رابطه ملاك إيسوزو ديماكس(d-max)

[ابو سليمان 11]

( انتبهوا من برودة الماكينة )

هذا ما حصل معي في سيارتي 2005 ،
بعد تغير الأجواء إلى البرودة هذه الأيام لاحظت السيارة زيتها ينقص نقص مو طبيعي و بعد تشغيل السيارة يخرج منها دخان أبيض كثيف ثم ينقطع بعد التشغيل مباشرة ، أشاهد دائما مؤشر الحرارة على الربع عكس المعتاد لا تصل للنصف إلا في الخطوط فقط أما في الديرة فدائما على الربع ، أهملت الأمر ، كنت كل ما نويت طلعة أو سفره أعاير الزيت أزوده تقريبا إلى نصف العلبة ( نصف لتر ) .
قبل أيام مريت دوار الخرج قلت آخذ فلاتر للسيارة مع بعض القطع مثل التورمو ستات ( بلف حرارة ) تماتيك مروحة ... لأني كنت أظن أنهما خربانات
غيرت الزيت قلت للبنشري غير فلتر الديزل و الزيت و الهواء وعطيته الكراتين قال زيت هواء مافي مشكل ديزل ما في معلوم ... قلت زين اللي تعرف وخل اللي ما تعرف ..
طلعت من عنده بعد تغيير الزيت و الفلترين ... قلت أمر ورشة مكائن ديزل يغير لي الفلاتر

مرت ورشة أعرف العامل الهندي اللي فيها . يشتغل مكاين مزارع و حرثات و مكاين كهرب كبيرة ...له أكثر من 18 سنة ... قلت غير الفلاتر قال أبشر .. صوت للفلبيني قال غير فلاتر أبو عبد العزيز ...
و هنا مربط الفرس ....
قلت في نفسي خل أقوله مشكلة نقص الزيت الملحوظ ...
قلت يا مدير سيارتي تنقص زيت نقص مو طبيعي وش المشكلة ... قال هذا شنبر لازم بدل ...
ثم قالي كم مديل قلت 2005 قال سيارة جديد هذا ما في شنبر ...
قالي كيف حرارة سيارة قلت ليش قال ما في حرارة مافي زيت على طول ....
قلت بس هذي مشكلتي ...
قلت ألحين جو برد سيارة حرارة ربع ما في سيم سيم أول نصف
آهااااا ،،، قال هذا مشكل كل ماكينة ديزل تيربو أو بدون تيربو ما في حرارة زيت طلع برا
قال لي سيارة سوي دخان أبيض قلت إيه .... قال أنت خربان بلف خربان كلتش مروحه قلت موجودة ...
قال للفلبيني غير بلف غير تماتيك مروحة ...
غيرها الرجال مع الفلاتر .. ( فلتر المكينه و فلتر المويه اللي تحت مرتبة السواق )
طلعت من عنده بعد ما حاسبته ب 50 ريال فقط وهو يستاهل 500على اكتشاف العيب .
الحرارة على النصف تماما المروحة راح صوت الضجيج المزعج لأن السابقة مجيمه أو عاضة فكانت تصدر صوت مزعج جدا ...
المراد .... و اللي صار بعدها .... راح الدخان الأبيض إختفى تماما .... رجع الموتر طبيعي في قضية الصرف ... ما عاد ينقص زيت أبدا ... بل أن السيارة رجعت لنشاطها المروف فزة التيربو إذا فتح ..
القصة هذه لأخذ الحيطة و الحذر من برودة محرك السيارة ..
هنا أشكر هذه العقلية الفذة و الاحتراف في العمل من قبل هذا العامل الهندي ... لله دره من فني ...

اول شىء الحمد الله على السلامة
بس ياليت لو تعطيني وصف الورشة الاي انت تشتغل فيه واي صناعيه
الله لايهينك

[س هـ ى دماكس]

اول شىء الحمد الله على السلامة
بس ياليت لو تعطيني وصف الورشة الاي انت تشتغل فيه واي صناعيه
الله لايهينك

هلا أخوي أبو سليمان

هذي الورشة ليست في الرياض هي في منطقة سدير و إذا كنت ناويها فاتصل بي أوصفها لك ..

[بن ثاني 2011]

( انتبهوا من برودة الماكينة )

هذا ما حصل معي في سيارتي 2005 ،
بعد تغير الأجواء إلى البرودة هذه الأيام لاحظت السيارة زيتها ينقص نقص مو طبيعي و بعد تشغيل السيارة يخرج منها دخان أبيض كثيف ثم ينقطع بعد التشغيل مباشرة ، أشاهد دائما مؤشر الحرارة على الربع عكس المعتاد لا تصل للنصف إلا في الخطوط فقط أما في الديرة فدائما على الربع ، أهملت الأمر ، كنت كل ما نويت طلعة أو سفره أعاير الزيت أزوده تقريبا إلى نصف العلبة ( نصف لتر ) .
قبل أيام مريت دوار الخرج قلت آخذ فلاتر للسيارة مع بعض القطع مثل التورمو ستات ( بلف حرارة ) تماتيك مروحة ... لأني كنت أظن أنهما خربانات
غيرت الزيت قلت للبنشري غير فلتر الديزل و الزيت و الهواء وعطيته الكراتين قال زيت هواء مافي مشكل ديزل ما في معلوم ... قلت زين اللي تعرف وخل اللي ما تعرف ..
طلعت من عنده بعد تغيير الزيت و الفلترين ... قلت أمر ورشة مكائن ديزل يغير لي الفلاتر

مرت ورشة أعرف العامل الهندي اللي فيها . يشتغل مكاين مزارع و حرثات و مكاين كهرب كبيرة ...له أكثر من 18 سنة ... قلت غير الفلاتر قال أبشر .. صوت للفلبيني قال غير فلاتر أبو عبد العزيز ...
و هنا مربط الفرس ....
قلت في نفسي خل أقوله مشكلة نقص الزيت الملحوظ ...
قلت يا مدير سيارتي تنقص زيت نقص مو طبيعي وش المشكلة ... قال هذا شنبر لازم بدل ...
ثم قالي كم مديل قلت 2005 قال سيارة جديد هذا ما في شنبر ...
قالي كيف حرارة سيارة قلت ليش قال ما في حرارة مافي زيت على طول ....
قلت بس هذي مشكلتي ...
قلت ألحين جو برد سيارة حرارة ربع ما في سيم سيم أول نصف
آهااااا ،،، قال هذا مشكل كل ماكينة ديزل تيربو أو بدون تيربو ما في حرارة زيت طلع برا
قال لي سيارة سوي دخان أبيض قلت إيه .... قال أنت خربان بلف خربان كلتش مروحه قلت موجودة ...
قال للفلبيني غير بلف غير تماتيك مروحة ...
غيرها الرجال مع الفلاتر .. ( فلتر المكينه و فلتر المويه اللي تحت مرتبة السواق )
طلعت من عنده بعد ما حاسبته ب 50 ريال فقط وهو يستاهل 500على اكتشاف العيب .
الحرارة على النصف تماما المروحة راح صوت الضجيج المزعج لأن السابقة مجيمه أو عاضة فكانت تصدر صوت مزعج جدا ...
المراد .... و اللي صار بعدها .... راح الدخان الأبيض إختفى تماما .... رجع الموتر طبيعي في قضية الصرف ... ما عاد ينقص زيت أبدا ... بل أن السيارة رجعت لنشاطها المروف فزة التيربو إذا فتح ..
القصة هذه لأخذ الحيطة و الحذر من برودة محرك السيارة ..
هنا أشكر هذه العقلية الفذة و الاحتراف في العمل من قبل هذا العامل الهندي ... لله دره من فني ...

بيض الله وجهك ووجهك الهندي ، مثل هذي الأمور الواحد تخفى عليك ويمكن يروح للوكالة وتصكه بسعر يكره الموتر ولا يعلمونه شنو فيها .
احرصوا على تدوين مثل هذه الأمور الدقيقة في رابطتكم الموقرة .
شكرا مرة أخرى .

[عبدالرحمن1980]

اخوي س هـ ى دماكس ممكن تعطيني موقع الورشه هل هي في الحوطه

[س هـ ى دماكس]

اخوي س هـ ى دماكس ممكن تعطيني موقع الورشه هل هي في الحوطه

مالك لوا أخوي ... الورشة في المجمعة ... اسأل عن ورشة الحقيل على الشارع الدولي خلف مقهى الدولي و بجانب مستودع العطية للمكيفات

[الستانس]

السلام عليكم

حيا الله جيراننا رابطه السوزو

محاكيكم باثفاندراوي

اخواني نويت انشاء الله ابيع الباث واشتري موتر صغير انترا ولا اكسنت بحدود 25 الف

المهم وانا ادور عورني قلبي وش لون اترك البر ولفيت السوق ولقيت اسوزو بنزين 6 سلندر 2001

ممشاه بحدود 300 الف

وطول اليوم وانا اتعوذ ابليس اقول في نفسي وش لي والمواتر القدام والخ......

المهم شكل ابيلس مهوب مخليني ههههههههه

ابي رايكم فيه هل هو عملي لان النيه يوم ابيع الباث ابي موتر موديل جديد بحدود 20 الف ازيدها او انقصها

وجازلي هالموتر وخايف اتورط به والنيه نيه بيع بعد 6 اشهر تقريباً

مع العلم ان الموتر مجهز شد وصدام وجنوط جيتي وتانكي

واللي ابيه فيه احد جربه

وهل قطع غيار السوزو متوفره بالذات مكينه البنزين

وهل قطع غياره رخيصه

والبيع سهل ولا صعب


ومشكورين

[عزيز المميز]

أخوي حياك
إذا كنت متأكد من الدزك والكلتش
فعندك أمور بعدها مهمة
حساس الهواء تأكد من إنه مربوط زين ولا فيه تنسيم
غير فلتر الهواء إذا كان قديم يضعف عزم الموتر
سياتي 2006 وحصل نفس المشكلة وصار من حساس الهواء مرتخي القفيز

اخوي ولآ عليك آمر آبيك تصورلي حسآس الهواء اتوقع اانه منه

اذا ماعليك امر

[فنجال ورجال]

السلام عليكم

حيا الله جيراننا رابطه السوزو

محاكيكم باثفاندراوي

اخواني نويت انشاء الله ابيع الباث واشتري موتر صغير انترا ولا اكسنت بحدود 25 الف

المهم وانا ادور عورني قلبي وش لون اترك البر ولفيت السوق ولقيت اسوزو بنزين 6 سلندر 2001

ممشاه بحدود 300 الف

وطول اليوم وانا اتعوذ ابليس اقول في نفسي وش لي والمواتر القدام والخ......

المهم شكل ابيلس مهوب مخليني ههههههههه

ابي رايكم فيه هل هو عملي لان النيه يوم ابيع الباث ابي موتر موديل جديد بحدود 20 الف ازيدها او انقصها

وجازلي هالموتر وخايف اتورط به والنيه نيه بيع بعد 6 اشهر تقريباً

مع العلم ان الموتر مجهز شد وصدام وجنوط جيتي وتانكي

واللي ابيه فيه احد جربه

وهل قطع غيار السوزو متوفره بالذات مكينه البنزين

وهل قطع غياره رخيصه

والبيع سهل ولا صعب


ومشكورين

حياك أخوي باثفندراوي وبعدين إن شاء أيسوزاوي
تعوذ من أبليس ولا تتعوذ ابليس علشان ما يورطك
اسمع أخوي أهم شيئ يصير الموتر نظيف والقطع متوفرة المحلات واجد والبنزين نشيط بس كم مكينته
والبيع السوق يروح فيه كل شيئ بس يكون السعر مناسب في الطعش أو دون

[الستانس]

حياك أخوي باثفندراوي وبعدين إن شاء أيسوزاوي
تعوذ من أبليس ولا تتعوذ ابليس علشان ما يورطك
اسمع أخوي أهم شيئ يصير الموتر نظيف والقطع متوفرة المحلات واجد والبنزين نشيط بس كم مكينته
والبيع السوق يروح فيه كل شيئ بس يكون السعر مناسب في الطعش أو دون

يمال الغنيمه مشكور على الرد

اعوذ بالله من الشيطان الرجيم

والله الموتر وقفته وقفه شيخ ماشاء الله ولكني متخوف من 2001 و 30000 الف

والسعر مهوب يم الطعش بـ25 حد بيع من شريطي

والمكينه مدري الرجال قالي فل كامل


ومشكور على الرد

[عبدالرحمن1980]

يالاخو تدري ان فيه ايسوزو 2006 ماشي 400000الف

[فنجال ورجال]

اخوي ولآ عليك آمر آبيك تصورلي حسآس الهواء اتوقع اانه منه

اذا ماعليك امر

حياك أخوي أبشر به طلعت وصورته هذه صورته عموماً هو بين قربة الهواء فلتر الهواء والمكينة على يسارك إذا فتحت الكبوت عكس جهة البطارية

[فنجال ورجال]

يمال الغنيمه مشكور على الرد

اعوذ بالله من الشيطان الرجيم

والله الموتر وقفته وقفه شيخ ماشاء الله ولكني متخوف من 2001 و 30000 الف

والسعر مهوب يم الطعش بـ25 حد بيع من شريطي

والمكينه مدري الرجال قالي فل كامل


ومشكور على الرد

لا يلعب عليك الشريطي
هذا 2003 ونظيف بدون تجهيز يعني الدعامة والشد مفكوكة بيع قبل شهر أو شهرين 28000ريال وماشي أقل من 300000 يعني الطعش تخب على 2001

[الستانس]

يالاخو تدري ان فيه ايسوزو 2006 ماشي 400000الف

اخوي اذا كان ديزل ابشرك انه توه ما مشى عمر مكينه الديزل طوييييييييل جدا يطق المليون

واللي يخرب الطرنبه وكلن يصلحها وانتم ابخص

بس البنزين غثاه واجد من 300 إلى 400 الف وهو مشنبر ثم مشاكل الكهرب

وهلم جرى غثاه واجد البنزين وانا موتري ببيعه السبب انه طق الـ200

ومنيب فاضي للخرابات والنيسان وش يفكك منه اذا شنبر حراره ومشاكل مالها اول ولا تالي

وقطع غيار غاليه وياليتها تنلقى بسهوله

لا يلعب عليك الشريطي
هذا 2003 ونظيف بدون تجهيز يعني الدعامة والشد مفكوكة بيع قبل شهر أو شهرين 28000ريال وماشي أقل من 300000 يعني الطعش تخب على 2001

ماشاء الله
الله يبارك لمن شراه

مشكلتي اني( اهواه )


والله يجزاكم خير

بكلم هالشريطي بالطعش ان رضى والى الله يرزقه الرزق الحلال

ونصرف النظر وندور مويتر صغنطوط واخليه جيب غصب

[عزيز المميز]

حياك أخوي أبشر به طلعت وصورته هذه صورته عموماً هو بين قربة الهواء فلتر الهواء والمكينة على يسارك إذا فتحت الكبوت عكس جهة البطارية

مشكوور وما تقصر

[جي ام سي 2002]

بسم الله الرحمن الرحيم
اخواني في الله
السلام عليكم ورحمة الله وبركاته
انا عندي ايسوزو ديماكس غمارتين دبل موديل 2009ولعت لمبة التشييك على الدبل والدبل فصل ماعاد يشتغل نهائي اللي عندة حل لهذة المشكله يرشدنا اليها واللي يعرف ورشه متخصصه بالرياض له مني الشكر والدعاء