رابطه ملاك إيسوزو ديماكس(d-max)

[العطة]

العطة
مافي الوكاله فحص السيارة بدون تغيير اي شي
هذا من السبع المستحيلات

هلا اخوي

اجل شكلي قوي

سيارتي موديل 2007 وكنت اعمل نفس الطريقة الي ذكرت لك حتى كملت السيارة 60 الف .

فحص بدون تغير اي شي , حتى الزيت كنت اغيره برا وادخل السيارة الصيانة.


ابوعبدالاله

[عبدالرحمن1980]

كل عام وانتم بخير يا اصحاب الرابطه

[الزافر]

فنجال ورجال هذا الى بيسير لأن ماعمري غيرت زيوت ب 625 الى عند ايسيزو

ابو عبدالاله ماشاالله عليك انا حاولت اسوي مثلك ماقبلو فعلاً شكلك قوي
بس لمن اغير الزيوت والفلاتر برا وبعدين اروح لهم افحص ب 150 تهقا اني كسبان والى نفس الشي في السعر

[فنجال ورجال]

السلام عليكم ورحمة الله وبركاته
يا جماعة وش سالفة إمبير الحرارة إذا كان ينزل ويطلع يعني من النص وتحت والسيارة تمشي وهي حامية

[س هـ ى دماكس]

( انتبهوا من برودة الماكينة )

هذا ما حصل معي في سيارتي 2005 ،
بعد تغير الأجواء إلى البرودة هذه الأيام لاحظت السيارة زيتها ينقص نقص مو طبيعي و بعد تشغيل السيارة يخرج منها دخان أبيض كثيف ثم ينقطع بعد التشغيل مباشرة ، أشاهد دائما مؤشر الحرارة على الربع عكس المعتاد لا تصل للنصف إلا في الخطوط فقط أما في الديرة فدائما على الربع ، أهملت الأمر ، كنت كل ما نويت طلعة أو سفره أعاير الزيت أزوده تقريبا إلى نصف العلبة ( نصف لتر ) .
قبل أيام مريت دوار الخرج قلت آخذ فلاتر للسيارة مع بعض القطع مثل التورمو ستات ( بلف حرارة ) تماتيك مروحة ... لأني كنت أظن أنهما خربانات
غيرت الزيت قلت للبنشري غير فلتر الديزل و الزيت و الهواء وعطيته الكراتين قال زيت هواء مافي مشكل ديزل ما في معلوم ... قلت زين اللي تعرف وخل اللي ما تعرف ..
طلعت من عنده بعد تغيير الزيت و الفلترين ... قلت أمر ورشة مكائن ديزل يغير لي الفلاتر

مرت ورشة أعرف العامل الهندي اللي فيها . يشتغل مكاين مزارع و حرثات و مكاين كهرب كبيرة ...له أكثر من 18 سنة ... قلت غير الفلاتر قال أبشر .. صوت للفلبيني قال غير فلاتر أبو عبد العزيز ...
و هنا مربط الفرس ....
قلت في نفسي خل أقوله مشكلة نقص الزيت الملحوظ ...
قلت يا مدير سيارتي تنقص زيت نقص مو طبيعي وش المشكلة ... قال هذا شنبر لازم بدل ...
ثم قالي كم مديل قلت 2005 قال سيارة جديد هذا ما في شنبر ...
قالي كيف حرارة سيارة قلت ليش قال ما في حرارة مافي زيت على طول ....
قلت بس هذي مشكلتي ...
قلت ألحين جو برد سيارة حرارة ربع ما في سيم سيم أول نصف
آهااااا ،،، قال هذا مشكل كل ماكينة ديزل تيربو أو بدون تيربو ما في حرارة زيت طلع برا
قال لي سيارة سوي دخان أبيض قلت إيه .... قال أنت خربان بلف خربان كلتش مروحه قلت موجودة ...
قال للفلبيني غير بلف غير تماتيك مروحة ...
غيرها الرجال مع الفلاتر .. ( فلتر المكينه و فلتر المويه اللي تحت مرتبة السواق )
طلعت من عنده بعد ما حاسبته ب 50 ريال فقط وهو يستاهل 500على اكتشاف العيب .
الحرارة على النصف تماما المروحة راح صوت الضجيج المزعج لأن السابقة مجيمه أو عاضة فكانت تصدر صوت مزعج جدا ...
المراد .... و اللي صار بعدها .... راح الدخان الأبيض إختفى تماما .... رجع الموتر طبيعي في قضية الصرف ... ما عاد ينقص زيت أبدا ... بل أن السيارة رجعت لنشاطها المروف فزة التيربو إذا فتح ..
القصة هذه لأخذ الحيطة و الحذر من برودة محرك السيارة ..
هنا أشكر هذه العقلية الفذة و الاحتراف في العمل من قبل هذا العامل الهندي ... لله دره من فني ...

انتبه إنتبه

[الزافر]

السلام عليكم
يالربع من الى مشاه تانكي الديماكس 1000 كلم
انا ماتعدا معي 700كلم
مره حاولة اوصل 1000 كلم ونا مسافر ماتعدت السرعه 120 والمكيف طافي (برضه 700كلم)
وبصراحه هي حلوه اعبي ب 16 ريال ويمشي 700 بس الوكاله يقولو يمشي 1000 كيلومتر وأبن ادم طماع

[ابو سليمان 11]

السلام عليكم
يالربع من الى مشاه تانكي الديماكس 1000 كلم
انا ماتعدا معي 700كلم
مره حاولة اوصل 1000 كلم ونا مسافر ماتعدت السرعه 120 والمكيف طافي (برضه 700كلم)
وبصراحه هي حلوه اعبي ب 16 ريال ويمشي 700 بس الوكاله يقولو يمشي 1000 كيلومتر وأبن ادم طماع

انا مشاني 950 وباقي في التانكي شوي بس قلت مهوب لزم يطف
ومع العلم كان في فصل الصيف والمكيف ماينزل على 3 في بداية الانطلاق و2 اذا تروزن
والسرعه ماتنزل عن 100
وشف تجارب الشباب

[فنجال ورجال]

السلام عليكم

يالربع من الى مشاه تانكي الديماكس 1000 كلم
انا ماتعدا معي 700كلم
مره حاولة اوصل 1000 كلم ونا مسافر ماتعدت السرعه 120 والمكيف طافي (برضه 700كلم)

وبصراحه هي حلوه اعبي ب 16 ريال ويمشي 700 بس الوكاله يقولو يمشي 1000 كيلومتر وأبن ادم طماع

حياك أخوي
مشت السيارة معي فترة التمرين 830 تقريباً وبعد التمرين من 750إلى 800
الموديل 2006

[الزافر]

ابوسليمان
ماشالله تبارك الله شي طيب 950 يعني عندي مشكله في الموتر
او يابو سليمان الطريق الى مشيته مستوي يعني مافيه طلوع ونزول يمكن الطريق السبب

فنجال ورجال
والله 750 زينه بس هم يقولو 1000 نبي نشوف كيف امشي الموتر 1000 حتى الحين مامشي اكثر من 700 ويبقى الربع وانا حاط براسي ان ربع التانكي يمشي 100
ونشوف الشباب وتجاربهم

[عبدالرحمن1980]

اخوي الزافر حنا عندنا كامري عند الربع الاخير تمشي واجد ما اذكر كم تمشي بس اكثر بكثير من الربوع الثانيه

[فنجال ورجال]

أخوي الزافر
أتوقع 1000 تكون في سفر يعني طريق واحد وممشى معتدل ما يتعدى 110_120 وطريق زين زي مكة يمكن يجيب الألف
لكن بوسط الديرة ما أظن سرعات متفاوتة وتشغيل وتحمية وادعس لا تدعس

[معشوقي الصمان]

السلام عليم ورحمة الله وبركاتة:-
الأخوة الاعزاء/انطباعي او تجربتي مع هذه السيارة الجميلة بكل ما تعنية الكلمة ممتازة ولله الحمد سيارة عملية قوية مريحة عكس السيارات الاخرى ويكفي انها من
شركة ايسوزو الجبارة التي تفتخر بصناعاتة الغنية عن التعريف.

[معشوقي الصمان]

ما شاء الله أن أشهد أنه موتر وعلى قولتهم أسأل مجرب

[ابو سليمان 11]

ابوسليمان
ماشالله تبارك الله شي طيب 950 يعني عندي مشكله في الموتر
او يابو سليمان الطريق الى مشيته مستوي يعني مافيه طلوع ونزول يمكن الطريق السبب

فنجال ورجال
والله 750 زينه بس هم يقولو 1000 نبي نشوف كيف امشي الموتر 1000 حتى الحين مامشي اكثر من 700 ويبقى الربع وانا حاط براسي ان ربع التانكي يمشي 100
ونشوف الشباب وتجاربهم

ايه نعم الطريق متسااااااوي مافيه تعرجات ولا شىء طريق وترى ماكنت استخدم الموتر في الديره يعني من اطل من البيت الصبح على سرعة 100 120 الى ماوصل الدوام 80 كيلو وارجع من الدوم 80 كيلو واكرج الموتر بعده

[المتابع بصمت]

هل يوجد دي ماكس ديزل 6 سلندر
وشكرا