محمية العرين .....بالصور كأنك تراها

[D7ooomi]

بسم الله الرحمن الرحيم

السلام عليكم ورحمة الله وبركاته

المهم أني يوم الاربعاء 5-11-2008 وفي الصباح انطلقنا إلى مملكة البحرين

كنا على الجسر والساعة العاشرة صباحا

وكان الجسر فاضي بما تعنيه الكلمة

ومن الفضاوة حتى الحفريات سووها

وهذي صورة المغادرة إلى مملكة البحرين ومتع عيونك بالجسر الفاضي

والله شي خيال شوفو الجمارك شلون فاضية من جد وناسة

ولما وصلنا مركز التأمين البحريني قاللولي ياحلو
عليك مخالفة روح سددها في مكتب المرور هناك وبعدين نأمن لك ونمررك
المهم بوداحم ضرب حساباته
أنا عمري ماتهورت ولاسويت مايكل شومخر بالسيارة الجديدة >>> يعني سمعوا عندي موتر جديد -- مطفوق له سنة عندي-
المهم قلت خير إن شاء الله نروح نشوف في مكتب المرور وش السالفة
رحت هناك بالصندقة
صباح الخير
صباح النور
أخوي يقولون أن على مخالفة وأنا مخالف
وهذي أوراق السيارة
تشك تتشك تشك تشك تشك <<< صوت كيبورد المرور
أخوي
هلا والله
عليك مخالفة سرعة
سرعة متى أنا عمري ماسرعة من زمان غابر وبعد تقولي سرعة وبالبحرين
مانت مصدقني هذي الصور وهذي سيارتك صح
قلتله صح بس على الجسر وأنا أخذ ألف وألف حساب على الجسر وخاصة من السرعة
المهم قلتله كم السرعة
قالي 118
كم 118 أنا فقعت ضحك وأقوله من جدك 118 وعلى الهاي واي وتقولي سرعة
قالي أيه عندنا سرعة والفترة الحالية حطينا لوحات زيادة وبكثرة على الجسر عشان تنتبهون وماتسرعون
وبعدين قالي ليش وأنت كم السرعة عندك
قلتله حبيبي أذا هاي واي 120
وأنا والله موتري متعود 120 وامسك خطك
المهم الرجال ماقصر
تشك وتشك تشكك تشك وطبع البرنت
ودفعنا المخالفة 100 ريال والرزق على الله

وكل السالفة هذي والخالفة وحوست الجسر ماخذت مني عشر دقايق مع الجمارك والجوازت والتأمين وكامل الإجراءات
آخر حلاوة <<< على قولة أخوانا المصريين

أول ماتدخل الجزء البحريني من الجسر

ترحب بك السفارة السعودية بمملكة البحرين

ولاتصدقون الأعلام هذي وتحطون رجولكم ترى مخالفات وحدك تتسحب 80 لما تطفش

وشوف اللوح كيف موزعة في كل مكان على الجسر -بعد خراب مالطة - وبعد ما اخذنا المخالفة

والله يعينك ثبت على 80 وهاك ياسوالف ونصيحة خذلك كرتون علوك عشان تتسلى تسوي نفيخات وانت تسولف

ولاتنسى تعبي التانكي فل بالسعودية أرخص وأفضل في نوعية البنزين

.
.
.
.
.

وبعد دخولنا إلى البحرين بدأت بتتبع اللوحات الإرشادية لحلبة سباق البحرين "" لأنها هي اللتي توصلك إلى محمية العرين وجنة دلمون المفقودة لقربهم من بعض "

وأول ماجات اللوحة ومع الكوبري يمين

وهذي خارطة الطريق أو آسف خريطة الموقع

"" الخريطة مسروقة من أخوي وحبيبي بحريني غير""

المهم لحد يقولي وين المحمية أنت ألحق لوح حلبة سباق البحرين تحت كل حصاة بتلقى وحدة وعلى كل عمود لمبة <<< شكل اللوح كلفتها أكثر من الحلبة من كثرة اللوح

[D7ooomi]

طبعا أحلى شي أن لوحة حلبة السباق ملونة بالبني يعني ماتضيع الحول يلحقها وهو مغمض بعد

ومحمية العرين جهة مدينة حمد والزلاق وجامعة البحرين

وهذي صورة لإحدى اللوح <<< صح عليك يامدرس اللغة العربية إحدى هههههههه

وماشاء الله على ديرتي الثانية كل خطوتين تشوف حضارة وبناء

وعمران وتقدم
الله يعمرك يالبحرين ويحفظ ملكم

المهم يالغالين ولما تمشون وتمشون وتمشون طبعا ماتعدون 80 وماعليكم من أحد والله العجاييز يطوفونكم ماعليكم منهم

المهم لما تشوفون حلبة السباق بتجيكم لوحات على الجانب الايمن من الطريق ولونه بني اتبعه ومنت ضايع

وهذي صورة لها وزي ماقلتلكم لأن جنة دلمون ومحمية العرين جنب بعض بتلقون اللوح جنب بعض

وبعد ماتعب بوداحم من ملاحق اللوحات شاف شي رائع جدا

شنو شاف
.
.
.
.
.
.

وتهلل وجهه عندما رأى هذا المبنى

وقال في نفسه
لقد وجدت مبتغاك يا أبا داحم

وإلا بوابة المحمية بوجهي (( على فكرة مدخل المحمية تحت الترميم ))

وهذ يافطة المحمية الجديدة بقراطيسة وغبرته بعدهم ماركبوها

سؤال يتبادر إلى كل ذهن من لم يعرف محمية

العرين

ماهي محمية العرين؟؟؟

هي منتزة محميةالعرين تحت إشراف الهيئة العامة لحماية الثروة البحرية والبيئة والحياة الفطرية بمملكة البحرين.
أهدافها؟
علمية وبحثية :- توفر البيئة الطبيعية المناسبة للقيام بلأبحاث العلمية في مجال تكاثر وتنمية الحيوانات والنباتات البرية العربية النادرة والمهددة بالأنقراض.
ثقافية وتعليمية:- تقديم البرامج التعليمية والتثقيفية المتنوعة لزوار المحمية.
سياحية:- اعتبار المحمية مرفقا للسياحة البيئية وتقديم خدمات التسلية والترفيه لزوار المحمية.
حماية:- حماية وتنمية الحيوانات والنباتات والمحافظة على التراث الفطري الطبيعي للمملكة.

موقعها:-

تقع منتزه ومحمية العرين في الجنوب الغربي من مملكة البحرين بالقرب من الزلاق وحلبة سباق البحرين وجنة دلمون المفقودة

وهذه خريطة أخرى لموقعها

.
.
.
.

وتنقسم زيارة المحمية إلى أربع أقسام :-

1- المبنى الرئيسي " وبه قاعة العرض ومركز الهدايا وكافتيريا والمبنى التعليمي".
2- الحديقة المقابلة للمبنى الرئيسي " وبها عدة أنواع من الحيوانات وبحيرة الفلامنجو والحديقة النباتات البرية وخيمة الصقر "
3- الحديقة اللتي على طريق حديقة الطيور "" وهي عبارة عن اقفاص طيور وحظائر كبيرة للحيوانات على امتداد مايقارب 10 كيلوا على يمين ويسار الطريق ويتم التجوال بها بالباص مع المرشد اللذي يعطي شرحا وافيا عن هذه الحيوانات "
4- حديقة الطيور "" حديقة ومتنزه للطيور يتوقف عندها الباص وتأخذ جولة بها على الاقدام واستراحة لمدة نصف ساعة ""

الاحتياطات للذهاب إلى المحمية

في فصل الصيف عليك بلبس الملابس الصيفية الخفيفة والفضفاضة وغطاء للرأس
وفي الشتاء الملابس الشتوية
ومن الافضل لبس حذاء مناسب ومريح للمشي
كافتيريا المحمية بها كل ماتحتاج من سناك واسعارها مقاربه جدا لمايوجد في الاماكن العامة والعادية
تتوفر بالمحمية دورات مياه لكلا الجنسين نظيفة ومناسبة
الباصات مكيفة ومريحة جدا وكراسيها نظيفة ومغلفة بالنايلون ليسهل مسحها وتتنظيفها بين الجولات ولكي لاتتسخ وتتبقع
يمنع اطعام الحيوانات او قطع الاشجار والنباتات
يرجى لكل من يزور هذه المحمية بأن يكون قدوة حسنة لأطفاله وأن يحافظ على البيئة ويضع المخلفات في الاماكن المخصصة لها واللتي تنتشر على جميع ارجاء المحمية

أسعار ومواقيت تحرك الحافلات ومواقيت عمل المحمية بالصورة التالية

.
.

.

.
.
.

وقف أبوداحم في المواقف حقت المحمية في القسم المخصص للزوار

.
.

.

.

المهم مع السوالف نسيت اصور لكم المدخل حق المبنى الرئيسي

.
.

[D7ooomi]

دخلت المبنى

سلمت على الموجودين هناك
وقلتلهم لوسمحتوا أبي أخذ تذكرتين للباص حق المحمية
أبوداحم:- بكم يالغالي >>> عبيط ما كأنه قرأ في المنتدى بدينار
الاخ اللطيف :- بدينار الشخص أخوي
أبوداحم:- تفضل أخوي
الاخ اللطيف:- يعطيك العافية وهذي تذاكرك وباصكم الساعة 12 إن شاء الله أنتبه لاتتأخر
أبوداحم :- أوك تسلم أخوي
هو لأني وصلت 11 وخمس دقايق فاتنا باص الساعة 11

وهذي صورة التكت لعيونكم

.
.
.

المهم بوداحم مايخلي لقافته

أبوداحم:- أخوي ممكن ازعجك شوي
الأخ اللطيف:- أفا عليك عادي
أبوداحم:- عطني نبذة عن المحمية وشي أفضل طريقة استمتع فيها
الاخ اللطيف:- الحين أنا أقولك خذ البرشور هذا وشوف فيه الحديقة اللي هنيه خذلك لفة فيها وانبسط على مايجي الباص وبعدين روح تمشى بالباص وعلى الطريق بيشرحلكم المرشد السياحي عن الحيوانات اللي تقابلونها بالطريق الباص يوقف عند كل نوع من الحيوانات ويتكلم عنها المرشد وكذا لما توصلون حديقة الطيور وهناك بتنزلون بالحديقة تتمشون على رجولكم بين الطيور وتجلسون تستمتعون بالاستراحات اللي هناك ولماتخلص النص ساعة بترجعون بالباص ونفس الطريقة المرشد يتكلم عن الحيوانات اللي بتشوفونها على الطريق
أبوداحم:- طيب أخوي فيه خدمات هنا
الاخ اللطيف :- أكيد في الكافتيريا ومحل الهدايا ودورات المياه ومواقعها بالبرشور
أبوداحم:- يعطيك العافية "" ويحس أنه مابرد حرته من اللقافة اللي تحك الراس ""
أبوداحم :- طيب أخوي معليج عندكم خريطة للبحرين وايش الاماكن اللي الواحد ممكن يزورها غير الاماكن الاعتيادية
الاخ اللطيف :- في اماكن وايد عندك ضاحية السيف وعذاري وبيت القران و المتحف
أبوداحم:- يعطيك العافية وفي باله يقول"" كأني قلتله شي غير اعتيادي هذي كلها معروفة وملينا منها كل مانروح البحرين واحنا هناك لما حسينا البحرين بس هذي الاماكن ""
وفي هذا الوقت الاخ اللطيف ماقصر قعد يدو ويحوس لما لقى خريطة وقالي هذي خريطة قديمة شوي لأن الحين تحويلات وشوارع جديدة فكيت الخريطة تبون الصراحة اخذتها مجاملة للاخ اللطيف اللي ماقصر معاي مافيها إلا كم شارع رئيسي.
المهم المدام انبسطت ورحنا على صالة العرض وذاك اليوم من حظنا مافي عرض
رحت الكافتيريا أخذنا سناك وعصيرات
وطلعنا على الحديقة اللي بالقرب من المبنى الرئيسي
وهذي خريطتها من بروشور المحمية

.
.

وهذه صورة تشرح المواقع الموضحة بالارقام لخريطة حديقة المبنى الرئيسي

*** السيدة العجوز ذات 104 أعوام ***

بعد ما أزعجت الاخ اللطيف وصجيت راسه لما قال لي

يالأخو عندك بنادول
المهم أخذنا البرشور ورحنا على غرفة العرض اللتي لم يعرض فيها الفلم ولم ننبه لذلك مدري ذاك اليوم مافي فلم خلص هههههههه
أو لأني أذيتهم قالوا خلوه يتصرف ويفكنا

المهم ما أطول السالفة عليكم اتجهنا للخروج للحديقة الرئيسية وأول ماطلعنا من الباب حق المبنى الرئيسي وعلى بعد خطوات من الباب أضنها 11 خطوة وثلث <<< شلااااااااااااااااخ
كان تجي في وجهنا طايرة لوحة أرشادية
وفيها

أبوداحم:- فك البروشور وشاف البعارين على اليسار وعلى اليمين التيوس وأنتو الكرامة والغنم والحمير
هالاشياء في كل مكان نشوفها وكل يومين وأحنا شايفينها على الصحن بالغداء ولا العشاء ولا كبدة على الفطور فرصة نختصر الوقت ونروح للأشياء اللي مانشوفها إلا على التلفزيون وماندر

تحركنا بعد اللوحة الارشادية وشفنا الميدان الرئيسي شي من جد يرد الروح

وهذ صورة الميدان الرئيسي لعيونكم

وتتميز الحديقة <<< بأنواع مختلفة من النباتات والنخيل وهذه صورة لجانب من الحديقة وبه نوع مميز من النخيل وبالقرب من كل نخلة لوحة صغيرة بها معلومات عن النخلة وصورة لثمرتها

بعد ذلك توجهنا إلى الجهة اليسرى من الحديقة لمشاهدت أقفاص الطيور ولم نستطع أن نشاهد إلى إحداها والسبب أن البقية تجري عليها اعمال الصيانة
وهذ القفص اللي شفناه

وعشانكم شوفو شلون خضار وشي يوسع الصدر
بعد الصفار والغبار اللي عايشين فيه
مو تقصون على عيالكم وتودونهم حدايق حيوان ريحته فايحة وكلها اسمنت
وشوفو كيف اللوح الارشادية منتشرة وعليها معلومات وافية

[D7ooomi]

وشوي ويطلع لنا زوجها ويقولي شفيك تطالع زوجتي وتقزها قز

حيوان المها (( Oryx)) أوالوضيحي يتواجد بشبه الجزيرة العربية ومهدد بالانقراض
قلت أقولك من زين زوجتك عاد روح هناك أنت ومهوي حقتك هاذي وخلها تفرك سيقانها السود عدل ومن زين الركب عاد
كان يحمق علي
يالله نحط رجولنا قبل لينطحنا هالخبل
وشردنا من عندهم

كان يجمع ربعه اللي جنبه ويقولهم حقطوهم هذا جالس يسب أم عيال مهوي
وشوي إلا ذاك أبورقبه شطولها يقول
هي يالأخو وين رايح
بلاك تسب الربع وتمشي تحسبه محمية من غير بواب

أبوداحم :- ياخوي لك العذر والسموحة ماسبيته بس قلتله سيقانكم تشلح ملح
لكن أنت ماشاء الله عليك كل الزين عندك
سيقانك تجنن وردية
تصلح دعاية مكاين إمجوي للصبايا
كان ينفخ ريشه وينبسط ويرفع راسه فوق
ويقول كذا الناس الفاهمة

النعام الإفريقي

وبعد مادلعنا النعام وقطينا عليه كم مدحة قام يتدلع
خليناه ورحنا وسط الحديقة
ولا نشوف شلة دعالج وليس "" علوج <<< حقين الصحاف ""
دعالج جمع دعلج
وهم مدعسين داخل بيتهم من البرد

الدعلج الهندي
وأحنا جالسين جنب الدعاليج >>> ياهي صعبه هالكلمة نبيهم يطلعون يتحركون نبي نصورهم محد راضي يطلع هالكسالى
المهم وإذا بنا >>> صح يامسلسل عنترة بن شداد
صوت عجوز ورانا تتسحب في مشيتها وتشحب معاها خطاه الثقيلة والتفتنا عليها وهي تمشي من الجليب " البئر" اللي في بيتها إلى غرفتها
أبوداحم:- السلام عليكم
العجيز:- وعليكم الثلام >>> مسكينة ماعندها ظروس وماركبت طقم حنيت عليها
أبوداحم :- أخبارك عساك بخير
العجيز:- بخير الحمد الله نحمده ونشكره
أبوداحم:- كم عمرك
العجيز:- هااه كم عندي
أبوداحم:- بصوت عالي كم عمرك
العجيز:- كم عمري معليش ياوليدي الثموحة العتب على الثمع
عمري 104 ثنين
أبوداحم :- العمر كله في طاعته
العجيز:- الله يثلمك
أبوداحم:-من وين أنتي وشنو اللي جابك هنا
العجيز:- أنا ياوليدي من جزر حوار ووزني حوالي 95 كيلوا
أبوداحم :- ماشاء الله تبارك الله الله يحفظك ويخليك
عجل نخليك تودين الغداء لبو عيالك
مع السلامة

وهذ صورتها

ومن اللقافة لحقتها لما بيتها وكان أطل عليهم هي وزوجها
كان أشوف هالمنظر

وبعد ماخلصنا من العجيز رجعنا لوسط الميدن الرئيسي وعند الانهار الصناعية وجلسنا نمتع أنظارنا بالخظرة والمياه والطيور المتواجدة هناك وهذه الصور تتحدث عن نفسها

وهذه صورة أخرى لطائر اللقلق على ما أظن محفوف بالحشم والخدم كالملك الأشم

بعد أن قضينا تلك الأوقات الممتعة بين الخظرة ووالجو العليل إلتفت أبوداحم إلى ساعته ووجدها قد قاربت موعد تحرك الحافلة ولم يبقى إلا أقل من ربع ساعة على تحركها

رحنا لبيت الشعر وإذا بنا بهندي هناك ومعاه كاميرا فورية وحاطله شرياس >>> يعني أنه صقر "" غش عيني عينك""
المهم وحاط لوحة فيها تسعيرة
تصور بكاميرتك الصقر او بيت الشعر 500 فلس
يصورك العامل على ما أظن بدينار صورة فورية

وأحنا في الطريق
قرا أبوداحم غرفة عليها يافطة مكتوب عليها الغرفة التعليمية
أبوداحم مايخلي لقافته
دخل أبوداحم وأخذ نظرة سريعة
وشوفو أيش شفنا
.
.
.
وسط الغرفة

.

[D7ooomi]

أعجبني إستفادتهم من كل شي

تم تحنيط حيوانات المحمية النافقة ووضعت في الغرفة التعليمية
.
.
.
يمين الغرفة

.
.
.
الزاوية اليمنى

.
.
.
.
الجهة اليسرى من الغرفة

.

.
.
.
.

*** ثاني أسرع كائن يمشي على الأرض ***

وخرجنا من الغرفة التعليمية ومتوجهين إلى النهر الصناعي ولله الحمد كما توقعنا عاد الامن والاستقرار الى الحديقة

.

.
.

شوفو الكبل اللي يتمشون شحلاتهم

.
.
.

وهنا كبل مشغولين يرتبون البيت ويأثثونه من جديد وحركات

.

.
.
.
.
وهنا الفلامنجو يوم شافوني شردوا ههههههه
.
.

فلسفة بوداحم على الطاير:-

طائر الفلامنجو يختلف تدرج اللون الوردي فيه من ابيض إلى وردي إلى الاحمر البرتقالي القريب من الناري وذلك بسبب إختلاف كمية الفسفور اللتي يتغذى عليها من القشريات (( الروبيان مثلا ))
فكل ماكثرت كمية القشريات اللتي يتغذى عليها ازداد لونه حدتا وجمالا (( الثلاث الصور القادمة من مصادر "" مبيوقة يعني "" ))

.
.

.
.

.
.
.
وبعد ماتفلسفنا عليكم أكملنا رحلتنا في النهر البديع
.
.

.
.
.
إحدى ضفاف النهر الجاري "" الصناعي "" شوفو كيف روعة اللون الاخضر والاعشاش الصناعية على جذوع الاشجار منظر بديع
.
.

.

[D7ooomi]

.

.
وهذي صورة لإحدى روافد النهر
.
.

.
.
.
شفت كابل يجننوووووووون شوفوهم
.
.

.
.
وهذا الذكر شوفو شلون سبحان الله جماله خلاب ركزوا على الريش اللي حول عيونه زي التاج الذهبي سبحان الخالق الكريمم سبحان المصور العظيم
.
.

.
.
.
وأنا أصور وأشوف الساعة 12 وحط رجلك على الباص ركض ورحنا وركبنا باص رقم 5
واعطانا المرشد نبذة عن ماسنراه في الرحلة وطولها
واللي يبي معلومات علمية وتفاصيل زيادة يروح المحمية
ونحن على الطريق شفنا أنواع كثير من الغزلان غزال شرق الجزيرة العربية وغزال شمال الجزيرة وغزال جنوب الجزيرة "" غزال جزر فرسان بمدينة جازان بالمملكة العربية السعودية "" والغزال الهندي والغزال الافريقي والامريكي والاسترالي والله من كثرهم حست بالتصوير لكن بوريكم صور لبعضهم ولحد يسألن هذا من وين تبي تعرف من وين روح المحمية بس ابي اوريكم ان الغزلان تختلف وشفنا زرافات وأنواع من المها العربي "" الوضيحي"" وطبعا قلة الصور لأن الباص وهو ماشي يوقف ثواني جنب كل مجموعة ويشرح المرشد وبعدين يكمل الباص رحلته على عجالة يعني ماننزل من الباص ونصور براحتنا وهذي صور الغزلان والزرافات
.
.
هذي صورة للزرافات وشوفو رقم الباص 5
.
.

.
.

.
.

وهذا نوع من الغزلان

.
.
وهذا نوع من المها " الوضيحي"

.
.
.
وهذا نوع آخر من المها

.
.
.
ونوع آخر من المها

,
.
.
وهذا نوع من الوعل الجبلي

.
.

[D7ooomi]

أسرع حيوان على وجه الأرض بعد حيوان الفهد

هو
VVV
VV
V
الكلب السلق " السلوقي -السلقلق >>> بتاع طاش ماطاش "

*** المراسم الملكية في حديقة الطيور المائية ***

بعد جولتنا السريعة بالباص وصلنا إلى هدف هذه الرحلة وأجمل لحظاتها وأروع مافي محمية العرين

هوائها مفعم برائحة الحياة...
مبخر بعطر التربة المبتلة الزكية...
معطر برائحة الازهار والاشجار الندية...
أرضها خضراء للعين جلية...
شمسها أشعتها تداعب البشرة بروية...
خرير مياهها يعزف سيمفونية ...
رياحها تدق على أوتار الاشجارالبرية...
طيورها بالالوان بهية...
.
.
.
.
.
.

إنها حديقة الطيور المائية
بعد أن وصلنا إلى حديقة الطيور المائية
بدأت المراسم الملكية
.
.

.
.
وبعد أن اقتربنا أكثر
صورة لظباط المراسم الملكية
وهم يقودون المسيرة
.
.
دققوا في الصورة تجدون الضابطين في المقدمة

.
.
وبعد انتهاء المراسم أعطانا مرشدنا في هذه الرحلة نبذة عن حديقة الطيور المائية واتيحت لنا نصف ساعة من الوقت للتجول في ارجاء هذه الحديقة "" يوجد بها طاولات وكراسي للراحة ولوجبة خفيفة "

وأول مانزلت من الباص قابلني واحد ملقوف ومليييييييييييغ لآخر درجة قلة أصوره لكم
.

.
مو راضي يتحرك
جيت في وجهه بيني وبينه 20 سم
أبي أصور خشته
.

.
وبعدين قلت للمدام بسوي صورة احترافية صبري علي
وكنت أبي أوسط منقاره بالصورة واخلي عين يمين وعين يسار يعني وجه لوجه
جابلي الطفش أروح أوزن الكاميرا على وجهه سيدا يجي يمين أروحله يمين يجي يسار

وطلعت بهالصورة من العلة
.
.

.
.
بعد كذا طردته هههههههههه من القهر
وكملنا جولتنا بالحديقة بصراحة سلبت قلبي هذه الحديقة شعرت أني مو بالخليج صراحة وخاصة أن الجو كان عليل
وهذي صورة لربع العلة
.

.
.
.
وهذه صور للبحيرة الرئيسية في حديقة الطيور
.

.
.

.
.

[D7ooomi]

.

.

.
.
صورة عامة للبحيرة الرئيسية

.
.
والآن لحظة صمت لتستمتعوا بجمال الطبيعة واترككم مع الصور التي تتحدث عن نفسها
.
.

.
.

.
.

.
.

.
.

.
.

.
.

.
.

[D7ooomi]

.

.

.
.,

.
.

.
.

.
.

.
.

.
.

.
.

.
.

.
.

[D7ooomi]

.

.

.
.
والآن

.
.

..
.

.
.

.
.,

.
.

ز
.

.
.

.
.,

.

[D7ooomi]

.

..
.

.
.
\
أيس فيه ؟؟؟ !!!
.
.

.
.

.

[



بعد جولتنا اللتي استمرت 35 دقيقة في حديقة الطيور المائية والتي سلبت الالباب

نادي المنادي الرحيل الرحيل
وعدنا مثقلين الخطى إلى الحافلة
وفي طريق العودة
توقفنا عند أنواع متعددة من الغزلان واترككم مع الصور

.
.

.
.
.

.
.
.

.
.
.

.
.
.

.
.
.

.
.
.
وهذا مرشد الرحلة السياحي الشاب البحريني فضل العبدالله
.

.
.
..
وبعد انتهاء جولتنا في المحمية توجهنا إلى سيارتنا العزيزة تحت الصمت اللذي خيم علينا فجأة
وهذه صورة لدى مغادرتنا محمية العرين
.
.
.

التكلفة العامة للرحلة
رسوم الجسر 20 ريال ذهابا و20 إيابا=40 ريال
رسوم التأمين على السيارة = 25 ريال
تذكرة باص المحمية 10 ريال للشخص = 20 ريال
أخوكم/عبدالرحمن
.
.

*** سبحانك اللهم وبحمدك أشهد أن لاإله إلا أنت أستغفرك وأتوب إليك ***

[ذياب بن غانم]

سبحان الله العظيـــــــــــــــــم شي عجيب والله


تسلم يا دحووومي على هذهـ التغطيه الرائعه وألف شكر لك أخي العزيز أطلعتنا على شي أول مرهـ ندري عنه



تحياتي لك

[D7ooomi]

سبحان الله العظيـــــــــــــــــم شي عجيب والله


تسلم يا دحووومي على هذهـ التغطيه الرائعه وألف شكر لك أخي العزيز أطلعتنا على شي أول مرهـ ندري عنه



تحياتي لك

الله يسلمك أخوي ذياب
ولا شكر على واجب ولاتفوتك ترا البحرين قريب ماهو بعيد
ومناسبة تماما للعائلة
واسعارها مناسبة جدا جدا

[ابراهيم2008]

مشكور الله يعطيك الف عااااااااااافية

[][ســهم][]

ماشاء الله تبارك الله تقرير روعة
مشكور على الصور يالغالى