قطع غيار سيارات تركب على سيارات ثانية ، تبادل خبرات

[مروووق]

السلام عليكم ورحمه الله وبركاته

لمحبي تبادل المعلومات الميكانيكية والكهربائية مثلي ، ودي نستفيد من خبرات بعض ونستفيد ونفيد احد متوهق او مظطر لقطعة معينة ومو محصلها بالسوق. وفيه قطعه من سيارة ثانية تختلف كليا ممكن تركب مكانها وتؤدي نفس الغرض، طبعا من واقع تجربه شخصيه او معلومة 100% لا نوهق خلق الله.

على سبيل المثال :

* جيب دوج درانقو موديل 2003 يركب عليه دفرنش خلفي حق اي كابرس من موديل 1986 الى موديل 1990

* طرمبة بنزين الفورد كراون فكتوري موديل 2003ا ( داخل التانكي ) تركب على المرسيدس موديل 1988 بدون ترهيم. وكذلك على الدايو موسيو موديل 2000

* منظم الهواء الي في النيسان صني + مكسيما من موديل 2001 الى 2005، الي يركب في الهوز حق البخاخ ممكن تفكه و تنفخه بـ هواء وترجعه مكانة و تنتهي مشاكلك اذا السيارة تطفي فجأة. مايحتاج استبدال ،،، بشــــــــــــــــرط انك تفك اصابع البطارية قبل تبداء الشغل ولما تخلص تشبك الاصابع ... عانيت من كثر ما اغيره لين اكتشفت هالمعلومه

* راديتر ابو 5 صفات حق كابريس صابونه يركب على اي شفر ثاني بشرط استخدام نفس الجرايد الجانبية الاصلية لليسارة نفسها. لايقصون عليك يقولون مايركب

* جنط الجمس (شنبر) حق موديل 1980 ابو 6 مسامير يركب على البليزر موديل 2008

فـ ارجوا من الجميع التفاعل للاستفاده من خبراتكم في مثل هذي المعلومات

تحياتي

[لن أمل من العطاء]

هذا موضوع مهم جدا

وتشكر جزيلا لك اخي

وقطع كثيره جدا جدا تركب على بعض الامريكي لبعضه والياباني لبعضه الاوروبي لبعضه

اخوي معاه سوبر بان 1999 واكتشفت ولكن اريد ان اتأكد او يتأكد اي عضو ان كمبروسر الهايلوكس 2006 يركب على الجمس 1999

شكرا لك اخي مره اخرى

[مديون1]

افضل موضوع قد قرأته
الرجاء التفاعل يا شباب
جيب متسوبيشى من 83الى 89 قطع الجيب الهونداى جلوبر تركب عليه من مساعدات وعكوس
جيب اسيزو تروبرمن 90 الى 93 تركب طرمة البنزين حقت كابرس 86
وان شاء الله ابحث اكثر فى هذا الموضوع
والله موضوع رائع نرجوا ان يشارك اهل الخبره وخاصه المخضرمين من اعضاء المنتدى
شكرا للصاحب الموضوع على طرحه

[مروووق]

العفو جميعا و اشكر لكم مشاركاتكم

ومعلومه اعرفها وتوي ذكرتها ، الكمبريسور حق المكيف في مرسيدس بنز العادة يكون حق احد سيارات تويوتا من نفس السنة. يعني بنز موديل 83 يركب عليه كمبريسر مكيف كريسيدا 83 مع اختلاف شكل الاهواز . بس الكمبريسر نفسه نفسه

وكذلك الكبريتر حق الـ ليمينز 1976 يركب على الكابرس 1988. طبعا عشاق الترهيم والشفرات القديمة يعرفون ا لليمينز وهو من بونتياك و هذا شكلة

[باب هداج]

ماشاء الله موضوع في غاية الروعه والأبداع

[أبو مسفر]

صراحة موضوع ممتاز ويستاهل التميز
لانه بيصير مرجع لاي قطعة بحل بها راعيها وما لقاها

وممكن انه يركب قطعة سيارة لسيارة ثانية

ونبي تفاعل من الاعضاء لأضافة اي قطعة تركب لاكثر من سيارة

[مرقاب]

طرمبة الكدلك تركب على الباترول اللي من موديل 97 وتحت ومادري عن التاليات ان كانه تركب

[مروووق]

الله يحييكم جميعا شاكرا لكم تفاعلكم

اخوي مرقاب ، قصدك طرمبة الزيت ؟ ولا البنزين ؟ لمجرد الايضاح اذا سمحت

[عاشق دلة]

بالنسبة للقطع التي تقع خارج المكينة مثلا (كمبرسر المكيف.الدينمو.علبة الدريكسون...الخ
فأتوقع انها تركب لسيارات اخرى ولكن بتعديل قاعدة التركيب (التوليف للقطع )
الي يروح حلب يشوف العجب في فن الاختراع بالنسبة للسيارات القديمة
تحياتي للجميع

[الجنك]

بالنسبه للسلف حق الجالنت والمازدا واحد موديل 90-93

[أبوالمثنى]

طرنبه بنزين اليوم الي دايما تخرب تستطيع ابدالها بطرنبه vx.r وباذن الله معد تخرب

شكرا على الموضوع الرائع

[khaled99]

ونيت الجمس الصغير luv اللي هو اصلا ايسوزو لكن مكتوب عليه GMC

مكينته دايو 4 سلندر بنزين 2.2 الظاهر حقت الليقانزا...<<ما اخس من ذي الا اختها..ههه

والسلف - الكلام عن luv - خرب علي وغيرته بسلف لومينا 2002

والله الموضوع كويس...وننتظر إثراءات الشباب للموضوع

[حرب]

احييك على هذا الموضوع الرائع00
جميع موديلات الباترول البخاخ00
يوجد خرطوش خارج من البخاخ الى قربة الهواء وسعره تقريباً من 200 ريال وطالع بينما يركب عليه خرطوش الكابرس نفس النوعيه وأفضل بالنسبه لليونه وعدم التيبس والانشقاق بسعر 40 ريال فقط00
دينمو الكهرباء (باترول)جميع الموديلات:
(الوات) قوة الدينمو الاصلي للباترول من 80 وات واقل بينما دينمو المكسيما من 2004 وما فوق 110وات ويركب على الباترول بتعديل بسيط بالقاعده الي فوق فقط وهذا طبعاُ يفيد لمن يحتاج الى كهرب زياده مثلاُ :
الي مركب مراوح كهرب عالية السرعه وانوار غازيه
مركب ثلاجه خارجيه كبيره التي تستعمل للكشتات00
وعسى الله يقوي الجميع00

[مروووق]

الله يعطيكم العافية جميعا واحييكم على المشاركة بالمعلومات للجميع

ومعلومة اخرى ان الكويل والبوبينه حق اللاندكروزر من 81 الى 85 ممكن تركب له حق مازدا 626 نفس الموديلات تقريبا.

[مهوس صيد]

موضوع حلو وانا ابي منكم خدمه عندي هايلكس موديل 98 خربت علبة الباور وما حصلتها الا في الوكاله فشنو يركب بدالها