رابطه ملاك إيسوزو ديماكس(d-max)

[العطة]

اهلا اخوي هبوب الصبا،،،

انا جتني المشكله والموتر كان ماشي تقريبا 90000 وكان وقت امطار وكنت ادخل به في وسط الماء واسرع وانت عارف الدبل كهرب، على طول تعطل الكمبيوتر.

بالنسبه للورشه في الصناعيه القديمه اسمها المساعي خلف شلنجر جيت عنده وقال مانعرف له قلت الموتر عندك ووده اي ورشه حولك شغلهم زين، طبعا الرجال اعامله من زمان عشان كذا قلت له تصرف في الموتر .
الشاهد انه صلحه جزاه الله خير والحين ممتاز.

م

هلا اخوي جزلا
الكمبيوتر الدبل داخل السيارة تحت مرتبة الراكب الامامي
تقصد ان الماء دخل عليك وسط السيارة

ابوعبدالاله

[جزلا]

هلا اخوي ابوعبدالاله،،
المعذره على التأخر،،

بالنسبه للمويه مادخلت على في وسط الموتر ،

أما من ناحية مكان الكمبيوتروالله مادري وين مكانه بالضبط ،

لكن اللي فهمته أنه تحت في نفس مكان الدبل .

والمعذره على القصور.

[هبوب الصبا]

أخوي العطة وجزلا

وشفيكم نسيتوني .. تسولفون ولا أحد رد علي ..
عندكم حل ولا معلومه اطرحوها فيما يخصني ... وشكرا

[العطة]

أخوي العطة وجزلا

وشفيكم نسيتوني .. تسولفون ولا أحد رد علي ..
عندكم حل ولا معلومه اطرحوها فيما يخصني ... وشكرا

ابشر اخوي هبوب الصبا
ممكن توضح سؤالك اكثر

ابوعبدالاله

[هبوب الصبا]

يا إخوان ماهي الطريقة الصحيحه لتشغيل الدبل واستعماله ؟؟

وافضل الورش في الرياض للإيسوزو

وإذا صار الدبل مايعشق وش حيلته ؟؟

[العطة]

هلا اخوي هبوب الصبا
مكتوب في دليل السيارة ممكن تشبك الدبل على سرعة 100كيلو بشرط تكون الكفرات الامامية مستقيمة

من خبرتي الشخصية اذا حبيت اشبك الدبل اوقف السيارة وادعس على الكلتش حتى يشبك
واذا كنت مضظر شبكتة وانا امشي فضيت القير ودعست الكلتش حتى يشبك تقريبا 10-20 ثانية

اذا حبيت افصل الدبل لازم اوقف السيارة

ممكن تعيد برمجة كمبيوتر الدبل من خلال الطريقة التالية
تفتح السوتش وتضغط ازراز الدبل الثلاثة لمدة 10 ثواني تقريبا

افضل ورشة وكالة العيسي فحص كامل السيارة 160 ريال
اغلب الصيانة مثل اي سيارة ماعدا داخل المكينة فقط
ممكن الاخوان يفيدونك في ورش مكاين الديزل

ابوعبدالاله

[هبوب الصبا]

ألف شكر لك اخوي العطة بيض الله وجهك في الدنيا والآخره

[العطة]

ألف شكر لك اخوي العطة بيض الله وجهك في الدنيا والآخره

العفو اخوي هبوب الصبا وامين ووجهك
اي استفسار انا حاضر

ابوعبدالالة

[العطة]

يا أخوان بارك الله فيكم
عندي ديماكس 2008 دبل
فيها مشكله بسيطه إذا شغلت المكيف أسمع أثناء المشي صوت حزه خفيفه كل ما إشتغل الفريون وطفى
زي صوت الرمان حق مكرات السيور
أحق عنده خبره عن هذا الصوت وهل هو طبيعي
وكل الشكر لأعضاء هذه الرابطه المميزه

اهلا اخوي طلال الثاني

كان عندي نفس المشكلة ودخلت السيارة ثلات مرات الوكالة وراح الصوت وزاد تبريد المكيف (ثلاجة)
سالتهم وش كانت المشكلة قالوا وزن السير فقط (تصدق)
المهم بعد ثلاثة اشهر النقطع سير المكيف وانا مسافر للمدينة
ركبت سير بدالة لكن التكيف قل صار عادي

نصحتي بكرة المكيف انفخها هواء وغسلها بماء وصابون وشد المكيف

ابوعبدالاله

[أمير الخيال]

مآعندي مثل ذي السيآرة لو عندي دخلت

تحيآتي

[العطة]

مآعندي مثل ذي السيآرة لو عندي دخلت

تحيآتي

حياك الله اخوي أمير الخيال ولو ماعندك دي ماكس
تفضل اي سؤال
اوممكن تستفيد من خبرتك وافكارك

ابوعبدالاله

[لن أمل من العطاء]

يا شباب

كنت في يوم من الايام

اتنزه في محلات قطع اغيار والورش كعادتي اثناء وقت الفراغ

وقلت امر قطع غيار الدي ماكس

وسالته عن بعض القطع

وتناقشنا في موضوع الطرمبه

2500 سي سي قيمتها 4000 ريال تقريبا
3000 سي سي حوالي 18000 ثمانية عشر الف ريال

وقال لي ان سبب خراب الطرمبه هو عدم تغيير فلترين صغيرين جدا مثل راس المرسم (قلم الرصاص) مصنوعه من الحديد على شكل شبك وتوجد داخل الطرمبه وهي اثنتين قيمتها في حدود 60 ريال

اش رايكم
وهل احد مرت عليه هالفلاتر

[NOYEB]

مرحبا اخواني الديماكسيين

الحقيقه افكر بأقتناء وانيت ايسزوزو ديماكس فل كامل جديد ...ولكن من خلال تصفحي لرابطتكم الموقرة شاهدة اكثر مالكي الديماكس يشكون من ارتفاع اسعار قطع الغيار وخصوصا طرمبة الديزل التي ربما يصل سعرها الى سبعة عشر الف ريال وهذا بصراحه سعر خيالي مبالغ به جدا ...اعلم ان الأيسزوزو الديماكس افضل الوانيتات من حيث نظام الوقود (الديزل) وتفوقها على بقية السيارات التي تعمل بالديزل.... والحقيقة لدي اسئلة اود الأجابة عليها بكل وضوح بارك الله فيكم ونفع بعلمكم..

1- كيف عزم الديماكس الديزل وخصوصا (القير الأتوماتيك)...؟
2- هل تنصحون بالقير الأتوماتيك وهل هو عملي (لمن جرب) ..؟
3- من حيث الدبل وش هو من لحية (ينشد به الظهّر) بالنفوذ وغيره...؟
4- هل هو واسع من الداخل ..كم يسع من ركاب بالغين 5 ركاب او اكثر ...؟
5- خزان الوقود كم يشيّل من لتر ديزل ..؟ وكم التكلفة... وكم يمشيك من كيلومترات..؟
6- كم اسعار الديماكس 2009 جديد فل كامل ..ومن هو الأفضل في البيع والصيانة العيسى او اليُمني...؟

وفقكم الله ورعاكم

[العطة]

يا شباب

كنت في يوم من الايام

اتنزه في محلات قطع اغيار والورش كعادتي اثناء وقت الفراغ

وقلت امر قطع غيار الدي ماكس

وسالته عن بعض القطع

وتناقشنا في موضوع الطرمبه

2500 سي سي قيمتها 4000 ريال تقريبا
3000 سي سي حوالي 18000 ثمانية عشر الف ريال

وقال لي ان سبب خراب الطرمبه هو عدم تغيير فلترين صغيرين جدا مثل راس المرسم (قلم الرصاص) مصنوعه من الحديد على شكل شبك وتوجد داخل الطرمبه وهي اثنتين قيمتها في حدود 60 ريال

اش رايكم
وهل احد مرت عليه هالفلاتر

حياك الله اخوي لن أمل من العطاء
منكم نستفيد معلومة جديدة اول مرة اسمع عنها
ممكن تفاصيل اكثر

ابوعبدالاله

[سعد الاحمد]

السلام عليكم ورحمة الله وبركاته ..

اهلا بكم اخواني اعضاء الرابطة واتمنى لكم التوفيق والسداد في جميع اموركم ..

يشرفني ويسعدني دعوتكم للمشاركة معنا في هذا الموضوع واثراءه بالمعلومات الهامة لديكم والافادة والاستفادة من معلوماتكم القيمة التي لا غنى لنا عنها ..

الموضوع هو :
&& .. رابطة ملاك سيارات الدفع الرباعي بجميع انواعه وموديلاته .. &&

رابط الموضوع
http://www.mekshat.com/vb/showthread.php?t=214632