجمل تحية

[روافد]

قبل اي شي صل ركعتين واستخير

وحسب استخدامك اذا ترى انك ماتحتاج الدبل وجايك سعر زين فيه بيعه


لاتواخذنا بالسؤال
كم حاده وكم ماشي واش اللون طويل ولاقصير
يمكن نفرق السوم
موفق ان شاء الله

المشكلة ان عندي جيب في البيت بس الدبل ما نستغني عنه يجي له حاجة

هو يوكون قصير اسود ماشي 3500 كم فقط لاغير

شكرا لكم على الرد

[دينالي جنوبي]

أخي الكريم

حياك الله

هذي من طرمبة البنزين وما لك من طولة السالفة لا حد ياخذك ولا أحد يوديك

المشكلة إنو الطرمبة مدمجة مع الخزان يعني يبيلها شغل اشوي

والله يوفقك

يعني وش اللي خربان في الطرمبه بالضبط

ولا اغير الطرمبه كامله

شاكر لك اخي الكريم

[مهب ريح]

عاشق ونيت
المكنيكي قايلي انها الصوفة الداخلية
بس قال شغل يده 700 ريال
وانت تقول 400 ريال يالله علي يدك دلني

قمة افرست
يوكن عادي وبس التنديه خفيفه
وربي يسهل الامر واصلحه
طرنبة زيت مركب لي حقت لومينا تركب
يعطيكم العافية جميع

[طالب الكلية]

عندي سؤال عن يوكن 2001 امريكي نظيف كم يسوى ؟؟
تاهو 2002 امريكي ايضا؟؟

اليوكن النظيف أمريكي فل كامل slt دبل فتحة سقف جلد
في الصالات في الشرقية يسوى من 57000 إلى 64000 حسب الصالة

التاهو 2002 أمريكي فل كامل
يسوى من 51000 إلى 60000 حسب الصالة

يعني مثلاً البيان أسعاره مرة غالية ولكن ضمانه جدا ممتاز
العوهلي أسعاره أيضاً غالية ولكن البيان أفضل منه والضمان على الشركات
مجموعة السلام أيضاً أسعارهم غالية ولكن ضمانهم فاشل ويعطونك ضمان الشركات اذا بغيت

[رائد علي]

السلام عليكم اخواني الاعزاء
عندي يوكون 2006 قصير
مشكلتي اني اشوف التبريد الخلفي للمكيف اقل من تبريده في الامام هل هذي مع جميع ال gmc او عندي مشكله في التكييف
ومارأيكم في تركيب الاطارات مشلان لاني راعي خطوط طويله وماهي الافضل حيث ان الجنط 17
ارجوا المساعدة ولكم جزيل الشكر

[ابونوف الشلوي]

اخيرا تم تركيب كفرات للشفر

من نوع روديستون

4 كفرات بقيمة 1500 مع التكيب والترصيص

الموتر اول ما جبته من امريكا ركبت تويو وما ارتحت وتركتها عليها سنة كاملة حتى انصلخ الفكر الخفلي

وبعديها ركبت برجيستون عرض75 وطلع قاااسي حتى ان الموتر تكسر وماريحتني في المطبات

لكن البرجيستون ماقصرت ودتني الجنووب والشرقية مرتين في شهر واحد

وفكيته وكنت ناوي اركب هانكوك حيث اني وجدت سعر الكفر الواحد ب430

وعرض علي الروديستون وقلت خلني اجرب وقالي البنشري الروديستوون نفس الهانكوك

مابينهم فرق وركبت عرض 70

وبصراحة اول مراكبتها طالع شكل الموتر روعه من ناحية عرض الكفر

وطلعت عليها تجووول حول مدينة جدة وبصراحة كفر مريح جداجداجدا وعاجبني

واليوم الثاني طلعت عليه الطايف ومع الخط راااسي ولا فيه اي رجه او صووت حتى

المطبات ناعم


هذه تجربتي مع كفرات السوبربان

وعندي مشكلة الربع عبيت الموتر فل من الهدا ونزلت لجدة طبعا ممشى الموتر عادي ما يتجاوز 120

وصلت جدة الى الأنبير فل وديته غيرت الكفرات اخذت جولة على مدينة جدة الانبير بعد فل

واليوم الثاني وصلت الطايف الأنبير تحت النص حتى مع الخط اعطيه سرعة

وعبيته قبل امس وانا ارقابه يوووم فك التانكي قال العاامل التانكي فيه هوااء

ووش الحل يالربع

[حدود الوطن]

السلام عليكم ورحمة الله وبركاته
نشكر الجميع على المشاركة

عندي تاهو 2004 Z71
ألاحظ عليه بعض الملاحظات ارجو ممن لديه المعلومات أن لايبخل علينا والملاحظات :
* عند تشغيل السيارة يظهر صوت صفير بالسماعة الخلفية وبعد عدة ثواني من تشغيل السيارة يتوقف الصوت وكذلك عند تشغيل الراديو أو السيدي ( والصوت يخرج من السماعة الخلفية على باب الراكب الخلفي يسار )
* عند تحميل السيارة بوزن زائد أو ركوب العائلة وكذلك الاطفال فإن السيارة تنزل من الخلف بشكل واضح ( لا أعلم هل المشكلة بالمساعدات أو اليايات ) وهل المساعدات الخاصة بـ z71 تختلف عن التاهو العادي واليوكون ؟؟
* بالنسبة لإغلاق دخول الهواء الخارجي من فتحة المكيف لم أجد له حل . فعند تحويل مكان خروج الهواء إلى جهة الوجه يتم الضغط على زر منع دخول الهواء من الخارج ولكن بدون فائدة ويستمر دخول الهواء من الخارج .
* عند الوقوف عند المحطة واطفاء المحرك لتعبئة البنزين ( 95 ) وعند التشغيل فإنها لاتشتغل من أول مرة .. أو أنها تشتغل من أول مرة ولكن أثناء ضغطي على دواسة البنزين .. مع العلم أنه تم تغيير طرمبة البنزين قبل فترة وما زالت هذه المشكلة ..




استفسار أخير وهاااااااام :

عن أبرز الاختلافات بين التاهو Z71 و التاهو LS و تاهو LT من ناحية الماكينة والاجزاء الاخرى ؟؟


وشكراً لكم مقدماً ..

[ابوزيد333]

السلام عليكم ورحمة الله وبركاته

عندي يوكن 2006قصير
فيه صوت بالدفرنس الخلفي فحصته عند اكثر من ورشه بحائل واحد يقول رمان العكس واثنين يقولون
الرمان الى داخل الدفرنس وسعر شغل اليد 750 ريال من غير القطع
فقط ابي ورشة بالقصيم متخصصه بالمريكي
دلوني الله يجزاكم خير

[طحنون]

الاخوه الاعزاء
لا تبخلون علينا بردودكم وخبراتكم مانستغني عنها
المشكله ان لنبه الايرباق والعه من فتره ( السياره لم يتعرض لحادث )
ولمبه حساس الكفرات يولع ويطفي Rr ويعطي الرساله هاذي التشييك على الكفرات
والكفرات مغيرها جديده
وعملت له البرمجه ولا فيه فايده
الموتر بدا يصير قومته ثقيله
طبعا تاهو امريكي الموديل 2005 له سنه عندي الان دبل والموتر ماشاء الله ممتاز لاكن هاذي الملاحظات الاخيره توها طالعه
النصيحه في الورش الممتازه ومحلات قطع الغيار
اللي تجيب الاصلي ومضمون واسعارها منافسه وجيده
لاني ناسي الورش ولله الحمد من زمان مااعرف الورش والسبب ان سياراتي الاخيره جديده لاكن الحين شكلنا بنرجع للورش