ما الحل في تخبيط ماكينة باترول موديل 91

[garah]

السلام عليكم ورحمة الله وبركاته
ام بعد اخواني اعضاء منتديات مكشات
اتمنى ان تفيدوني بالحل المناسب
ماكينة الباترول خبطة معي
مدري وش تشيرون على هل ابحث عن ماكينة نضيفه واشتريها وين اقدر احصل المكاين وكم اسعارهن تقريبن
او اوظب المكينه وهل قطع الغيار رخيص او كم تكلف

مع العلم اني مستعجل جداً لأن وراي مقناص بعد العيد وابي يكون موتري جاهز
وشكراً لكم
موقعي حائل
واتمنى ان تفيدوني بأسرع الأجابات

[Bader-M]

راح اعطيك اسعار تقربية

قطع غيار
1- شنبر
2- سبايك ثابت
3- سبايك متحرك
4- طقم وجه
5- بساتم (اذا كان السلندر يحتاج خرط)
سعرها تقريبا 1500- 2000 ريال

المخرطه
1- عمود كرنك
2- راس ماكينة
3- سلندر

تكلفتها تقريبا 400- 500 ريال

شغل اليد
من 1000- 2000 ريال وبعض الاحيان تجتاز 2000 قليلا

المجموع
من 3000- 4000 ريال كحد اقصى

سعرها في التشليح 5000- 6000 ريال على حسب النظافة

مشكلة ماكينة الباترول الراس
اذا كان خربان راح تكلفك كثير اما اذا كان سليم فان الامر بسيط جدا

تحياتي اليك

[ابودعسان]

الله يعينك
اذا وضبته احتمال ترتفع عندك الحراره
اذا كنت مستعجل سقط لك مكينه مستعمله نظيفه وريح بالك

[شعيب المسمى]

كانك مستعجل سقط مكينة من التشليح وحاول يكون موديلة من 94 -95- 96- 97
وخذ منه ضمان شهر .. والتوضيب يكلف حول 3500 الى 4500 والله يعينك على الحرارة ان خرطت المكينة

[ابو فله]

الله يطول عمرك خبط موتري باترول موديل 92 وفكيت المكينه ولقيت الراس خربان ورحت وسعرت في محل القطع الاصليه طلعت النتيجه فوق 6000 ريال مع شغل اليد تقريبا وشاورت واحد من الشباب عنده خلفيه في هاالشغلات وقال رح للتشليح احسن لك ورحت لتشليح وشريتهاب4500مع التركيب وضمان 3شهور والحمد لله المكينه ممتازه وسالمه من الحراره والكلام قبل 5شهور واتمنى اني افدتك

[garah]

اخوي طاير بالعجة مشكور على مرورك وعلى افادتك واسعارك

اخوي ابو دعسان و شعيب المسمى مشكور على مروركم

اخوي ابو فـلـه مشكور على مرورك وانا كلمت امس كم تشيلح ببريده وافادوني ان ماعندهم الا مكاين ديزل واما مكاين بانزين يقولون مافيه الا مكاين موظبه اذا عندك رقم تشيلح الي خذيت منه الماكينه اتمنى ان ترسل لي ارقامها خاص وشكراً لك

[الكيان]

تشاليح العجلان ببريدة متوفر عندها مكائن السيارات ومنها سيارتك والله يعينك.

[ابو فله]

انا في الاحساء وبعيد عليك يعني مشو ار

[garah]

مشكور على كل من حاول ان يفيدني بالمشكله

وانا توكلت على الله وسويت الآتي
طلعت المشكله عندي البستم انكسر واعدم علي الراس والسرندل وماغيره
شلت الراس والسرندل للمخرطه والحمد لله طلعة الماكينة اول مره تنفك يعني نضيفه وخرطتها 20 وظبط الراس والسرندل
ومع نصيحة من الماكانيكي (((آسلم))) ان التوظيب احسن من شراء ماكينه وطلب ان اجيب له باقي القطع
رحت وكملت باقي القطع كلها اصلي اصلي كلفتني 3750 ريال وشغل يد العامل 1100ريال والمخرطه 500 ريال والموتر بيجهز الأحد والله الموفق وعسى الهندي يوفي بكلامه اني ما راحح اشتكي من شي بعد التوظيب
والله يعين والله يوفق