هنا :- رابطة ملاك و عشاق و محبي ( الشاص )

[ابن عكاش]

ان كانك صامل تعال وخذ موتري وجربة وخل موترك عندك...
اخاف اخذه واجيب فيه العيد ... خابرن روحي سواقتي الله بالخير وانواع الفهاوة...

واذا تبي وجهه نظري ونصيحتي هج عن ابو رفارف ... ابو رفارف يصلح للشياب... فقط..

ولو تسوي اللي تسوي من جنوط وكفرات مايرتفع مثل اللي بدون رفارف...
وخاصة راعي البر يبي الموتر الرفيع...

الموتر حلالك يالغالي بس الظاهر انك منتب في الرياض ولا لا
على العموم كلها فيها خير ومواتر الشياب اقرب منها ابرك وانظف
بالتوفيق يالغالي

[شاص&نص]

حياك الله أخوي أبو عبدالكريم ..

نعم إذا كنت داعس على الكلتش يختفي الصوت ..

وش السالفه هل فيه مشكلة ؟

معي 2010 الان ماشي حول ال 50 الف وهي فيه من أول ما طلعت الموتر و أغلب الظن أنها من فحمة الكلتش و تعودت على تطفيته و انا ظاغط الكلتش
و ان لقيت لها حل فاسدحه هنا
أبو عبدالكريم

[دار الكرم2]

معي 2010 الان ماشي حول ال 50 الف وهي فيه من أول ما طلعت الموتر و أغلب الظن أنها من فحمة الكلتش و تعودت على تطفيته و انا ظاغط الكلتش
و ان لقيت لها حل فاسدحه هنا
أبو عبدالكريم

أنا معي 2010 ومعي نفس المشكلة صوت لمن ضغطن على الكلتش لكن ماهو دايم يطلع لي الصوت

والصوت كان معي من أول ماشريت الموتر ،،

ولا أدري وش السبب ومابقيت أوديه لمكانيكي أخاف يلعب به ،،

[دار الكرم2]

ياهلا ومرحبا بالغالي والله يحييك معنا في الرابطة والله يبارك لك في الزين اللي معك
البالون ثقيل ويأثر على رمان الركب قدام بس بعد فتره ثمن يصير فيه فضاوه بعدها تجيك رجه على سرعة 80كم إلى 100كم او اقل او اكثر
الترصيص الأرضي زين خاصة للبالون وكانك في الرياض ابدلك على واحد يرصص احسن من الأرضي
بالتوفيق يالغالي

يابعدحيي هالوجه ماقصرت ،،

لاوالله أنا بحائل وعدنا واحد يعمل ترصيص أرضي شكلي أبي أمره أن الله أراد ،،

لكن وش رايك أخلي البالون على الموتر أو أغيرهن ،،؟؟

وأن تركتهن كم المده اللي أخليهن على الموتر ،،

وشااكر لك وللاخوان اللي هنا ،،

[حسن الشمالي]

الموتر حلالك يالغالي بس الظاهر انك منتب في الرياض ولا لا
على العموم كلها فيها خير ومواتر الشياب اقرب منها ابرك وانظف
بالتوفيق يالغالي

لا يالغالي انا اسكن في الرياض نسأل الله السلامة والعافية... متى بس نظهر منها...
ومواتر الشياب لاتهمك... تلقاها كلها دقوش وحكحة ولا جى يغير مايضغط الكلتش زين
تسمع قرة القير...
لكن المتوسطين في العمر 45 وفيها يمكن هم اللي مواترهم نظيفة...

[ابن عكاش]

لا يالغالي انا اسكن في الرياض نسأل الله السلامة والعافية... متى بس نظهر منها...
ومواتر الشياب لاتهمك... تلقاها كلها دقوش وحكحة ولا جى يغير مايضغط الكلتش زين
تسمع قرة القير...
لكن المتوسطين في العمر 45 وفيها يمكن هم اللي مواترهم نظيفة...

مدامك في الرياض الله يحييك ابيك تسير علي نتقوى ترى والله انها ابرك ساعه وانا في حي السويدي ترى نتشرف بك وأمثالك يالغالي

[ابن عكاش]

يابعدحيي هالوجه ماقصرت ،،

لاوالله أنا بحائل وعدنا واحد يعمل ترصيص أرضي شكلي أبي أمره أن الله أراد ،،

لكن وش رايك أخلي البالون على الموتر أو أغيرهن ،،؟؟

وأن تركتهن كم المده اللي أخليهن على الموتر ،،

وشااكر لك وللاخوان اللي هنا ،،

الله يحييك اكثر
بالنسبة للبالون كان مابعد شريت انصحك تركب بالون ماكسس6غاط اخف على الموتر واسخف جنوب وبيجي شكلة على الشاص تمام
ومن ناحية كم تركبة والله يالغالي خل عندك طقمين اوقات البران والمطامر ركب طقم البالون يعني فترة شهرين ثلاثة والله يسر امرك

[حسن الشمالي]

مدامك في الرياض الله يحييك ابيك تسير علي نتقوى ترى والله انها ابرك ساعه وانا في حي السويدي ترى نتشرف بك وأمثالك يالغالي

الله يسلمك ويبقيك...
ومعرفة الرجال تجارة شرواك وشروى باقي الاخوان...
ولنا الشرف بمعرفتك وبلقياك...
والايام مقبلة ان شاء ونبي نتلاقى ان شاء الله...

[حبيب تعب]

ياعرب
السلام عليكم
ومسائكم خير ومسرات
ودي نكحل عيوننا بصور للشاص
بشرط كلن يورينا موتره
منه نستانس ومنه نحيي الرابطه
ودمتم بخير

[أبو صالح..]

ودنا بجمعه أقرب وقت

[ابن عكاش]

ودنا بجمعه أقرب وقت

يالله يابوصالح حنى معك حدد الوقت والمكان وتوكل على الله

[حسن الشمالي]

ياعرب
السلام عليكم
ومسائكم خير ومسرات
ودي نكحل عيوننا بصور للشاص
بشرط كلن يورينا موتره
منه نستانس ومنه نحيي الرابطه
ودمتم بخير

رايين زين...
توكلنا على الله...
ولا انا الله الغني عني وعن صورتي...
وانا والله ما اعرف احط الصور...

[حسن الشمالي]

ودنا بجمعه أقرب وقت

ان بغيتوها نهار فحطوها نهار الخميس العصر...
وان بغيتوها سمرة فحطوها ليل الاربعاء...
مجرد رأي... والخيار لكم...

واقرب محلن للرياض نظيف وزين... نفدان الخرارة واللي حولها...
نص ساعة من مفرق نجم الدين...

[أبو معالي]

معي 2010 الان ماشي حول ال 50 الف وهي فيه من أول ما طلعت الموتر و أغلب الظن أنها من فحمة الكلتش و تعودت على تطفيته و انا ظاغط الكلتش
و ان لقيت لها حل فاسدحه هنا
أبو عبدالكريم

ما شاء الله تبارك الله ..

الله يعطيك خيرهـ ويكفيك شرهـ ..

بإذن الله مسألة وقت ويوصل ممشى موتري ( 5000 ) وبدخله للوكالة

واشوف سالفة الطقطقة هذه ..

وبعد صوت الصرير المزعج ..

حياك أبو عبدالكريم وتشرفت بتواجدك وتجاوبك السريع ..

[أبو معالي]

قريباً سيتم تصوير الموتر وسدحها هنا

لعشاق الشاص

بس مدري تبون الصور بالبر ؟

أو بالبر وحول الحلال؟

أو حول أقرب مغسلة سيارات ؟