هنا :- رابطة ملاك و عشاق و محبي ( الشاص )

[بر الوالدين]

يسعدنا و يشرفنا تواجدكم

www.shass.net

و مطلوب مشرفين

[شاهين12]

يعطيكم العافيه اخواني
مابه تتغير الا الخط.

[شاهين12]

انا يا اخوان فاك الفصلة

وقلت مابدهاش ال200 جايبها جايبها الله لايعوق بشر
وانا اللي امحطه مع خط القصيم
والله ويعيي يتعدا ال180
ياولد عدل بدل
وانا اللي اهدي لين 160 واحطه بالرابع
وهات يامحط لين 180 قلت بس شوي والمكينة تبي تنطق من الكبوت يادافع البلا
وارده للخامس
وهوهو ماتعدا 180
عابد على قولتهم....

والله استغربت قلت ابنشد الاخوان عن مواترهم...

والله ياخوي ياحسن عندك الموتر اكيد مكربن ماقد جاه ممشى..
الشاص يقطع بنمرة الرابع تحت 200 طبعا الفصله الطبيعه للموتر 175 لاكن ملغيها بموتري،الوكاد الانبير يسدحه مافيه مشكله ،والسرعه ماحبها لاكن كل ما أخذ وقت
طويل سجيته مع الخطعشان مايكربن لان ممشاي عليه المعتاد 120 وان زاد 140.
طبعا بدون اي تعديل او اي شي اضافي ..

ابشركم عرفت ارفع الصور

بعد جهد جهيد


واعتقد انه مهب واضحة

لكن بكرة ان شاء الله اصورها في النهار

الصور واضحه لا كن انتبه من الحلا تراها ياكل الحديد اشور عليك انك تجلي شاسيه وترشه ويطلع مثل ماكان وترى جليه ورشه
يكلف 350 ريال ..

تحياتي لك ...

[شاهين12]

يسعدنا و يشرفنا تواجدكم

www.shass.net

و مطلوب مشرفين

الله يسلمك ويرعاك ربي .
شاكر ومقدر اهتمامك

[العقارب]

السلام عليكم
الله حي الشباب
لاهنتو وجزاكم الله واسكنكم الجنه
ابي ورشه تظبط خروم الرفارف يعني تسكرها بدون رش ..
يكون في الرياض افضل وان كان في القصيم الله يعين
بس ابي رقم الورشه واسمها ..

[ابوالسنع]

السلام عليكم
الله حي الشباب
لاهنتو وجزاكم الله واسكنكم الجنه
ابي ورشه تظبط خروم الرفارف يعني تسكرها بدون رش ..
يكون في الرياض افضل وان كان في القصيم الله يعين
بس ابي رقم الورشه واسمها ..

وعليكم السلام
يالغالي مايحتاج ورشة مر محل الزينة خليجي على شارع عبدالرحمن بن عوف بعد تقطع الزيبر بن عوام ووجهك جنوب يجيك المحل على اليمين
كد اشغل لي بجيب ربع كان رفرف وشعل 100 %

[حامل السيف]

يااخوان كم عرض جنط الهلل للشاص
هل هو 6 انش او 6 ونص انش ؟

[حسن الشمالي]

والله ياخوي ياحسن عندك الموتر اكيد مكربن ماقد جاه ممشى..
الشاص يقطع بنمرة الرابع تحت 200 طبعا الفصله الطبيعه للموتر 175 لاكن ملغيها بموتري،الوكاد الانبير يسدحه مافيه مشكله ،والسرعه ماحبها لاكن كل ما أخذ وقت
طويل سجيته مع الخطعشان مايكربن لان ممشاي عليه المعتاد 120 وان زاد 140.
طبعا بدون اي تعديل او اي شي اضافي ..




الصور واضحه لا كن انتبه من الحلا تراها ياكل الحديد اشور عليك انك تجلي شاسيه وترشه ويطلع مثل ماكان وترى جليه ورشه
يكلف 350 ريال ..

تحياتي لك ...

الله الله من مبطي ماجاه جلد
مانيب راعي سرعة وفلتر البنزين بلد وكذلك فلتر الهوا
والموتر مهب صافي فيه تقطيع
وعليه شد ياله يشيله الرجالين... اعتقد لهن دور...

وبالنسبة للحلى

الحلى زين اهنا احد مايحب يحلي؟؟

[حسن الشمالي]

يا اخون مواتركم تخرب؟

قالو الشاص مايخرب ويتحمل وخذ من هالحتسي...

والله انه من جمبها
اولها خراب كرونة
ثم خراب جلب الكليبر صار يجيم
ثم تقطيع يروع يادافع البلا صار من سلك البواجي
ثم يد الباب طاحت من المطناج
ثم خرخرة زيوت وصارت من صوفة عكس خلفي
ثم غيرناله وجه غطا الراس
وهالحين يقطع و يتعتع
ودريشة الراكب يجيها خمات تجيم
واللمبات الصفر حين تولع وحين تطفي
وصوفة القير تندي عقب مامشيت عليه 180

يدافع البلا مدري وش بلاه...

معي هايلكس قديم ماشي 350 جاه كرف الويل وجاه من الحوادث الى قبل
ودفرنسه بلد
وصوفه بلد
ولا هنا بزين منه....

الظاهر اني كثرت القرق
مير اعذروني كل ماصلحت شي ظهر شي...

[حسن الشمالي]

نسيت بعد لمبات الطبلون مرتين افكه كل ما صلحت وحده احترقت وحده
ولمبات المكيف احترقن وصلحتهن...

[احمد الصالحي]

السلام عليكم

والله مجمع له حوالي 54 الف

وشو المديل اللي يسوى 54 الف

[صياد الجبل]

الموديل الي حول 54

اذا كان موتر نظيف

شف عندك 99 وهذا دواء للحرات

وعندك 2000 و 2001

وعندك 2002 بس ماتحصله نضيف الا نادر والنضيف غالي سعره خاصه اذا جاك خليجي خط الرقيب

وعاد انت لاتستعجل دور على مهلك وتركد

وان شاء الله تطيح في النظيف

والله يوفقك

تراني جايكم من رابطة ملاك الجيب الربع

ولد عمكم

ههههههههههههههه

تحياتي

[العقارب]

وعليكم السلام
يالغالي مايحتاج ورشة مر محل الزينة خليجي على شارع عبدالرحمن بن عوف بعد تقطع الزيبر بن عوام ووجهك جنوب يجيك المحل على اليمين
كد اشغل لي بجيب ربع كان رفرف وشعل 100 %

الله يجزاك خير ويرحم والديك عن النار
دقيت على المحل وكلمنى راعي المحل وقال ماعندنا هذي الشغله ..

[بحرالقلزم]

يالربع عندي الدفلوك الخلفي اللمبه تاشر اذا شغلته
هل اقدر افكه بنفسي واصلحه وش يحتاج
2006 سلق

[sha6-2007]

يالربع عندي الدفلوك الخلفي اللمبه تاشر اذا شغلته
هل اقدر افكه بنفسي واصلحه وش يحتاج
2006 سلق

نفس الوضع
الطقه الاولى ما يتشغل تاشر اللمبه

الطقه الثانيه يشتغل