دعوه عامة لتجربة المراسلات البعيده الخميس القادم

[راعي عنيزة]

السلام عليكم ورحمة الله وبركاته

يسرنا ان نوجه الدعوة لجميع الاخوه في المنتدى ومن الزوار للمراسله في يوم الخميس القادم الموافق 14/1/1423 هـ في تمام الساعه 10 ليلا على القناة 145850 علما بان الاخ شقران مشالله عليه تجهيزاته تسمح بالمراسلات الدوليه
لذلك سيقوم بدور الوسيط بين شباب الرياض وشباب القصيم ونرحب باي شخص يرغب في المشاركه من اي من منطقة يصلها الارسال

وحياكم الله على قل الكلافه

ملاحظه : في حالة ان القناة مشغولة يرجى البحث مابين 050 146 - 850 145 وستجدوننا باذن الله

[شقران]

ومسيت بالخير ياخلفهم واضم صوتي لصوتك اخوي راعي عنيزه وحياكم الله جميع..
الله يعينا على الطاعه
تحياتي لك ياخلفهم وللجميع //شقران

[القناص]

مسيتم بالخير
وعافاكم الله
عندي اقتراح يخدم الملحطين والكثيرين ممن اتصلوا بي لرفع اقتراح لاختيار وقت تكون فيه المراسلات افضل من ناحية الجو يعني تكون نسبة الرطوبه اعلى والتشتيت الشمسي للاشاره اقل
يعني اليس المساء او الليل افضل من العصر,,والامر لكم
القصد هو سماع الجميع للجميع
او وضع وقتين مثل 4.30عصراً و 10.30مساءً
ولا وش رايكم يالربع:what:

[الشقردي]

والله انا من نا حيتي مئيد لاقتراح الاخ قناص

وانتم واللي تشوفون

[راعي عنيزة]

وانا اضم صوتي لصوت شقران واقول مساكم الله بالنور



القناص حياك الله يا غالي
كلامك ما عليه غبار واتفقو على وقت مناسب فنيا وحنا حاظرين يا خلفهم

[راعي عنيزة]

هلا والله بالشقردي

طيب وش رايكم الساعه 10 ليلا مناسب ؟؟

[شقران]

مساكم الله بالخير جميعا ومناسب الوقت اللي يناسب لكم وبالنسبه لي ساكون متواجد بمشيئة الله من مسيان يعني من من بعد الساعه 5:30 الى الساعه 12:00على التردد 145850 انشاء الله وبالتوفيق للجميع//شقران

[القناص]

10.30الى منصف الليل
حلو كتير





مساءً يوم الخميس

الى اللقاء

[حامض]

مرحبا شباب شحالكم وشعلومكم

الصراحه ودنا نجرب وياكم بس للأسف الجو مايفتح عندنا معاكم الا
بعد الساعه 2 بالليل على كل حال انشالله بمر على موجتكم متى مافتح
معانا الجو على موجتكم 145850 والله يعطيكم العافية وبالتوفيق للجميع

مع السلامه

[الشقردي(العيون)]

السلام عليكم شباب منتدى مكشات وانا تراني بزعل ااذا ماسمعت صوتكم على اني من جنوب الشرقية وبالتحديد الاحساء وعندي اريل ستة ونص ولا معة اي مقوي مرفعة في البيت ثالث دور 16 متر ومادري اقدر اسمعكم اذا الشباب وجهو التوجيهي على الشرقية وانشاءالله نسمع صوتكم ياشباب ترا نداي الشقردي

يعني يرضيكم اكون كذا

[راعي عنيزة]

القناص
حياك ربي

حامض
للاسف الساعه 2 متاخر لكن ما يضر حاول الساعه 10 مع شباب الرياض يمكن يكون الجو تمام اما القصيم لا تتعب روحك لاننا في جفره وما نسعمك ولا بواسطه


الشقردي العيون
هلا بك يا بعدي ونتشرف بانضمامك وانشالله الشباب يسمعونك ولو يحصل تدبر لك امبلي فاير عشان تضمن وصول ارسالك

[حامض]

تصدق ياراعي عنيزة
امس عقب ماكتبت الرد بفتره لقيت المراسلات من السعودية
يعني يكمن حوالي الساعه 8 فتح الجو معاهم وارسالات لاباس
لكن الساعه 3 الفجر سبحان الله كأنهم عندنا بقطر وعلى كل حال
بنكون موجودين وانشالله نسولف معاكم ................. مع السلامه يالغالي

[راعي عنيزة]

حامض يا خلفهم المراسلات تفتح معك للسعوديه قريب ولا بعيد ؟
يعني تسمع شباب الشرقيه والاحسا ولا توصل اكثر من كذا

[القناص]

السلام عليكم

مبروك السيرفر الجديد
شخبار المسابقه
احد سجل شي
من كان الارسال الاقوى

سلالام

[المطيرى غازى]

السلام عليكم . شباب انشاله تسمعونى اخوكم من الكويت ابى احاول انادى ونبى نطلع المسخبى من هالارايل بالتوفيق للجميع.