رابطة ملاك اسد الصحراء ( الاكسبدشن4×4 / 2×4)

[متفائل جداااا]

اليوم رحت للوكالة الي على طريق خريص عشان اغير البواجي
لاني سمعت ان البواجي حق الاكسبديشن ما يعرفون له الا الوكالة
على العموم استقبلني واحد سوري شايف نفيسته يقول ما نقبل سيارتك
و يوم سألته ليه يالحبيب
قال لان سيارتك انت شاريها من امريكا و موديلها 2007 و ماشيه 200 الف
طبعا انا ما اخذت معه بالحكي لاني لو طولت سوي كان جلدته
على العموم هو سد نفسي و هالوكالة التعبانه و الصيانة الزفت
فقلت يا رجال اطلع غيرها برا

سؤالي هو تخبرون لي ورشة تغير بواجي الاكسبديشن و شغلهم نظيف لاني سمعت ان تغير البواجي شغلته شغله

هذة من ردود أحد الأخوان قبل صفحتين تقريبا ً نسختها هنا


الله يوفقك ان شاء الله ولكن الاسعار نااااار يا خوك
البواجي حسب علمي ان 2007 وطالع سهلة مومعقده مثل الموديلات الأقدم يعني راح تكون شغلها 100 ريال كحد أقصى
الفرامل معقول سعرها
سير المكينه غالي بالحيل المفترض أقصى حد 50 ريال لأن الدعوة شداد فقط يضغطه ويركب السير لا فك ولا تركيب
صفاية البنزين ..انا اركبها مجانا مع باقي الصيانه طبعا موتري 2005 وما دري عن صفايات الموديلات الجديدة
يا خوي دائما وابدا شف الورش ذات العماله الفلبينيه أولا والهندية ثانياً وشف الاسعار
بواسطه كتابه ما تريد تغييره في ورقه وحط سعر كل ورشه وبعدها توكل على الله وشف اللي يصلح لك
الوكالة أسعارها مبالغ فيها كثير
والله يوفق الجميع..

[الذئب الاليف]

السلام عليكم ورحمة الله وبركاته
ابارك للجميع وعلى راسهم الاخ ابو وليد على الـــــ 600 صفحة وعقبال 6 مليون
اما اخي العميد 18 تاكد من حجم المكينه هل هي 4.6 او 5.4 هذا مهم جدا خصوصا اذا كانت استخدام امريكي
ودمتم بخير

[jasser]

شباب انا عندي اكسبديشن 2009 استاندر بدون دبل وفيه واحد من الزملاء ناوي يطلع اكسبديشن واعجبه ولما راح الوكالة قالوا له فيه عرض سعر الاستاندر الدبل بنفس سعر اللي بدون دبل

ولكن واحد في الوكالة قال له ترى اللي بدون دبل اخف وسواقته تفرق عن اللي بالدبل فهل هذا صحيح

اتمنى الرد يالغالين وشكراً

وانا بصراحة ما جربت سواقة اللي فيه دبل

حياك الله اخوي ... انا عندي 2009 دبل قصير ..
ولا به الا العافيه ماشاء الله تبارك الله اطارح به في بعظ الاحيان السيارات الصغيره ..
واللي يقولك ان الدبل يثقل على الموتر مع احترامي الشديد ما يفهم .. لانه يثقل على السياراه اذا كان جيربكس منفصل عن الجيربكس الاساسي
لكن كل سيارات الدفع الرباعي اليوم صار الدبل مدمج مع الجيربكس الاساسي يعني صار واحد وهذا اسهل في عملية التغيير - حتى السيارات اليابانيه صار الدبل مدمج في الجربكس

اما بالنسبه للموظف اللي في الصاله هذا والله العالم له نسبه في مبيعات الاستاندر لان سوقها ماهو ماشي فيبغى يصرف البضاعه على حسابكم..!!
وانا عمري ما قد شفت شخص معاه دبل واشتكى منه بالعكس اللي يتوهق وياخذ عادي يرجع ويدور للدبل باي وسيله ..
نصيحه خله ياخذ دبل دامه عليه عرض والله يوفقنا واياكم
هذا ما عندي والله الموفق
دمتم بالف خير

[الذئب الاليف]

السلام عليكم ورحمة الله وبركاته
شغلت المكيف وطلع صوت ازيز ودخان ازرق
رحت الكهربائي قال هذا البلف فتح يمكن كانة حرارة الجو زايده المهم شغل وعاير الغاز وقال كلش ممتاز رح وذا صار لك مرة ثاني تعال واليوم لي يومين وانا مشغل المكيف تبريد جدا ممتاز ولا فتح بلف ولا شئ مادري من حصله مثل هالمشكلة وهل اغيرالبلف ولا مثل ماقال الاكهربائي اصبر وذا عادها نغيره

[عبدالله حمود]

اريد ان اشتري فورد اكسدبشن وليس لي خبرة وأريد الاستفادة من ملاك فورد ؟؟

[العميد18]

السلام عليكم ورحمة الله وبركاته

ابارك للجميع وعلى راسهم الاخ ابو وليد على الـــــ 600 صفحة وعقبال 6 مليون
اما اخي العميد 18 تاكد من حجم المكينه هل هي 4.6 او 5.4 هذا مهم جدا خصوصا اذا كانت استخدام امريكي

ودمتم بخير

اخي الاليف حجم المكينة 5.4

[عماد 2004]

باركولي شريت اكبيديشن 2011 دبل ازرق ...قصير. بس ابقى مساعدتكم ... ابقى احسن محل تضليل وحماية السيارة...ولكم جزيل الشكر والاحترام.

[majediya]

اخي الفاضل عن تجربه افضل كفرات هي ( كونتيننتال ) طريه وتتحمل بس اهم شء تكون انتاج السنه وممكن تاخذ اخر 2010

[عماد 2004]

ولا واحد رد علي ... تراني اعزكم واغليكم ... والمنتدى هذا والرابطة هم السبب الرئيسي لشرائي الاكسبيدشن.

[moto4arabs]

باركولي شريت اكبيديشن 2011 دبل ازرق ...قصير. بس ابقى مساعدتكم ... ابقى احسن محل تضليل وحماية السيارة...ولكم جزيل الشكر والاحترام.

الف مبروك اخ عماد
يعطيك خيره ويكفيك شره
ان شاء ءالله الشباب ترد عليك

ولكن قبل التظليل والحماية
1- هل غيرت زيت الجير والفتلر؟
2- هل غيرت البواجي؟
3- هل غريت فلتر البنزين؟
4- هل غيرت فحمات البركات
5- هل غيرت زيت وفلتر المكينة واستخدم زيت 10-30؟
6- هل غيرت سير المكينة؟
7- هل غيرت كلاتش المروحة؟
8- هل غيرت فلتر الهواء؟
9- هل شييكت على مستوى زيت الدفرنش؟

حياك الله

[غربة مشاعر]

باركولي شريت اكبيديشن 2011 دبل ازرق ...قصير. بس ابقى مساعدتكم ... ابقى احسن محل تضليل وحماية السيارة...ولكم جزيل الشكر والاحترام.

الف مبروك السيارة الجديدة أخوي عماد والله يعطيك خيرها ويكافيك شرها ان شاء الله

وياجعل قدومها قدوم الخير والسعد عليك وعلى الأسرة الكريمة

التظليل انواع واشكال كثيره لكن نصيحتي لك لاتكلف على عمرك بتظليلة غالية السعر ترى الموجود بالسوق فيه الخير والبركة عليك بالنوعية الجيدة التي تفي بالغرض

[غربة مشاعر]

الف مبروك اخ عماد
يعطيك خيره ويكفيك شره
ان شاء ءالله الشباب ترد عليك

ولكن قبل التظليل والحماية
1- هل غيرت زيت الجير والفتلر؟
2- هل غيرت البواجي؟
3- هل غريت فلتر البنزين؟
4- هل غيرت فحمات البركات
5- هل غيرت زيت وفلتر المكينة واستخدم زيت 10-30؟
6- هل غيرت سير المكينة؟
7- هل غيرت كلاتش المروحة؟
8- هل غيرت فلتر الهواء؟
9- هل شييكت على مستوى زيت الدفرنش؟

حياك الله

موتر خوينا عماد جديد توه 2011 ولاحق على هالشغلات تو الناس عليها

[اكسبديشن2011]

أخواني أعضاء الرابطة الكرام
السلام عليكم ورحمة الله وبركاته
بعد الإطلاع والمتابعة قررت شراء إكسبديشن اكس ال تي 2011 إن شاء الله

بس محتار بين لونين عاجبتني وش رايكم

( أبيض ) أو ( فضي )

[mobe]

مبروك أخوي عماد ويارب يطعمك من خيره ويكفيك شره ويجعله عون لك على طاعته آمين يارب

أخواني أعضاء الرابطة الكرام

السلام عليكم ورحمة الله وبركاته
بعد الإطلاع والمتابعة قررت شراء إكسبديشن اكس ال تي 2011 إن شاء الله

بس محتار بين لونين عاجبتني وش رايكم

( أبيض ) أو ( فضي )

عليكم السلام ورحمة الله وبركاته
مبروك مقدما أخي الكريم باقي في عرض توكيلات الجزيرة يومين يمديك تقرر بإذن الله بصراحة اللونين كلهم حلوين وهما أفضل لونين في الإكس إل تي .بالنسبة لي أفضل الفضي القصديري لأنه مش لون ستاندر مثل الأبيض كما أن الأبيض رغم فضله على سائر الألوان إلا أنه لا تظهر جماليته إلا في الفل كامل حيث تبرز الأكسسورات أما القصديري فهو بحد ذاته إكسسوار


كما لا أنسى أن أبارك للأخوة أعضاء الرابطة وبالذات العم أبو وليد الله يصبحه بالخير في هالجمعة المباركة على وصول الرابطة لهذا الكم ست مائة صفحة من الملفات والوثائق والروابط والمداخلات المفيدة الأرشيفية الرائعة التي تهم كافة المستخدمين خاصة مع الاحترافية الرائدة للأساتذة كبار فقهاء الأكسبدشن في الرابطة الله يجزاهم عنا خير الجزاء.أشير إلى أن ما استقيته من هذه الرابطة هو السبب بعد إرادة الله في أتخاذي قرار شراء الاكسبدشن بعد مقارنته بالسوبربان

[mobe]

ياجماعة كيف أفك غطاء الاصطب الخلفي لتغيير لمبة محروقة حيث يوجد فقط مسمارين في طرف الاصطب بعدما تفتح الشنطة أما الجهة الخارجية يظهر أنها كبس أو جزئين متداخلين .هل يحتاج الموضوع متخصص أم أقدر أفكها بنفسي مريت الكهربائي وكان مزحوم وقال تعال بعدين وأنا بسافر اليوم الجمعة بإذن الله .