المشاركة الأصلية كتبت بواسطة حامي الوطيس
دبي مدينة جميلة ..
لكن وبكل صراحة مدينة رقم واحد في الدعارة !
ماتركيب تاكسي في دبي أو الشارقة إلا وجاب سيرة - الشراميط - وإنه يقدر يدبر لك وحده تجي للفندق وبسعر رمزي !
صراحة شي مقرف والأمر إنه في بلد خليجي ، والأدهى إن الحكومة عارفة وساكتة !
الشي الوحيد اللي جذبني في الإمارات بشكل عام احترامهم للنظام بالذات النظام المروري ..
ياعالم أنا والله ماعرفت معنى خط المشاة إلا في الإمارات ، عندنا في السعودية والله ياعند الإشارة كل الصف الأول تحصله على خط المشاة !!
في الإمارات الوضع غير نظام يحبه قلبك ...
وبرضو نظام إشارات المرور مرة روعة ، مو زي حالتنا من الأخضر إلى الأحمر والبرتقالي ماياخذ ثانية ..
عندهم الإشارة خضراء بعدين يبدأ الأخضر يأشر مرة يطفي مرة يولع بعدين برتقالي ثم الأحمر ..
نظام التاكسي ممنوع التدخين بداخله ، وأيضًا في أماكن ممنوع يوقف فيها التاكسي ، مو مثل حالتنا يصفط في اي مكان يشوف فيه الزبون !
أنا في الإمارات عرفت وش معنى ( الأفضلية لمن بداخل الدوار )
والله ياجماعة اللي داخل الدوار له احترام وتوقف له كل السيارات ..
عندنا في الدوار قاعدة - من سبق لبق - !
ممكن النظام اللي ذكرته بعضكم يشوفه مايفرق بس والله يومك تجرب النظام ماودك تسيبه ،.وتنقهر يوم ترجع للسعودية