دلوني على الطريق الله يجزاكم بالخير (الفزعه)

[ابولانا22]

السلام عليكم ورحمة الله وبركاته
وكل عام وانتم بخير ياشباب
انا مسافر الاردن ان راد ربي اول يوم في العيد معاي مريضين ادعولهم بالشفا تكفون بها الايام الفضيله بنروح لدكتور وفيه شيخ يمدحونه بمر عليه
المطلوب ياجماعة الخير
افضل طريق من المدينه المنورة الى القريات
واسرعهم واقلهم مسافه
السياره الي معاي ايجار منتهي بالتمليك بوقفها في القريات ونستاجر سياره يودينا على عمان
الطلب الثاني
وين القى اماكن السيارات الي توصل من القريات الى عمان وكم اسعارهم
طبعا انا فضلت عن طريق القريات لان المسافه من القريات لعمان حدود 150 كيلو
الله يجزاكم بالخير جميع

[جزاء الشمري]

اسأل الله الكريم رب العرش العظيم أن يشفي مرضانا ومرضاكم ومرضى جميع المسلمين .
بالنسبة للطريق ماعندي خبر لكن الأخوان راح يفيدونك

[ابولانا22]

الله يجزاك بالخير اخوي جزاء وكثر الله من امثالك

[زاير الغيم]

السلام عليكم ورحمة الله وبركاته

وكل عام وانتم بخير ياشباب
انا مسافر الاردن ان راد ربي اول يوم في العيد معاي مريضين ادعولهم بالشفا

شافاهم الله وعافاهم
تكفون بها الايام الفضيله بنروح لدكتور وفيه شيخ يمدحونه بمر عليه

أنتبه ماهناك شيوخ وأنا أخوك الشيوخ عندنا ونصيحة لاتروح لأي دكتور
تبي الشور والعلم والأمان بعد الله المستشفى التخصصي وتحاليل كاملة
وأطباء أستشاريين على مستوى وهو أفضل مستشفى بالأردن منذ ثلاث سنوات

المطلوب ياجماعة الخير
افضل طريق من المدينه المنورة الى القريات
واسرعهم واقلهم مسافه

أعتقد المدينة -القصيم- حايل -القريات 940 كم
فيه طريق ثاني بس والله ماأعرفه

السياره الي معاي ايجار منتهي بالتمليك بوقفها في القريات ونستاجر سياره يودينا على عمان
الطلب الثاني
وين القى اماكن السيارات الي توصل من القريات الى عمان وكم اسعارهم

تلقاهم عند المحطات الكبيرة قبل الحديثة -محطة الشهيلي أو التسهيلات يوقف عندها باصات طبعاً بعضهم سعوديون طيبون وأحيان تلقى تكاسي أردنية
بس كاسرهم بصراحة ماقد ركبت معهم وأنتبه لايقول أودي لشقق ومن هالكلام
إذا تبي التخصصي بعلمك وين تسكن 5( نجوم) وعلى رجليك للمستشفى..

طبعا انا فضلت عن طريق القريات لان المسافه من القريات لعمان حدود 150 كيلو

الله يجزاكم بالخير جميع

وأي خدمة أنا حاضر والله يشافي والديك

[المهاجر505]

أخوي أبو لانا22
أول شي أسأل الله العلي ّ القدير أن يمن على مرضاك الشفاء عاجلاً غير آجل وبالنسبة للطريق فأنا أفضل طريق المدينة حائل القريات لأن غالب الطريق سيدين وبالنسبة لسيارات الأجرة راح تشوف منها كثير بالقريات وبالقرب من الحدود. والمسافة من الحدود إلى عمّان حوالي 250كيلو
ولكن هل أتممت حجوزاتك عند الأطباء وأيضاً سكنك وأيضاً المواصلات داخل عمان
إذا رغبت أن أعملك بعض الترتيبات فأنا أعرف صاحب لي بالأردن وهو أردني يمكن يعملك كل الخدمات ولكن أعتقد أنه يأخذ حقه من الأتعاب وأتوقع أنه راح يفيدك بشكل كبير.
إذا رغبت أخوي آمل وضع هاتفك الجوال برسالة خاصة وأنا راح اتصل عليك

[العميد ابواروى]

عزيزي شكلك رايح لشيخ عايش ان كان هو لا تحرص بالحيل

المهم ان كان تبي راع تكسي اردني ياخذك من الحد ويرجعك للحد فيه واحد منتاز
ارسلي رقمك على الخاص
الله يشفي مريضك
اخوك ابو اروى

[فهد773]

طيب اخوي انا انصحك تطلع لاردن من تبوك حالة عمار اقرب لك من المدينة

[ابومعزي]

اخوي ابو لانا اولا اسال الله العلي العظيم ان يشفي مرضاك
ثانيا بالنسبة للطريق اللي تكلموا عنه الاخوان اللي يمر حايل ما اعرفه ولكن هناك طريق المدينة تبوك ومن تبوك تستاجر سيارة من الموقف وتروح لعمان طبعا ثلاث الى اربع ساعات من تبوك الى عمان وانصحك تسكن في عمان في الجبيهه بالقرب من دوار المنهل لان الشقق هناك نظيفة واسعار الشقق هناك طبعا في الايام العادية 45دينار للغرفتين وفي المواسم 90 الى 100 دينار للشقة الغرفتين واذا تحتاج اي معلومات او اي شي بدلك بدون اي مقابل لوجه الله تعالى مع الاخذ في الاعتبار اني لست خبير ولكن رحت الى هناك مرات عديدة وهذا رقم جوالي 0544930369

[صقرحايل]

مرحبا اخوى
الطريق المدينه حايل400ك حايل القريات حدود600ك طريق سريع
القريات عمان 150ك والى يقول ما فيه مشايخ با الاردن اقول غلطان فيه مشايخ ويمكن بعضهم افضل با كثير من بعض الى عندنا با كثر والدين با كل مكان وكذالك المستشفيات افضل با كثير من الى عندنا
وارجوك ان تراسلنى على الخاص اذا بغيت شى ومن ناحية اسكن اسكن با الجبيهه او با طريق الجامعه حول دوار المدينه الرياضيه فييه شقق مفروشه كثيره وجميع الخدمات موجوده عندك وقريبه
-وبعد القريات يوجد محطات بنزين على اليسار اسمه محطة الفهد وغيرها على اليسار يوجد فيها مكاتب تاجير سيارات وكذالك تلقاء السيارات الاجره الاردنيه با المحطلت منزله ركاب وجالس ياخذ ركاب كلمهم باحدود من 200 الى 250 ريال اذا كان غالى
وانا باخدمتك

[بواسامه]

من اللي جرب التشطيب هناك ياجماعة
وش افضل مشفى يسويها
اللي عنده علم يفيدنا


شفى الله مرضانا ومرضىالمسلمين

[ابولانا22]

سلام عليكم
الله يجزاكم يالخير جميعا
وبيض الله وجيهكم لاهنتم
ان شاءالله بكره الصباح ان راد ربي متوجه على القريات عن طريق حايل والله يكتب الي فيه الخير ونروح ونجي بالسلامه ان شاءالله
تكفون ادعو لمرضاي ومرضى المسلمين بالشفا

[نطوان]

اسأل الله الكريم رب العرش العظيم أن يشفي مرضانا ومرضاكم ومرضى جميع المسلمين .
بالنسبة للطريق ماعندي خبر لكن الأخوان راح يفيدونك

[السلمان2010]

الله يشفي مرضاك ومرضى المسلمين تروح وتجي بالسلامه

[صقرحايل]

مرحبا اخوى
انا قدامك با حايل اذا بغيت اى خدمه امر وحنا نفذ
ودى انك تفطر عندى بكره اذا فيها مجال

[جبل رال]

الله يشفي مرضاكم ومرضانا

.