هنا :- رابطة ملاك و عشاق و محبي ( الشاص )

[حسن الشمالي]

__ الا وش رايكم متى اغير البواجي وصفاية البنزين وفلتر الهواء ، علما بأن الموتر 2011 ماشي 75 الف .

_ حسن تقول انك شلت الرفارف طيب وش سويت بالفتحات اللي في البدي ، وخابر انك دابل سبدك ان الموتر طامن طيب عندي لك حل منتاز يرفع لك الموتر بدون لا تضيف سست ولا تغير لعاب ، لكنه غالي يبي له دراهم ، الحل يا طويل العمر ركب الدنلوب نقشة شاهين اللي تجي شد بلد على الشاص السلق الخليجي ارتفاع يروع 225 95 16 ، وتراها كفرات قاسيه ثمانيه غاط حقت تحميل لكن شف من تجربة مطبها اقشر لكن يمكن يكون المطب مقبول على موترك مدام انه رفرف . الظاهر الكفر سعره فوق 750

البواجي هي والسير وصفاية البنزين خلها لين 150
والفلتر كل ماخذت اغسله ولا غيره

وبالنسبة للرفارف
فكيتهن في البيت ووديت الموتر لاطرف يماني وقلت دبره قال ازهله
الظاهر انه لحمهن ورش اطراف الرفارف
يوم شفت الموتر ولا ه جايب العيد الرفارف حرش ورفرفن بويتة اكثر من الرفرف الثاني
وقلت مابدهاش ازبن التلميع الساطع
وديتة وقلت دبروه
ما قصر ابو فلبن شال الخطوط يوم غدت الرفارف الخلفية واضحة ررشتها من 10 كيلو
مكان الخطوط اصفر والرشة بيضا...
بس الجانب المشرق ان الرفارف انقلعت عن وجهي
ومن تالي بديت اهوجس ارشة بيج لان شكل الدعوة خاربة خاربة...

وبالنسبة للارتفاع
الظاهر اني بحط مثل ماقلت كفرات رفاع وبس
لكن عقب ماتنتهي الكفرات اللي على الموتر عقب سنة ان شاء الله...

والظاهر ان كثرت القرق

تحياتي

[حسن الشمالي]

يا اخوان بالنسبة لمطب كفرات السلق

اذا تبون الصز الصز
مافرقتهن عن الشاهين العراض اللي على موتري الان
لاني شريت من احد الاخوان جنوط شنبر وعليها كفرات 2 دانلوب رملي و2 دنلوب حجري
بس غاديت تقل لساتك مافيهن نقشة ابد ابد
جربتهن في الديرة ورحت عليهن لبر قريب
مالاحظت فرق...

الدعوة متساوية عندي مدري البلا في موتري ولا البلا في انا...

[جزاء الشمري]

السلام عليكم ورحمة الله وبركاته
هل النوع هذا من الجنوط يركب عليه كفر الماكسس ابو جمل مقاس 900

[badwi]

وعليكم السلام ورحمة الله وبركاته.

افيدك بنقطه واحده ،يالغالي وهي: فرار واحد حق العكس الايسر جهة السواق يكفي
ويفصل العكوس الاثنين من الحركه والعمود حق الدفرنس.
وهذا مجربه في موتري .
وكل عام وانتم بخير

الله يبيض وجهك ويجزاك خير

[ابن عكاش]

كل عام وأنتم بخير
تقبل الله منا ومنكم صالح الأعمال

[ابن عكاش]

السلام عليكم ورحمة الله وبركاته
هل النوع هذا من الجنوط يركب عليه كفر الماكسس ابو جمل مقاس 900

يركب بس بيصير كبير لأنه.مقاس17 لو تركب جنط 16 أفضل وأخف على الموتر

[مافيه]

8
8
يا مال العافيه يا مافيه ، ان شاء الله اجل بغير فلتر الهواء وراح اخلي اجل البواجي لين يتفتف الموتر بس اخاف يطيح مسمار الهات اللي يقولون عليه هههه ، اما الكفرات تصدق احسبها 8 غاط ، ياولد فيها قساوة تروع ، اول ماشريت الموتر لعبت فيني لعب الموتر يناقز من ادناة شيء حتى في الدايري ذبحني بالمناقز نسمت هواها الى 20 ونفس الشي قاسيه ولا فيه امل تلين حتى لما تناظر للكفر تقول هواه ماهوب ناقص .

الوكاد قشعتها على طول ماكملت عليه 2000 كيلو ، هذا عيبها بالنسبة لي والا هي سكبه على الموتر وترفع اسافل الموتر تكايات السست والدفرنس الخلفي .

ظني انها ارفع من البالون الـ 900 ، غير ان البالون راح يذبحك بالرجه ولا راح يكمل سنه الا والدعسه متمسحه . لكن هالسواطير اتوقع راح تكمل سنتين سلام سلام .

انا انصح حسن بها خصوصا ان موتره رفرف راح ترفع له الموتر وتكد معه اكثر من البالون .

اما الدنلوب نقشة شاهين مقاس 245 85 16 ركبت طقم قبل ثلاث اسابيع في اول رمضان يا الله لا تعاقبنا الكفر اخذته 700 ريال . ماشاء الله فيها ليونه ومطبه حليو ، لكن ترى عيبها مواصفاتها b b مالقيت aa .

مالومك في تغييرها ومبروك عليك الشواهين

البوالين انا من النوع الي ما انصح بها لاني ما استعملها ولا استفيد منها لاكن هن عندي ابرك من حقات الوكاله بكثير من ناحية المنضر و استعمالي لان محدثك مايمسك له ارض اسبوع في وعر و اسبوع بنفود و اسبوع بحزم


عن نفسي جربت العراض مع واحد من الشباب ماشاء الله ممشاهن طيب بالحيل وعزم الموتر فوق الممتاز ولا يبرد العزم مثل السلق وان شاء الله اني ناوي اركبهن بس متحسف بكفرات الوكاله ولا لي نيه ابيعهن ((ابيها اسبير)) متا ما شفت باقي فيهن ربع عمر او اقل بركب طقم جنوط وكفرات وهن خلهن على جنوط الوكاله اذا نويت طلعه عليها العلم حطيت اثنين بالصندوق اسبير

[مافيه]

يا اخوان بالنسبة لمطب كفرات السلق

اذا تبون الصز الصز
مافرقتهن عن الشاهين العراض اللي على موتري الان
لاني شريت من احد الاخوان جنوط شنبر وعليها كفرات 2 دانلوب رملي و2 دنلوب حجري
بس غاديت تقل لساتك مافيهن نقشة ابد ابد
جربتهن في الديرة ورحت عليهن لبر قريب
مالاحظت فرق...

الدعوة متساوية عندي مدري البلا في موتري ولا البلا في انا...

البلا من الكفرات الي عندك على علمك انهن متمسحه و الشي الثاني جايب لي طقم مرقع اثنين حجري و اثنين رملي وتبي تعرف ممشاهن حط الرمليات ورا وخل الهوا 25 او 30 وادخل النفود بدون دبل ياشيخ يغدى موترك ددسن 82 عليه سواطير

جربهن جدد تشد راسك منها عن نفسي ما جازت لي ولا انصح بها الا المحتاج مثل راعي التحميل و يمسك خطوط هاذا ما اقول الا الله يعينه

[سعود بن عايض]

السلام عليكم


يا اخوان هل الشاص ٢٠١٣
نزل ولا باقي
واذا نزل كم سعر البريمي تقريبا

[حسن الشمالي]

البلا من الكفرات الي عندك على علمك انهن متمسحه و الشي الثاني جايب لي طقم مرقع اثنين حجري و اثنين رملي وتبي تعرف ممشاهن حط الرمليات ورا وخل الهوا 25 او 30 وادخل النفود بدون دبل ياشيخ يغدى موترك ددسن 82 عليه سواطير

جربهن جدد تشد راسك منها عن نفسي ما جازت لي ولا انصح بها الا المحتاج مثل راعي التحميل و يمسك خطوط هاذا ما اقول الا الله يعينه

الظاهر ان البلاوي مجتمعة...


الموتر هالحين في الورشة لقيته يخر زيت
يقول العامل صوفة هوب...

[حسن الشمالي]

السلام عليكم


يا اخوان هل الشاص 2013
نزل ولا باقي
واذا نزل كم سعر البريمي تقريبا

الظاهر انه توه...

[حسن الشمالي]

كل عام وأنتم بخير
تقبل الله منا ومنكم صالح الأعمال

وانت بخير وسلامه

ويتقبل منا ومنك...

[badwi]

تكفون يا اخواني وين الاقي فرارات مثل اللي بالصورة لأني دورت في شارع ألأربعين والصناعية ودوار الخرج ولم اجد الا الاصلي وهو غالي 1700 شاكرأ للجميع

[جزاء الشمري]

السلام عليكم ورحمة الله وبركاته
للبيع عدد 4 جنوط نوع فراشه مغطسات 17 نظاف حيل بدون أكواب مع أربع كفرات هانكوك فيهن أكثر من نصف العمر نظيفات جدا ومقاس 2 منهن 265/65/17 و2 منهن 245/65/17
وبالله التوفيق

[مودع الخلان]

مطلوب فرارات للشاص 2005 ونسافات امامية الموتر بدون رفرف

0595559406