يااخوان وش يعني ذي الكلمه Service Engine Soon

[ابو مساعد 511]

السلام عليكم

حيالله الشباب

طلعتلي كلمه في طبلون الموتر SERVICE ENGINE SOON

هي طلعت بعد ماكنت ابي اديور مع مديور كتم الموتر ثمن عطيته بنزين ثمن طلعتلي الكلمه والكلمه هذي من بعد الكتمه وهي تجي وتورح؟ والله ياهي اشغلتني
اسعفونا يااخوان مع العلم ان الموتر تاهو موديل 97
لتوضيح هذي صوره للكلمه

وشاكر ومقدر لكم تعاونكم

[كاشت بن مكشات]

محرك خدمه قريبا *** اخوي ترجمتها لك سيرفس اصلاً واضحه بدون ترجمه *خدمه* لكن الجمله كامله امامك عاد انت فسرها تقبل تحياتي

[ابوعقل]

هذا الرابط ان شاء الله يفيدك

سؤال ياهل الجموس

[الربذي]

هههههههههههههه
يقول افحص المحرك بسرعه...معقوله مااحد يعرف هذي الترجمه ((افحص المحرك عاجلا))

وترا مامنها خطر ابد وسع صدرك وخصوصا لونها اصفر..حتى لو ماتصلحها لن يضرك ..لايلعبون عليك حقين الورش..

[الربذي]

ابو عقل يقول
شيك على الفلتر حق الهواء

اكيد وسخ

غيره او نظفه

وان شاء الله تنحل المشكله

[hamed2001]

الترجمه اخوي تقول افحص مكينة السياره في اقرب فرصه

اتمنا تكون المشكله بسيطه , ولو عندك كتلوج السياره كان انتهت المشكله وعرفنا مالمقصود من هذه الكلمه

وبالتوفيق .

[ابو باسل]

ترجمتها وانا اخوك لا تعطيها وجه
كل السيارات الأمريكي كذا
انا مع تاهو 2001 يوم تشغتل ويوم تطفاء

[ابو مساعد 511]

شاكر لكم يااخوان
اخوي الربذي الله يجزاك بالخير يعني لوني اعرفها ؟ ماجيت وتكبت موضوع ؟

عاد توني منضف الفلتر مالي شهر

[altheeeb79]

معناها ان المحرك سواء ميكانيكيا أو كهربائيا يحتاج صيانه00 لكن ماعليك المشكله ليست كبيره وخطيره لكن اذا لم تفحص الموتر وتجد المشكله ممكن ان تتفاقم وتكون مشكله كبيره 00 لذا انصحك بالكشف على السياره بأقرب فرصه00خصوصا أنك لن ترتاح واللمبه والعه0 وهي تحذيريه وليست خطوره00 كما قات سابقا ممكن تكون العله من الكهرباء وممكن تكون فلتر وممكن تكون صفاي بنزين يعني حاجه بسيطه لكن يجب حلها0

[الضامي 2007]

حل مبدئي أفصل أصابع البطاريه خمس دقايق وأرجع أشبكها

وأن شاء الله الامور تسرك لأنه من نفصل البطاريه وترجع تشبكها تعاد البرمجه ....

طريقه اخرى قبل التشغيل ادعس خمس دعسات طويله ومن ثم شغل السياره

أن شاء الله اكون افدتك ............ تحياتي لك ولا يضيق صدرك ان شاء الله الامر عادي

[ابو مساعد 511]

شاكر ومقدر لكم تواجدكم وبيض الله وجيهـكم وماقصرتو

[مريقب العيفار]

هذي الجملة مشهورة بمواتر شركة جي ام سي ( جنرال موتورز )

وهي غالبا بسبب حساس الهواء

ولا تهتم لها