حملة لمقاطعة الوكلاء في السعوديه " سجل صوتك " واثبتلهم

[Cyber]

السلام عليكم

نبي همتكم ياشباب في مقاطعة تجار السيارات

خلو لهم السيارات مانبيها بهالاسعار
وحنا من يحدد الاسعار ماهو عبداللطيف جميل وماجر غصنه

لذلك يااخوان خلو كلمتكم وحده وتشجيعكم واحد في هالمضوع لمقاطعة شراء السيارات ونشر المقاطعة في المنتديات والجوالات
تخسر 100 ريال في الحمله ولاتخسر الاف في السياره
لو هالحسبه طبقناها كمواطنين في كل شيء صدقوني احنا المستفيدين وغصب على جميع وكالات السيارات في السعوديه
مالله حدنا عليهم وخلوهم يرفعون على كيفهم حنا ماراح نشتري بهالاسعار ابد
ولاحنا ميتين جوع اذا مااشترينا والسياره ماهي شي اساسي اني كل سنه ارتز لي في موتر
والجميع يعلم ان الوكيل ماخذ حقه دبل وزياده بسبب عدم الوعي لدى المستخدم السعودي
تخيل (( جشع تجار + عدم وعي للمستهلك )) ماذذا تتوقع النتيجه ؟ اكيد ربح خيالي للجشع لانه لايشبع ابد
الكل يعلم ان الارباح خياليه للوكلاء والاسعار ابد ماهي في حق هالسيارات ابد ابد
لذلك انا مقاطع ولن اشتري ابداً في هالاسعار
وخلوا صوتكم واحد ويدكم وحده

صدقوني لو اتفقنا على المقاطعه ان ياكلون هوا
والجشعين متخوفين جدا وجاهم جنون البقر بعد الازمه الماليه الحاليه
وخلونا نستغل هالفرصه

تكفون نبي همتكم بس وخلونا نتفق على كلمه وحده " لا لشراء السيارت " في الوقت الحالي

اغلب اعضاء مكشات من السعودية ولذلك نريد وقوف ادارة مشكات معنا في هذه الحملة والجميع متفق على هذا الامر
لذلك نريد المبادره ولاانتم مقصرين في نشر الوعي سواء الاقتصادي او غيره لما يصب في المصلحه العامه

اثبتو لهم ياجماعة وسجلوا اصواتكم

وبالتوفيق للجميع


تم تعديل المشاركة بواسطة المشرف
بدوي جنوبي

[al360f]

يسرنى ان اكون اول من يسجل صووووووووته معك Cyber

والله ياشباب لو فعلا حدثت مقاطعه والله ان يزل الفيكسار الفل الى 180 الف بدلا من 300 الف

ووالله لو حدثت المقاطعه ان ينزل سعر الشاص الى 98000 بدلا من السعر المبالغ فيه 130 الف

ووالله انت تشوفون الكامري 2009 يحرجون عليها باربعين الف ويقولن عنها غاليه بعد

ووالله ان تشوفون اليوكن الفل بـ100 الف بدلا من 190 الف

بس الكلام كله هل بتقاطعون وهل بتبلغون شيبانكم يقاطعون وهل تلبغون اقاربكم يقاطعون وهل تبلغون جميع اصدقائكم ان لو استمرت المقاطعه بس شهر وقسم بالله بس شهر فقط ان تشوفون الاسعار مثل ماذكرتها لكم بدلا من الهبال الي صاير عند الوكلاء

ورابط موضوعك يا Cyber بحطه بتوقيعي وان شاء الله الاعضاء كلهم يسجلون اصواتهم

وشكرا على مبادرتك والله كانت بخاطري وسبقتني لها جزاك الله خير

[Cyber]

الله يجزاك خير اخوي w66w هذا الكلام وهذي الناس اللي تعرف تنوخ عبداللطيف وطقته

شدوا حيلكم يالربع خلوهم يعرفون ان الناس مقاطعة بسبب الاسعار الخياليه

بالنسبه انا و2 من اخواني وابوي ماراح نشتري وننتظر الهبوط والا شرينا من خارج السعوديه

وانا راح احط رابط الموضوع في التوقيع وشكرا على هذه اللفته

[Cyber]

شوفوا هذا الكاركاتير يحكي حالنا والله انها مصيبه

[كبسولة2]

راح نقاطعهم سنة سنتين ثلاث

ما ورانا شئ مواترنا تحت رجلينا ورواتبنا ماشيه يالله لك الحمد وفي بيوتنا وياربي لا تغير علينا

لكن وكلاء السيارات إذا قاطعناهم من يصرف لهم رواتبهم ومشترواتهم

وإذا شفناهم مصملين على أسعارهم ولا راح ينزلون تخفيضات بـ 50 %

نشتري من وكلاء الخليج ولا أستيراد من أمريكا واليابان
البدائل كثيييييرة نحمد الله

[D I K T O O R]

انا معكم

يالله خل نسوي رسالهـ حلوهـ ومفهومه ومقنعه بحيث كل واحد يرسلها لخوياه واخوياه يرسلونها للغيرهم وتنتشر
والوكلاء اذا شافو المقاطعه هذي والرسائل غصباً عنهم بينزلون اسعار السيارات

[اللماح 14]

مشكورين على التفاعل لخدمة المواطن المسكين.3

[كبسولة2]

السلام عليكم ورحمة الله وبركاته
بسم الله الرحمن الرحيم

اليوم وصلني عدة رسائل من بعض الأصدقاء
وهذا نصها

طريقة البدء في مقاطعة أي سلعة سعرها غالي
حتى ترجع لسعرها الحقيقي

* وتبدأ التوعية بالطرق التالية :

عن طريق المنتديات

عن طريق مجالس الأهل والأصدقاء والأقارب

عن طريق زملائك في العمل

عن طريق رسائل الجوال

وعند دخولك لمحل للشراء

وعرض عليك سلعة وسعرها غالي

قله سعرك يا أخي غالي لقينا أرخص من سعرك وخليه

وأذهب لمحل آخر فقد تجد أرخص من سعر الأول وهكذا حتى يصبح هنا تنافس بين التجار
لجذب الزباين وتبدأ التخفيضات وهكذا حتى ينزل السعر ويرضى بربح معقول

[بو شذى]

السلام عليكم ورحمة الله وبركاتة

والله يا خووووك هذا الي نبيه ووين همة الشباب

بذمتك
جيب اللكزس بـ 348 الف .... حشى فله تمشي على الارض ..

لابوهم لابوا من وكلهم علينا .. ما نبي سيارتهم وموتري بيخدم معي اكثر مما خدم بأذن الله لين يعقلوا ونفكر في موتر ثاني .. ولا نبي نصير مثل مصر نمشي وخلفنا سحابة سوداء ... تهطل عليهم مطر ملوث .. دام المطر ما نزل بسبب حسدهم وجشعهم

معاك يا خوك انا وبكلم من اعرفهم وبأرسل هالمقاطعه بالايميل ..

[بـلـيـهـان 1]

-- سجل صوتي --

[abdullah9]

وينكم من زمان
انا معكم
لكن
هل ستستمرون لو حكايتكم حكاية الي قاطع البيبسي ورجع له
بو العبد

[abdulaziz-19]

معكم

سجل صوتي

[مصوّب الدّخل]

.
.
.
أرخصوه بتركه..!!

هذا كان شعار عمر رضي الله عنه حينما أمر بمقاطعة باعة اللحم حينما أغلوه..!!

أفلا تكون لنا شعارا..؟

الإسمنت زاد في المستودعات 235% فرخص الحديد ليس لأن الناس قاطعت بل لأن الناس عجزت تعمر..!!

ما بالك لو صار القرار اختياريا ونابع من وعي..!!

لاشك أن الأثر أشد..!!

أنا معكم قلبا وقالبا..

[الربذي]

.

.
.
أرخصوه بتركه..!!

هذا كان شعار عمر رضي الله عنه حينما أمر بمقاطعة باعة اللحم حينما أغلوه..!!

أفلا تكون لنا شعارا..؟

الإسمنت زاد في المستودعات 235% فرخص الحديد ليس لأن الناس قاطعت بل لأن الناس عجزت تعمر..!!

ما بالك لو صار القرار اختياريا ونابع من وعي..!!

لاشك أن الأثر أشد..!!

أنا معكم قلبا وقالبا..

وانا معكم لين نشوف اخرتها وباذن الله شي يسر المستهلك الممصوص دمه عشرات السنووووووووووووووووووووووون

[Cyber]

كفو والله هذي الرجال اللي تحطها على الجرح يبرى واشكر الاخوان اللي ارسلوا لي رسائل على الخاص بتشجيعهم
حنا كلنا في بلد واحد وكلنا متفقين على جشع الوكلاء وغيرهم ليه مانقاطع طيب ؟
ليه مايكون فيه وعي بدال المهايط وحب الفشخره

ولايجينا واحد يقول راح يهتز الاقتصاد السعودي ويعطينا من نصب هالشريطيه
اذا صار الاقتصاد واقف على جشع ابو جميل وطقته لابو الاقتصاد لابو جشعهم لابو من وكلهم علينا
حنا من اشد المقاطعين والبدائل كثيره والشراء من الدول الاخرى غير ممنوع وباسعار مقنعه ومغريه جدا والشراء من الانترنت لايحتاج الى خبره ابحث في المواقع او شفلك وسيط على الانترنت يرضى ب 2000 بدال ابو 10 و 20 الف
والا وش كثر هالصالات عندنا في السعوديه والشريطيه النصابين
يسحبون من هالدول وفوق راسك زود 10 الاف الى 50 الف ليه ؟
مسكين يالسعودي الكل ينهبه والكل يتهمه والكل ضده في كل شي وحنا طيبين مساكين
احشروهم ياجماعة الخير لو مره

بالتوفيق