ماشاء الله ياغربة صراحه شي هذا هو القصير صح ولا الطويل ..
وكيفه بالتطعيس وهل فيه دفلك !
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
ماشاء الله ياغربة صراحه شي هذا هو القصير صح ولا الطويل ..
وكيفه بالتطعيس وهل فيه دفلك !
مكشاتي متقدم
بالنسبة لمعرفة الطويل من القصير ... الطويل مكتوب في الخلف ( EL ) وليس ( XL ) مثل اليوكن والتاهو ... وهالحرفين تحصلها تحت كلمة ( EXPEITION )... هذه بالنسبة للموديلات الجديدة من 2007 وطالع ... وأيضا من النظر لكن النظر يبي واحد يكون عنده خلفية مسبقة ... يعني إذا شفت واحد يمشي في الشارع يكفي النظر علشان تعرف هو طويل أو قصير إذا عندك خلفية وتصور عن الشكل ...المشاركة الأصلية كتبت بواسطة الربذي
مكشاتي متقدم
أولا شي الله يطعمك خير الموتر ويكفيك شره ...
الله يهديك بس يا أبو وليد ... ما أتوقع أنه يجهلك يا أبو وليد أن تخفيف هواء الكفرات يساعد كثير بالمشي في المناطق الرملية ( النفود ) ويمكن أحيانا ما تحتاج للدبل إذا كنت منسم الكفرات ...
الحين أنت حاط الهواء 40 وتسحب واحد مغرز بمنطقة غراز ... لا خفف الهواء أريح للموتر وبعدين حط الدبل على الخفيف ... لأن الدبل الثقيل على أسمه يخلي حركة الموتر ثقيلة يعني هو يصلح للطين لأن الطين يبغى له حركة بطيئة علشان ما تدور الكفرات بوش في الطين ... ولا ( تمتل ) الموتر المسحوب ( متل ) أرجو أن تكون هالعبارة مفهومة للجميع علشان ما يتأثر القير
وبالنسبة للسحب الاكسبدشين الجديد يستطيع سحب أكثر من 4 طن تقريبا 4 طن و 300 كيلو ...
وعن تجربتي في السحب سحبت أشكال وأنواع من السيارات ... سحبت فانات ... سحبت سيارات صغيرة ... ونيتات ... جيوب ... شي سحبته من الطين وشي في النفود والحمدلله والشكر الأداء طيب ومرضي
مكشاتي متقدم
الاختلاف في الحجم وقوة المكينة ... شف حاجتك أنت ...
لكن كل ما كانت المكينة أقوى فأكيد يكون الموتر أفضل في البر ...
وبالنسبة للدبل الاكسبدشين فرار بأربع خيارات ... والاكسبلورر الدبل عبارة عن أزرار تضغطها ضغط...
ووسائل السلامة متشابهة
مكشاتي متقدم
يا هلا وغلا يا أبو عبدالله ... حلوة هلوتين كبار
لا تكبر رأسي وتوهق الشباب فيني بالعكس أنا اللي أبغى أستفيد منكم ومن جميع الشباب في هذا المنتدى... لأن فيه شغالات يبغى لها ناس فاهمين صح وأنا الله يرحم الحال ...
والله يجزاك كل خير عالدعوة ... واللهم أمين ...
مكشاتي متقدم
عادي تفك اصبع أو أصبعين أهم شي يكون الدينمو يشحن صح بس أنتبه لا يتلامسن الاصابع ...
مكشاتي متقدم
ما شاء الله تبارك الله ولاحول ولا قوة إلا بالله ...بسم الله الرحمن الرحيم
هذا من فضل ربي
اللهم اعطني خيرها وخير ماجبلت له واكفني شرها وشر ماجبلت له
وهذي بعض من صور المبروك بأذن الله
وفي المشاركات القادمة بأذن الله سأرفق بعض من صور ماتم تجهيزه بهذه السيارة كالشاشات وغيره
واسمحولنا اذا قصرنا
وياليت نشوف بعض من صور سيارات باقي الأعضاء
اخوكم ابوعبدالله
والله ماادري الصور بتظهر لو لا ( بصراحه عجزت وانا احاول بنفس الطريقه اللي شرحتها يابووليد)
المشكله اني لاسويت تعديل للمشاركه ضهرت بالتعديل ولا سويت حفظ مااشوف الا المربعات الي فيها اكس
الله يطعمك خيره ويكفيك شره ...
وإذا كنت راعي بر يا أبو عبدالله أنصحك تفصل شراع للشنطة الخلفية وطبعا بعد ما تسفط المرتبة الثالثة إذا كان ما عندك إلا عبدالله ...الله يحفظه لك ويصلحه ... علشان تحمل عزبة الكشته والحطب أو أي شي ثاني ... وكل ما طرأ البر بس حمل العزبة وتوكل على الله ...
اليوم صدفه عرفت ان واحد من الزملاء معه اكسبدشن بس 2*4 وليس دبل يقول له معي اربع سنين ماشفت منه الا كل خير .وسالته عن قطعه قال زينه لو قد يغلب عليها الغلا مثل البواجي يقول بواجيه غير شكل ولاتوجد الا في الوكاله وطويله مره غريبه شوي .ولا غير موتر يمدحه..............
مكشاتي متقدم
البواجي مصنوعة من مادة نسيت أسمها وهي فعلا شكلها غير ... لكنها تكد إلى أكثر من 60 ألف كيلو ما تحتاج تغيرها ...
مكشاتي متقدم
طيب يالربع الله يعطيكم العافية أبي أستشيركم في شغله
كا ن فيه حنه او ونه في الدفرنس الخلفي وصوتها مره قوي بعد ما اعدي سرعة 110كم
وتم توضيب الكرونه الخلفيه على الضمان .. وصار كل شي تمام.
والحين الضمان منتهي واسمع فيه صوت من نفس الكرونه بس صوت خفيف
لما اوصل سرعة 110كم وارفع رجل اكرمكم الله يطلع معي الصوت
فما نصيحتكم هل اغير الكرونه كاملة من الوكالة واريح راسي ام اتركة على حالة
الموتر هو اكسبدشن موديل 2004 دبل
السلام عليكم ورحمة الله وبركاته
اخوي ابو وليد اهنيك انت والاخوان على هذه الرابطه وماشاء الله عليكم شادين حيلكم
تحياتي لك انت واعضاء هالرابطه
مكشاتي متقدم
جزاك الله خير على النصائح والتوجيهات وان شاء الله ابجرب اسحب واحد مغرز واوافيكم بالنتيجة ان شاء الله
مكشاتي متقدم
بارك الله فيك اخوي ذيب طمية ويشرفنا مرورك وتهنئتك بالرابطة ولك خالص الشكروالتقدير من اعضاء رابطة اسد الصحراء الاكسبديشن
مكشاتي متقدم
انا من نصيحتي وانا اخوك غيرها وريح راسك لانك لو تركتها على حالها ماراح ترتاح ويمكن خرابها يجر معه خرابات كثيرة وما فيه احسن من المثل اللي يقول ( ركب كرونه وانسى همه)فما نصيحتكم هل اغير الكرونه كاملة من الوكالة واريح راسي ام اتركة على حالة
الموتر هو اكسبدشن موديل 2004 دبل
مكشاتي متقدم
السلام عليكم ورحمة الله وبركاته ...
حبيت أذكر لكم بعض فوائد مدخل (LINE IN ) وهذه صورته ... في الاسفل بجنب الولاعة ...
أولا/ تجيب وصلة ( ون باي ون ) أطراف كلها ( مذكر )
وهذه صورة الوصلة ........وصلة طويلة وصلة قصيرة وكلها ( ون باي ون ) يعني أطرافها كلها ( مذكر ) وأيضا واضح في الصورة جهاز ( MP3 ) إم بي ثري وهذا يغنيك عن الاشرطة والسيديات بحيث تستطيع من خلاله التسجيل عن طريق الكمبيوتر وتستمع في السيارة وأيضا بنفس الوصلة وطريقة شبكه نفس طريقة شبك الجوال ...
الصورة الثانية صورة مقربة للوصلة القصيرة مع جهاز ( MP3 ) طبعا جهاز الإم بي ثري يحتوي على رأس ( USB ) تشبكه في الكمبيوتر وتسجل اللي تبي وأيضا تستطيع من خلاله تسجل صوتك وتستمع له عن طرق سماعات السيارة وطبعا نوع الجهاز سوني ...
الصورة الثالثة صورة مقربة جدا لأطراف الوصلة وكلها ( مذكر ) وتسمى كما ذكرت ( ون باي ون )...
الصورة الرابعة لجوال نوكيا ( N95 ) مشبوك فيه الوصلة طبعا الفتحة في جنب الجوال كما هو واضح بالصورة وبعدين تشبك الطرف الثاني في فتحة ( LINE IN ) الموجودة في السيارة وتضغط على زر ( AUX ) الموجود في راديو السيارة حتى تطلع لك كلمة ( LINE IN) على شاشة الراديو ومن ثم أطلب الرقم وسولف على كيفك... وتستطيع رفع الصوت وخفضه عن طريق نفس الزر اللي يطول ويقصر على الراديو أو المسجل ...
وأيضا من خلال هذه الفتحة تستطيع أن تشبك عليها ( مايك ) مايكرفون يعني اللي وده يأذن في البر ويسمع اللي حوله من الكشاته ما عليه اللي يشبك المايكرفون ويتنحنح ويأذن طبعا يكون فاتح كل بيبان السيارة علشان يطلع الصوت ...
وشكرا وبالتوفيق للجميع ...
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
