\|/\|/\|/ رابـــــطة ملاك <الــــددسن>/\|/\|/\|/

[باث 3]

صح عليك يا عروووج

خخ

[3Ro0oJ]

^^^

اخبر موترك 9 ولا ؟

آلله يعيطك من خيره ويكفيك شرهـ

[3Ro0oJ]

انسان عجيب

والله عليك عتب مني

عندك كمبيوتر ددسن ولآ تعلمن جلست شهر ادوره لين رآحت الفلوس

على العموم اذا يبي كمبيوتري يعطيني كمبيوتره ماعندي مشاكل

[استا]

استقرينا على الددسن بيطلع الاسبوع الجاي..مكيف دركسون هوا

في امان الله

[باث 3]

هذي الصور مثل ماطلب باااث 3 وقلتله بنزلها عقب اختباراتي يا بعد قلبي

ورد برد يحمل اكثر من معنى ..والله ياباث وراي 5 مواد بختبرها الاسبوع الجاي والى هل وقت ما فتحت كتاااب انت شكلك موظف أي نعم (عندك مانع) وفال امها ماتحس بالاختبارات وغثاها وماتسببه من نفسيه لشخص ..يا الله لك الحمد

وقلت بنزلها لباث3 كرماال عيوونه >> وش عنده مقطع الشام أيه مقطع البتاع (ومناك ما طلع من السعوديه)خخخ

قبل مانزل الصور حبيت انبه على شغله عندنا بشرقيه الحبيبه ...مافي احد ينصب ابد

واللي جايلك ناصب جنوط دايو كفر خط تغبيره بلد ولا مطر ولا مشمع وجلايد /جلاد

يناظرونه نظره غريبه تقول انك نكرره ولا ياباث 3 أشهد أنك صادق اصلا من شفت طرحت موترك السوبر وعرفت الامور بيـــنه هع خخخخخ

المهم عندنا بشرقيه مواتره تختلف عن الرياض مررره من ناحية الشكل والتضبيط على قولتهم يعني انا اول ماجيت ضحكت ضحك على مواترهم كنت اقوول

كانها كراسة رسم خخخخخخخخ ومع مرور الوقت بديت انجذب لدداسنهم واشكالها اقصد
عقبها قلت ياولد انا مانيب مزين مثلهم انا بس بطرح الوجه والله وطرحت وجه الدقسوونه للجلد كفووووو ومع مرور الوقت جلست افكرر انا مانيب رااعي بر ولا اي شي
ورى ما اسحب سست وافلها مع الشعب والله صاار اللي صاار وصرنا مثلهم

وانا اللحين اضحك ع اللي يغبرون الناس يغسلون مواترهم وهم يغبرون خخخخخخ

واللي اللي يلمع بطن الموتر ذا الله يكون بعوونه
المهم حسيت اني طولت بالحكي <<<بدرري


شكلكم تقوولون يووه نصرااوي ايه نصرااوي (هلالي)

لبـــــى السوبر فديتها

حـــــدك نـــــظــــر >>احد عنده اعتراض لاسمح الله >>مشكله رااعين البي بي أي والله


^_^



وصلنا لنهايه ياباااث3

دمتم بوود؛؛؛

والله ما أدري كيف أشكرك يا توتاري تبي الصراحه ما توقعت أنك بتنزل صور موترك لاكن كفوووو

موترك خووقاااق (المطارات بتكثر) خخخخخخ

وإن شاء الله بأحاول أنزل صور موتري في أقرب
وقت كاميرة جوالي ما تصلح (أبو كشاااف) خخ

لك مني أجمل تحيه

[باث 3]

استقرينا على الددسن بيطلع الاسبوع الجاي..مكيف دركسون هوا

في امان الله

ألف مبرووك
الله يعطيك من خيرها ويكفيك شرها

[باث 3]

الذين يشاهدون محتوى الموضوع الآن : 5 ( الأعضاء 4 والزوار 1) ‏باث 3, ‏3Ro0oJ, ‏عـبـود 911, ‏استا

[مجرم الددسن]

السلام عليكم
والله يامجرم وياعاشق
هذه الساعه المباركه إنكم في حي النهضه
لكن هذه ماتكفي لازم تشرفون محلي
ولا يهونون اهل الرابطة كلهم
أنا في النهضه الشرقية

اخوي محلنا ومحلك واحد
وهذي ابرك الساعات

[NISSAN KSA]

السلام عليكم
شباب في مشكله ولا لقيت لها حل
وهو عداد السرعة
طبعاً شريت ددسن عداد السرعة عطلان غيرت حساس السرعة و الواير (سلك الحساس) واشتغل
بس المشكله يقرأ خطا
سرعة 70 في طبلوني يكون على 80
سرعة 80 في طبلوني يكون على 100 المفروض يكون90 مثلاً
سرعة 100 في طبلوني يكون على 120
سرعة 120في طبلوني يكون على 130
يعني حتى مو منظم في الغلط

[باث 3]

الذين يشاهدون محتوى الموضوع الآن : 1 ( الأعضاء 1 والزوار 0) ‏باث 3


بلحاله

[NISSAN 01]

السلآم عليكم , رجعنا والنفسية تعبانة والصدر ضآيق


اليوم الأربعاء والجو جنوب الطآئف كلآم ثآني , شغلت الموتر وسميت بالله قلت بـ أمشي البآحه فيه كشته لـ أخويآي نغير جو يومين ونرجع ومشيت يوم وصلت منطقة السر - جنوب الطآيف 15 كيلو - ويطفي الموتر !!

علمآ إنه قبل أمس وديته الصنآعية بـ ونش لأنه ما اشتغل , يدق سلف بس ما يشتغل الموتر وعلى حسب خبرتي المتواضعه عرفت إن الخلل في طرمبة البنزين ( فكيت صفآية البنزين وأنا أشغل السيآره ما فيه بنزين يندفع مع اللّي اللي موصّل في الصفايه فـ عرفت إن الخلل في الطرمبة ما تدفع بنزين ) رحت وجبت ونش وعلى الصناعية عند صآحب الوآلد وآحد تركي ثقة واليوم الثاني رجعت له إلا ويقول يوم إنك مشيت من عندي إشتغلت السيآره وطبيعي جدآ !!!!!!

واليوم جيت مآشي البآحة ويتعطل علي بعد 15 كيلو , دقيت على وآحد وجآني و وصيته يجيب معه جركل بنزين ويوم وصل فكيت القربه وقلت لـ الآدمي يشغّل وأنا أصب فـ الكربريتر يعطيها دعسه دعستين وتطفي ونفس السآلفه تكررت أكثر من مره ما تشتغل إلا بعد ما أصب بنزين في الكربريتر , بعدين دفينا السيآره و وقفناها في مكان على جنب وتوني وآصل البيت وحآلتي زفت الزفت

ما أدري وش المشكله , غير إنه أكثر من وآحد من الأقآرب ودّه في السيآره وأنا رآفض أبيعها وصلت لدرجة إن الوآلد يسولف مع وآحد من أرحآمنا - زوج عمتي والا زوج أختي - وحتى من الجمآعه يشيل الجوآل عن إذنه شوي ويقول : هآه وش أقول له في السيآره !


وأنا خآيف إن وآحد منهم صكها عين , والوآلد يقول إن كآن المشكله ( عين ) بسيطه نوديه الحرآج يحرّجون عليه وإن شآء الله ما عنده خلآف !!!



وأنآ متضآآآآآيق ومحتآس مدري وش أسوي !



وسلآمتكم . . . ×

[دفرنسين خليجي]

السلام عليكم
ابشركم فصلت لموتري شكمان 2وربع بوصه
كامل من الاقزوز إلى آخر شي مع دبة يوكن عند قايد
والله يحيك يامجرم الددسن وياعاشق عسى ربي يسعدكم في الدنياوالاخرة
أنتم وكل من يقرا هالرسالة

[كرويف]

ياشباب لقيت 2005 gl
ماشيه 190 الف
البدي والمحركات ممتازه
باقي على الاستماره 6 شهور
السوم وصل 43 والحد 44 شرايكم

[هبــ حريملاااء ـبوب]

استقرينا على الددسن بيطلع الاسبوع الجاي..مكيف دركسون هوا

في امان الله

ما شاء الله .. مبروووك .. الله يعطيك خيره ويكفيك شره

ولا تنساناا بالتفاصيل ::

من وين شريت .. كم السعر .. غماره ولا غمارتين .. ضمانه كم .. صور ؟

حيااك الله ..

[3Ro0oJ]

يـآ عيـآل

محسـآتيكم كـآن مركب كفرات دنلوب 225 ورآعي تطعيس سابقا

بـآتسر بطلع للنفود ومركب كفرات بلد 195 دنلوب حقات ددسن 2010 الدفعه الاخيره

المهم هن يمشن بسس لآني كنت انسم الـ225 انسمها 15 واتمشى واطعس

وكفرات البلد ذولي انسمها 10 او اقل .؟؟