أحد شاف هالدافور قبل ؟؟

[صلهامه]

السلام عليكم ورحمة الله

قبل أسبوع كنت فى اكسترا طريق الملك عبدالعزيز اللى فى الرياض

لقيت عند قسم الرحلات عندهم دافور كولمان أمريكى

الغريبة انه يشتغل على نوعين من الوقود DUAL FUEL( قاز وأي نوع وقود سائل ثانى ) هذا اللى فهمنى اياه اللى يبيع

الصراحه عجبنى فيه نوعيته الجيده وجودة تصميمة رحت لهم قبل يومين ولقيت من عشر دوافير راح تسعه وباقى بس النموذج المعروض

وهذى صورته


حجمه صغير مثل حجم الكوفيا اللى تركب فيه اسطوانه استعمال واحد
10500 بى تى يو ( قوة الشعلة )

السؤال : هل منكم احد جربه ؟
واللى جربه لا يبخل علينا بالنصيحه

سعره 250 ريال

موقع المنتج
http://www.coleman.com/coleman/colem...uct_id=533B705

[عندك يابعدي]

أخوي الغالـــــــــــــــــــــي:
كم بودي أن أخدمك لكن أنا حصلت قبل حوالي سنة عند السنيدي ببريدة شبيه له يشغل على الغاز والجاز
لكن ما أدري هو الآن عندهم ولا لا
لكن لوكنت بالرياض يابعدهم أخذته وجربته وإذا هو زين اهديتك إياه لكن أخي اذا ما يكلف عليك السعر اشتره
لإن الصناعة الأمريكية دائما مميزة

[الصامل1111]

والله للاسف ماجربناه لكن كيف تحمل عينه هل هي تتحمل الاوزان الثقيلة مثل قدرأو ابريق تفويح ؟

[m1m]

يعطيك العافية ..

خذها مني .. ( صاحب الصنعتين كذاب ) ليته صمل على وحدة

[ابوفهيدان]

المطور احسن منه يجي لونه نحاسي

[صلهامه]

أخوي الغالـــــــــــــــــــــي:

كم بودي أن أخدمك لكن أنا حصلت قبل حوالي سنة عند السنيدي ببريدة شبيه له يشغل على الغاز والجاز
لكن ما أدري هو الآن عندهم ولا لا
لكن لوكنت بالرياض يابعدهم أخذته وجربته وإذا هو زين اهديتك إياه لكن أخي اذا ما يكلف عليك السعر اشتره

لإن الصناعة الأمريكية دائما مميزة

اللى ردوا الله يجزاهم خير

عنك يا بعدى الله يسلم عمرك وما تقصر انا الصراحه ما يكلف على شي اللى ابيه اجيبه لكن قلت اخاف ابلش بالقاز ونقله معى وريحته وتخبر المكاشيت وحوستهم وصعفقت مواعينهم بالبطانيج