ارغب في تصميم بيت شعر في المنزل وأبحث عن أفضل محل في القصيم مشورتكم

[feman]

اخواني الأعزاء لدي رغبة في تفصيل بيت شعر يكون في البيت بحيث تكون مواصفاته وجودته جيدة وأرغب بأخذ مشورتكم في دلالتي على أفضل محل للتفصيل في بريدة أو أي بلد في القصيم بحيث يكون شغله نظيف وبأسعار معقولة ولكم جزيل الشكر

[شاهي ربيع]

هلابك يابعدي فيه السنيدي فرع الخيام وبيوت الشعر واسعارهم مناسبه
واذا ماخاب ظني تحصله بطريق عنيزه القديم

[feman]

مشكور اخوي لكن اللي اعرفه ان ما عندهم الا خيام جاهزة لأني مريت وما شفت إلا خيام جاهزة لكن ما سألتهم

[الجندي2005]

لالالالالالالالالالالالا يفوتك السنيدي ،،،،،،،، بس ,,,,,,,,,,,,,,,,,, غااااااااااااااااااااالي

[ابو99]

اخوي عند احد اصحابي بيت شعر امفصلة عند السنييدي نظيف له سنه مستاجر يبي يغير البيت ويبي يبيعه بالقصيم ابو براهيم0552145000

[دغيم1]

السلام عليكم ورحمة الله وبركاته
حياك الله أخوي
من واقع تجربة ، ولخدمة إخواني
أنصحك بعدم تركيب بيت الشعر وذلك أنه فترة محدودة ويتعبك في صيانته ، وإذا يتعرض للشمس راح ينعدم بعد مدة قصيرة ،وكذلك وجود حشرة العثة تأكل الصوف ، إضافة على ذلك راح تمل منه ، وعلى كل هذا يكلف شوي وخاصة لما يكون خمس طبقات .
لكن إذا الأمر فيه خيارات لك فأنصحك ببت الطين .
تراث وجودة ويبقى لك فترة طويلة .
ولكن إذا الأمر عشق لهذا التراث فعليك بالبحث عن النوعية الجيدة ، والصوف الألماني ، والعازل
تمنياتي لك بالتوفيق
دغيم 1
الكويت

[الماجدي]

^^ انا رايي من رأي مشرفنا دغيم ^^
وإضافه على كلام الأخ دغيم انه راح يتعبك من حيث الحرارة بالصيف رغم العوازل
ازا تبي رأيي اصرف النظر عن بيت الشعر الصوف ,, وقم بتقويم جدران وجعل السقف قرميد بدلاً من الصبه وقم بوضع مدخنه + كمار + تلبيس الجدران سدو = راحه و دفى و وناسه

وشكراً

[اسير الغضا]

مامثل بيت الشعر اللي يجي جاهز من السنيدي والمرباع وعل مااظن انه يجي حديد

[patereot]

يالغالي انا توني مصلح بيت شعر بالرياض
وهذي صور يمكن تفديك بالتصميم
تحياتي لك