طلب مساعده ومشوره يا اخوان في فكره تركيب تانكي ماء وشنطه عفش

[T-Tamimi]

السلام عليكم ورحمة الله ..

اقترب موسم الرحلات وبدا التفكير في تجهيز بعض الامور المهمه للرحلات ..

الحقيقه يا اخوان بودي تجهيز بعض الامور الاساسيه والسهله

ومثل ما تعرفون وجود شنطه للعزبه واغراض القهوه والشاهي والطبخ وتانكي الماء من الاساسيات.

وسيارتي دفع رباعي عائليه "فورد اكسبلور" استخدمها للمدينه
وطلعاتي للبر خفيفه وعلى قدر معتدل

المهم ابي طريقه تكون سيارتي من الداخل مافيها قراشيع واجد.
وتكون اغراضي خارج السياره وممكن استغني عنها في الصيف بسهوله
وفي نفس الوقت ما تكون الاغراض والثقل على خلفيه السياره ..

طرى في بالي اركب شنطه فيبرجلاس فوق التنده "على السله"
وتكون مقدمه الشنطه عباره عن تانكي مويه 100 لتر تقريبا . والباقي شنطه اغراض. وكذا يكون الثقل موزع على كامل السياره .وكامل الاغراض من عزب وحطب وخلافه خارج السياره . يعني اقدر استخدم داخل السياره بالكامل للعائله او الربع ولو دخل الصيف افك الشنطه بالي فيها واطربلها في الحوش .

حاولت اوضح في الصوره الفكره واتمنى تساعدوني بمشورتكم عن عيوب هذه الفكره
ومن وين اقدر افصل شنطه مثل هذي .
وهل السله وتنده السياره تتحمل الثقل خصوصا اذا صارت السياره تمشي والهوا ييضرب في الشنطه اخاف تنقلع .! ..



انتظر فزعتكم بالمشوره والراي السديد ..
ولا ادري هي تمام ولا فيها عيوب

[بن نويشر]

ما شاء الله عليك

انت متسيهل بـ 100 لتر علشان تحطه فوق التنده ؟؟؟!!!
في نظري .. هذه الطريقة غير الصحيحة وغير آآمنه بالمره ..
كما أن العوارض لها قدرة محدد بالوزن مسجلة على العارضة او في الكتالوج .
كما الوزن الزايد على سقف السيارة يتسبب في عدم توازن السيارة وسرعة انقلابها ..

ارى ان تجعل سقف السيارة للحمولة الخفيفة مثل (الرواق ، مشتقات الأقمشة كالفرش والخيمة .. على ان لا يتجاوز الوزن عن 80 كيلو ) وتانكي الموية خله فيبر او المنيوم منسدح ..

والشباب ما راح يقصرون بالمعلومات اكثر إن شاء الله تعالى ..

[T-Tamimi]

ما شاء الله عليك

انت متسيهل بـ 100 لتر علشان تحطه فوق التنده ؟؟؟!!!
في نظري .. هذه الطريقة غير الصحيحة وغير آآمنه بالمره ..
كما أن العوارض لها قدرة محدد بالوزن مسجلة على العارضة او في الكتالوج .
كما الوزن الزايد على سقف السيارة يتسبب في عدم توازن السيارة وسرعة انقلابها ..

ارى ان تجعل سقف السيارة للحمولة الخفيفة مثل (الرواق ، مشتقات الأقمشة كالفرش والخيمة .. على ان لا يتجاوز الوزن عن 80 كيلو ) وتانكي الموية خله فيبر او المنيوم منسدح ..

والشباب ما راح يقصرون بالمعلومات اكثر إن شاء الله تعالى ..

ههههههههههه
اشوا مانيب قبالك ونت تقرا موضوعي

اي والله اني مانيب صاحي يوم يطري في بالي ذالراي وناقد على عمري
اللتر يعادل وزنه كيلو تقريبا
والتانكي مع العفش بيوصل وزنها 150كيلو فوق التنده

الافضل مثل ماذكرت تانكي فيبر منسدح

وعن نفسي هونت وبكتفي بجركلين 20 لتر اعبيهن في كل طلعه وبس
والسبب ان سيارتي شخصيه وليست بريه فقط
الله يرزقنا بـ 40 الف فايضه عن الحاجه ونشري بها موتر لسعه الصدر واعزمك على كشته كود تسامحني هههههه