هنا :- رابطة ملاك و عشاق و محبي ( الشاص )

[حسن الشمالي]

السلام عليكم
هذا موضوع خاص للرابطه
بخصوص انهاء فصله السرعه عند 180
للشاص 2008

اولا نفك مسمارين اعلى الطبلون من داخل

ثم مسمارين يمين اسفل

ثم مسمارين يسار اسفل

ثم برفق ندخل الاصابع في مكان السهم لفك الكلبس يحتاج قوه مع ركاده

واحد يمين

وواحد يسار

ثم نفك الغطاء برفق
ونفك وصله كهرباء التحكم بالمرايا الجانبيه

ثم نفك مسمارين يمين اعلى واسفل

ثم مسمارين يسار اعلى واسفل

ثم تقلب الطبلون للامام برفق
ويظهر عندك مجموعتين من الاسلاك
التي نريد هي التي تكون خلف عداد السرعه كما في الصوره

تقوم بعد ثلاث اسلاك من يمين المجموعه المشار إليها في الصوره السابقه
السلك الثالث اخضر غامق
نقوم بقطعه ولصق اطرافه بالشطرطون
انظر

بهذا نكون انتهينا من العمل
وهذه التجربه على شاص بريمي 2008
وغالبا انها تصلح على الشيصان الاخرى
عدا 2010 وطالع
دمتم بخير

يامال العافية والبنت الدافية...|

ماقصرت يالذيب...

عزالله انك مكسب للرابطة...
ولايهنون باقي الاخوان...

[حسن الشمالي]

الاخوان اللي يسألون عن فك فصلة الـ2010
يفكون طبلونهم واي سلك اخضر يمصعون والديه...

واللي مايعرف انا مستعد اضبطه له...
بس ترا ذمتي برية...
ولا اتحمل اي ضرر قد ينتج عن ذلك...

[حبيب تعب]

يالحسن الشمالي
تعال عندي وانضبط له موضوع
اتكفل بالتصوير والتنزيل
وبخصوص ردك على شرحي
على يدك يارب
انتبببببببببببببببببببببببه
لي عيال يابعد حيي

[ماجد الحايلي]

السلام عليكم ورحمة وبركاته
لو سمحتم استفسار بسيط
عندنا شاص 2009 وهو
للوالد الله يحفظه طفى معه
عداد السرعه بشكل مفاجئ
واذا وصلت تقريبا سرعة
70 او 80 تشتغل لمبة
التشييك حقت الماكينة
ولاندري وش العله
طبعا هالورش كلا قام
يجيب من عنده
فاللي مرت عليه هالمشكله
يفيدنا الله لا يهينكم

أستفسار ثاني لوسمحتم
ودي اسألكم عن قيمته
مع العلم انه 2009 فل كامل
ونش ودفلك وتخشيب وكفر
نحيف ومع ابوي من الوكاله
وماشي حوالي 61 الف
واسف جدا على الاطالة

لاتنسون تردون لي

[حبيب تعب]

لاتنسون تردون لي

اذا موترك مفصول السرعه تولع اللمبه بعد سرعه معينه

[البواردي ،]

-






الله لآ يهينك ّ يـ حبيب تعب "
وفية و كفية ي كحيلان _ عقبال ما نشوف موضوع
فصلة العشره و فوق *

[هلي نجد]

الاخوان اللي يسألون عن فك فصلة الـ2010
يفكون طبلونهم واي سلك اخضر يمصعون والديه...

واللي مايعرف انا مستعد اضبطه له...
بس ترا ذمتي برية...
ولا اتحمل اي ضرر قد ينتج عن ذلك...

هههههههههههههههههههههه

اهــم شي الذمة ..

اشور عليك طع حبيب تعب وزينوا موضوع عن فصلة العشرة وانت طالع ..

[ماجد الحايلي]

اذا موترك مفصول السرعه تولع اللمبه بعد سرعه معينه

اخوي هو مفصول بس مااحد فصله
فجاءة انفصل من حاله ومااحد تعرض
له

[ماجد الحايلي]

السلام عليكم ورحمة وبركاته
لو سمحتم استفسار بسيط
عندنا شاص 2009 وهو
للوالد الله يحفظه طفى معه
عداد السرعه بشكل مفاجئ
واذا وصلت تقريبا سرعة
70 او 80 تشتغل لمبة
التشييك حقت الماكينة
ولاندري وش العله
طبعا هالورش كلا قام
يجيب من عنده
فاللي مرت عليه هالمشكله
يفيدنا الله لا يهينكم

أستفسار ثاني لوسمحتم
ودي اسألكم عن قيمته
مع العلم انه 2009 فل كامل
ونش ودفلك وتخشيب وكفر
نحيف ومع ابوي من الوكاله
وماشي حوالي 61 الف
واسف جدا على الاطالة

في انتظاركم

[اعصار نجد]

بخصوص فك الفصله معي شاص 2010 <<< ياحظك
فصلته عند محل 4*4(اربعه في اربعه) اللي بالقصيم يفك الفصله من عند الكبوت ويقطعله سلك ويركب له فاصل عند الغماره ويبرمجه ومايقعد ولا خمس دقايق الطبلون مايفكه ولايجيه
يفصله ب150 ريال العداد شغال وكل شي نفس اول بس لمبة المكينه تولع اذا سحبت الفاصل وماتطفي اذا رجعت الفاصل الا اذا طفيت الموتر احيان واحيان لازم تفك اصبع البطاريه واراه شي عادي ماعليه

[عكس التيار]

بخصوص فك الفصله معي شاص 2010 <<< ياحظك
فصلته عند محل 4*4(اربعه في اربعه) اللي بالقصيم يفك الفصله من عند الكبوت ويقطعله سلك ويركب له فاصل عند الغماره ويبرمجه ومايقعد ولا خمس دقايق الطبلون مايفكه ولايجيه
يفصله ب150 ريال العداد شغال وكل شي نفس اول بس لمبة المكينه تولع اذا سحبت الفاصل وماتطفي اذا رجعت الفاصل الا اذا طفيت الموتر احيان واحيان لازم تفك اصبع البطاريه واراه شي عادي ماعليه

وين محله بريده ولا عنيزه ولا وين ؟؟

[أبو عقيل النجدي]

يااعصار نجد ارسل رقم ورشة االلي اشتغلت عنده

[بارق الشام]

الله يرزقنا..
بالتوفيق..

[بارق الشام]

السلام عليكم..
سؤال لو تكرمتوا..كم سعر الشاص2006 (مستعمل نظيف) في المعارض.
شاكر ومقدر لكم..

[هلي نجد]

السلام عليكم..
سؤال لو تكرمتوا..كم سعر الشاص2006 (مستعمل نظيف) في المعارض.
شاكر ومقدر لكم..

هل هو ..
خليجي ولا سعودي _ فل ولا استاندر _ كم ماشي ؟؟

يا حبذا لو تفيدنا بالمعلومات كامله ..

بس مبدأيا يجيب الـ ( 80 ) ألف