ليش سيارتي طامنه... ابي فزعتكم....

[محمد بن ناصر الثبيتي]

اخواني اصحاب الخبره اخوكم ابوناصر يبي منكم فزعه...

سارتي جيب جكس ار 2003 احس انها طامنه بالحيل وغيرت المساعدات وركبت حق بلده ولاتغير شي ......

وش الحل وبيض الله وجيهكم...............
اخوكم ابوناصر

[التختور]

وانا اخوك مدامك فتحت الموضوع اجل شف لي - بالله - بعد اليوكن ..... <==== ( عجاز.. ما يفتح مشاركة )

مع مديل 2006 ( دبل ) ويزعجني فيه انه طامن ... خصوصا الوجه ..........

هل فيه امكانيه لرفع الموتر ....... ( بحيث ) ما يأثر عن رساوت الخط .... واثناء الانعطاف


ومن قال يسلم

[dr.dot]

عندك حلين ارخص حل هو تركيب الكعكات وهو شبيه بالصحن يوضع فوق الياي وتقدر ترفع من 2 سم وحتى 15 سم وبالنسبة للإرتفاع المناسب فهو من الخالف 32 او 33 ومن الامام 29 او 30 و التكلفة كاملة هو 160 إلى 200 ريال , الحل الثاني تغيير الياي لان الياي مع الوقت ينزل التكلفة 600 إلى 800 ريال طبعاً ماراح تستفيد من ياي الوكالة في يايات يكون عدد اللفات زايدة وهو الافضل ليرفع خلفية الموتر قليلاً ولك الشكر

[محمد بن ناصر الثبيتي]

اخويdr.dot

الله يعطيك العافيه اعجبني الحل الثاني لكن عندي بعض الاسئله اذا ماعليك كلافه:-

1- وش نوع الياي الزين بالظبط.......
2- وش الورشه الزينه اللي تظبطه....
3- هل الارتفاع اللي ذكرته متفق عليه.............
ولك خالص تحياتي..........


مشاركة اخوي التختور
(((وانا اخوك مدامك فتحت الموضوع اجل شف لي - بالله - بعد اليوكن ..... <==== ( عجاز.. ما يفتح مشاركة )

مع مديل 2006 ( دبل ) ويزعجني فيه انه طامن ... خصوصا الوجه ..........

هل فيه امكانيه لرفع الموتر ....... ( بحيث ) ما يأثر عن رساوت الخط .... واثناء الانعطاف


ومن قال يسلم))
وياليت تفيدون اخوي التختور راعي اليوكن بعد

[غالي]

ابو ناصر ولايهونون الاخوان
انا موتري جي اكس ار 2003 خليجي وطامن من وراء
فرق الرفرف الخلفي والكفر مايجي يمكن 5 الى 7 سم تقريبا يعني
ركبت العام كعكات وارتفع ولا خذ من الوقت الا ثلث الى نص ساعه
ولا كلفتني الا 200 الى 300 ريال (ناسي والله)
لكن حسيت بالارتفاع المضبوط الي مايجيك مشنتر بالسماء ولا حاب الارض
علما اني ركبت يمين 3 كعكات ويسار 3 كعكات
والمكان بالرياض عند الرمايه طريق التخصصي محطة ميد حي النخيل
والله اعلم عن كفائتها لان المده الي مركبها فيه تعتبر قليله والله يستر
واسف على الاطاله

[dr.dot]

اخويdr.dot

الله يعطيك العافيه اعجبني الحل الثاني لكن عندي بعض الاسئله اذا ماعليك كلافه:-

1- وش نوع الياي الزين بالظبط.......
2- وش الورشه الزينه اللي تظبطه....
3- هل الارتفاع اللي ذكرته متفق عليه.............
ولك خالص تحياتي..........


مشاركة اخوي التختور
(((وانا اخوك مدامك فتحت الموضوع اجل شف لي - بالله - بعد اليوكن ..... <==== ( عجاز.. ما يفتح مشاركة )

مع مديل 2006 ( دبل ) ويزعجني فيه انه طامن ... خصوصا الوجه ..........

هل فيه امكانيه لرفع الموتر ....... ( بحيث ) ما يأثر عن رساوت الخط .... واثناء الانعطاف


ومن قال يسلم))
وياليت تفيدون اخوي التختور راعي اليوكن بعد

هلا فيك اخوي بالنسبة وين تلقاه , فيه عند الرماية والغرابي احسن مكان في الرياض عند ورشة في الصناعية القديمة إذا تعرف ميزان المجد خله على يمينك راح يجيك ورشة وفا على اليمين بعد وورشة وفا اول لفه ادخل يسار بعدين اول لفه ادخل يمين ثالث ورشة على اليسار قريباً إذا ماعرفت الورشة إسال عن هندي اسمه ايوب

بالنسبة للإرتفاع ماهو متفق عليه لكن من واقع تجربه لان الارتفاع الزايد يخلي السيارة ماهي راسيه وممكن تقلب بسهولة لكن إذا كنت راح تركب خزان ماء ارفعه إلى 35 او 36 من الخلف , انت راح تحدد الانسب لك والمقصود بالإرتفاع هي من نهاية الجنط وحتى بداية الرفرف ... تحياتي

[dr.dot]

اليوكن ما اعرف كيف يرفع لكن اتوقع انه من الامام يزيد عدد الربلات

[محمد بن ناصر الثبيتي]

اخوي غالي

بيض الله وجهك وجزاك الله خير.........................

وانا غيرت رائي بعد ردك ابي اركب كعكات زيك.....

[محمد بن ناصر الثبيتي]

اخويdr.dot

الله يجزاك خير وشكراً على العوده مره ثانيه والتوضيح الوافي الغير مستغرب منك ومن اخواني اعضاء مكشات.......

تقبل تحيات اخوك ابوناصر

[ابوفزاع]

السلام عليكم
اخوي ابو ناصر خذ النصيحه من مجرب ولا تاخذها من ميكانيكي
صراحه حصلت لي نفس المشكله وللعلم موتري 2003 gx-r والحل انك تغير طيات g استاندر وتركب ربله ترفع الموتر 2 سم وراح تلاحظ الفرق وانتبه عند تركيب الربله لا يقصها لك وخله يركبها بدون قص بشكلها الدائري ولا تزيد ارتفاع الربله عن 3 سم لان في ذلك عرضه لانقلاب السياره الله يكفينا الشر وان شاء الله اني افدتك وتقبل تحياتي

[هاوي الله]

ابو ناصر ولايهونون الأعضاء

يايات الرمايه مقاس Ome 862 تفي بالغرض 1000000% والتكلفه 570 ريال .

وإن كانك في مدينة الخرج وتبي تشوف موتري GX 2006 ومركب عليه نفس اليايات اللي فوق فحياك الله راسلني على الخاص وابشر بسعدك وتراني بكره الظهر ماشي للشرقيه وبرجع بعد يومين إنشاءالله .

وبالنسبه لكلام الجرناس (الله يطول بعمره) اللي تحت فتراه غير صحيح ويكفيك تجربه 6 شهور وأغلبها في البر .

[blink]
وإذا كان كلامك صحيح ياعزيزي الجرناس فأثبت ذلك وعطنا البراهين ولاتزعل جعل من جابك في الجنه .
[/blink]

[الجرنـاس]

عندك حلين ارخص حل هو تركيب الكعكات وهو شبيه بالصحن يوضع فوق الياي وتقدر ترفع من 2 سم وحتى 15 سم وبالنسبة للإرتفاع المناسب فهو من الخالف 32 او 33 ومن الامام 29 او 30 و التكلفة كاملة هو 160 إلى 200 ريال , الحل الثاني تغيير الياي لان الياي مع الوقت ينزل التكلفة 600 إلى 800 ريال طبعاً ماراح تستفيد من ياي الوكالة في يايات يكون عدد اللفات زايدة وهو الافضل ليرفع خلفية الموتر قليلاً ولك الشكر

أخي ابو ناصر
الحل الأول صحيح
الحل الثاني احذر منه سوف يؤدي الى تشققات في الرفارف

[كبسولة2]

ركب كعكات ربل من محلات المرسيدس أفضل لك من الكعكات الحديد

وما تطلع صوت قرقعة مع المطبات

[أبو لينا]

يايات الرمايه مقاس Ome 862 تفي بالغرض 1000000% والتكلفه 570 ريال .
.
[/blink]

الكلام صحيح وتراي انا مركب نفس الشيء

[شيخ البليزر]

ركب كعكات ربل من محلات المرسيدس أفضل لك من الكعكات الحديد

وما تطلع صوت قرقعة مع المطبات

كم سعرها؟

بالتوفيق