قطع غيار سيارات تركب على سيارات ثانية ، تبادل خبرات

[دايت]

طرمبة البنزين حقت الشيروكي اذا خربت بدلها بطرمبة في اكس آر الكبيرة مب الصغيرة وماركتها دونسو..

وبرضوا تركب ع الجموس..

[راعي العشــه]

موضوووووو ممتاااااز جدا ويستحق المتابعه

عندي لكزس400 سابقا خرب اتوماتيك المرووحه
وركبتلها اتوماتيك مروحة vxr وممتازه من دون ترهيم وفوق هذا ارخص من اللكزس

[الستانس]

عندك جميع قطع غيار الجالوبر تركب على الباجيرو حتى مديل 2001

وعندك عروه الباب الداخليه حقت الربع يركب بدالها حقت الهايلوكس ولو تغير اللون

الخراطيش الداخليه يمكن تحصل بديل لها بسهوله

لي البنزين عند المكينه يركب عليه لي الغاز

[حلال المشاكل]

طرمبة مرسيدس 500 اس موديل 90 تركب على الجمس من91 الى99

طرمبة المرسيدس ب500 ريال
والجمس ب120 ريال على ما اعتقد

[aassem34]

اغلب قطع غيار اللكزز gs300موديل 97قطع كراون وطرمبة البنزين حقت الكابرس او الجمس تركب للباترل القديم

[صلاصل]

طرنبه بنزين اليوم الي دايما تخرب تستطيع ابدالها بطرنبه vx.r وباذن الله معد تخرب

شكرا على الموضوع الرائع

ركبت طرنبة بنزين فكسار على دوج داكوتا وضبطت

[رش المطر]

جيب الديهاتسو الربع فيروزا
م91
الدبل ماهو موجود في السوق ولا التشليح
والدبل داخل في الجربوكس ولازم يتغيرالدبل مع الجربوكس
في حل يا اخوان
جزيل الشكر لصاحب الموضوع
وكل من شارك وأثرى هذا الموضوع

[محمد بن سعيد]

انا كان معي كامري امريكي كنت اركب لها قطع اي اس 300 2001 تقريباً نفس القطع

[المغترب979]

مكينة المازدا 626 موديل 96 الى 2000 تركب على كيا كلارس من نفس الموديل
جربناها على قير تماتيك وضبطت بس صادفتنا مشكلة الهواء حق المكينه وهي شغاله مو صافيه فيها تفتفه بس تحتاج مهندس يضبطه بس

[ابوقاسم]

مشكور اخوي على طرح الموضوع المفيد
وخذ هذي ممكن تفيدك
صبابات المكينة للهايلوكس 84 تركب لها صبابات الامريكي لكابرس الثمانينات والفارق في السعر كبير تقريبا يكون 10% من قيمة الياباني
تحياتي

[السفير2006]

السلام عليكم
واللف شكر لصاحب الموضوع
كرتير الددسن يركب عليه كرتير مرسيدس موديل 87
ومجرب 100%

وقماش او الفحمات الاماميه للفرامل الهيلكس من 98 إلى 2005 انصح بتركيب

فحمات صناعة سعوديه تقريب السعر من25 إلى 35 ريال

[فهد بن مشبب العاصمي]

جنوط الجيب الدايو مقاس 15 تركب على الددسن وشكلها مناسب جدا واخف من جنوط الوكااله

وجنوط البليزر مقاس 15 تركب على الددسن ايضا وشكلها اطيب لكنها ثقل جنوط الوكاله

مساعدات مرسيدس تركب على الهايلكس من موديل 2005 وتحت سلام سلام

وجنوط المرسيدس ايضا تركب على الهايلكس وميزتها اخف بكثير من جنوط الوكاله واعرض ..

وجنوط البرازيلي تركب على الباترول وجنوط الباجيرو ايضا تركب على الباترول ..

وهذا اللي في بالي واي شيء اذذكره بكتبه هنا

تحيتي لكاتب الموضوع والاخوان

[(مواصل)]

طرمبة البنزين لليوكن الجديد تركب للباترول الجديد بفرق السعر الباترول 1200 اما الامريكي 180
مساعدات الجيب الشاص تركب على النيسان باترول اربع بيبان ورا واريح من مساعدات بلده
هذا مايحضرن ولا تذكرت انزل والله يوفقنا واياكم

[مروووق]

الله يعطيكم العافية جميعا

وأشكركم بمشاركتكم هالمعلومات المهمة جداً جداً و توفر قروش علينا و على غيرنا

وفي بالي اشياء كثير بس ماتحضرني. اول ما اذكر بجي اسدحنا هنا

تحياتي للجميع و تقديري

[مروووق]

ايه ذكرت معلومة

بالنسبة لفحمات البريكات للامريكي شفر او جمس بشكل عام ، لا جيت تشتري عندك دائما 3 خيارات - اصلي ، امريكي ، تقليد
اشتر الامريكي. تراه افضل من الاصلي و يشد اكثر . الاصلي غالي على الفاضي. و طبعا التقليد انحش ابعد عنه . وكذلك ينطبق على الياباني ، تحصل اصلي و ياباني و تقليد