هنا :- رابطة ملاك و عشاق و محبي ( الشاص )

[بر الوالدين]

السلام عليكم

و ياهلا و الله و مسهلا بالجميع و الضيوف و أعضاء الشرف

وين اخونا ابو حطبه

هلا و الله بالغالي

حولك ما أبعدت ، و أعتذر لتأخري عليك

(( و أتمنى الجميع يشارك و يفيد بما لديه ، الموضوع ليس حكراً على شخص معين ))

سجلني اول مشارك

وعندي مشكلتين الاولى صوت الهواء المزعج حتى مع السرعات الطبيعية

والثانيه الجنوط الاصليه شنبر ثقيله وشكلها شين والتجاريه حقت اللكسز فيها رجه عند سرعة 90 حتى مع الترصيص الارضي

وشكرا لكم

بخصوص الهواء إن كان طبيعي فـ تقدر تدبل له جلب بطراف الأبواب كامل

ما مر علي أو سمعت أحد يشكي من ذلك ( لذا أعتبرها غريبه )

بخصوص الرجه شف يمكن المشكله تكون من الهوب أو بدل الكفرات ( قدام خلف و عكس )



و أكرر ياليت الجميع و من لديه خبره أوسع و أكثر في الشاص لا يبخل بالإفاده و الإضافه

وبيض الله وجيهكم يالربع

أخوكم

[مدوخ المريخي]

وانا معكم <img src="">

[ربع 444]

تهريب الهواء طبيعي انا معي 2008 وفية تهريب وانا امشي 60

[مخاوي الليل]

انا معكم عندي شاص 2008

[Thenayyan]

الاخوة الاعزاء
مشكلة الرجة اللى تنفض السيارة نفض مهوب صاحى, قابلتها فى موديل 94, والان فى موديل2002, كما ان احد الاخوان عندة 2000 ويواجة نفس المشكلة.
الوكالة اتعبتنى ,, غير كفرات وبعدين بدل كفرات وانت ماشى اخر شى اخذت منهم ورقة مكتوبة ان المشكلة فى الكفرات ولا زم تركب كفرات شد بلد وتنتهى المشكلة. وسويت اللى هم قالو وما صلحت السيارة وبعدين وديتها للبازعى فى الرياض وتستمر المعاناة,,, اوزن اذرعة وصلح العكوس وانت ماشى .
المهم بعت القديم بخرابة وشريت2002 جديد والعام الماضى بدات فية نفس المشكلة ومن حسن الحظ كنت رايح للرملة ومعى احد الاخوان ما شاء اللة علية,, يحب السيارات القديمة وترهيمها وتطوير المواطير ودارسها دراسة فى امريكا وصارت لنا نفس الرجة وهو معى قال لى بكل بساطة : اعتقد ان المشكلة من العمود الداخلى اللى فى وسط عمود التوازن الامامى اكيد انة مطعوج.
وما كذبي خبر ومن يوم وصلنا الرياض وانا مغيرة ب95 ريال واجرة المهندس 50 ريال وانتهت المشكلة. تحياتى,, ابو فهد

[بر الوالدين]

الحمد لله أخوي / Thenayyan على وصولك للعله في الرجه

و الحقيقه أنا ما أدري ليه هالورش و هالفنيين اللي يحشر نفسه تحت الموتر وما يشوف

وما يتفقد كل شي و أي جزء متعلق بالكفرات ( من جلب حتى عامود و ذراع )

و كفو زميلك اللي تنبه و نبهك على إن هالشي من العمود و فعلاً كما هو توقعه

ولكن أخوي أنت تتكلم عن 2002 وقد يحدث ذلك من كثر دخولك للوعرهـ و كثر الكد

لكن لما يكون الموتر 2007 أو 2008 و العمود سليم ما به شي ؟؟

[محب النياق]

ابو حطبه الله يرحم والديك وجميع المسلمين

وبعدين وش احسن جنوط تركب وبدون وجه

[ذيب المقانيص]

سجلني معكم يا ابوحطبه تراي من اكثر المحبين للشاص واتشرف بانظمامي لكم

[مغامر]

معكم قلبا وقالبا

[بر الوالدين]

ابو حطبه الله يرحم والديك وجميع المسلمين

وبعدين وش احسن جنوط تركب وبدون وجه

شفهن هنا معروضات للبيع ( ولا أدري و الله يب يرج الموتر أو لا )

http://www.shaa9.net/vb/showthread.php?t=358

يسمونهم ( مكحلات )




أزين شي و نظره شفهن

[Magellan]

يا أخوان مساكم الله بالخير/صبحكم الله بالخير
وأهنيكم على هذي الرابطة الطيبة
إذا ممكن إستفسار ،
عند أحد الأخوان مشكلة في الكباسات اليسرى (مجموعة الأنوار والإشارات) يسار الدركسون ،إنها إنكسرت وراح دور لها قطع وماحصل حتى في الوكالة
والوكالة تجي كاملة بمافيها عصا المساحات..
سؤال: وين ألقى محلات تشاليح خاصه بالشاص بالرياض !!

وشكرا

[بر الوالدين]

سؤال: وين ألقى محلات تشاليح خاصه بالشاص بالرياض !!

وشكرا

أما بالنسبة لمحلات تشليح تشخص الشاص ـ فـ ما توقع تحصل هالتشليح

ولكن ممكن تلقى ( وبالصدفه ) لدى أهل النقليات اللي يسوون لهم حوش وفيه سيارات مصدمه

قد يطلع من بين هالسيارات جيب شاص أو حاول تفكر بأي قطعه ممكن تركب من غير الشاص

[wrs3975]

سجل واحد مقعد ..... وبالتوفيق وتحياتي للجميع ..

[بارق تميم]

هلا وسهلا اخوي ماجلان

يمكن تحصل بتشاليح القصيم لأن الحوضه هناك كثار مشاء الله

اتمنى اني اكون افدتك

[Magellan]

الله يبارك فيكم أخوي أبوحطبة وبارق تميم على معلوماتكم الطيبة
الحقيقة الموتر لوالد واحد من الأخوياء وهو كويتي ووالده ساكن بالخلا في النعيرية وراعي حلال
وماشاء الله يده حاره وكسرها
طبعا كنت أبتكسب فيه الجميلة لأنه عزيز وأهداني كم مرة
وقلت فرصه هالمره
طبعا هو يبي جديد ولاحصلناه في الوكالة وقالوا طلبية ويمكن مايكون موجود بالسعوديه
فقلت مالي إلا التشليح وأباخذ نظيفه وأبقرطسه وحطه بكرتون عشان يفهم إنه جديد ولانيب كاذب عليه لو سألني
بس هاليومين دقيت عليه وقال لي حصّل بالكويت جديد
فمشكورين جميعا
والله يجزاكم خيرا