رابطه ملاك إيسوزو ديماكس(d-max)

[d-max2008]

اخواني وحبايبي ملاك d-MAX

السلام عليكم ورحمة الله
وصباحكم رضى من رب العالمين
هذي اول مشاركه لي معكم ومقبل على تجربة الديماكس لاول مره في حياتي
من خلال الموديل 2013 الدفع الرباعي فل كامل ان شاءالله
الحقيقه خرجت بانطباع اكثر من رائع من خلال متابعة بعض صفحات هذا الموضوع
وكان لما قراته هنا من ثناء على الديماكس دور كبير في اقتناعي بها
ولكن مااخفيكم رغم اني بديت في خطوات الشراء وفي بحر اسبوع راح تكون السياره معي ان شاءالله
الا انه كدر خاطري شي واحد .. امس طلبت من مندوب المبيعات تشغيل السياره
وكني حسيت صوت المكينه مرتفع شوي
هذا وهي جديده اجل كيف بيصير الوضع بعد ماتتقدم السياره في العمر ؟
سؤالي : هل صوت المكينه يتزايد لما تكون السياره ماشيه
وتصير المكينه كنها راكبه معك جوه او ان الصوت يهدا مع المشي
مدري بصراحه مندوب المبيعات قاعد يقنعني انه عشانها شغاله في صاله مغلقه
طلع صوتها عالي شوي وكمان المكينه لسى جديده يقول ومع تمرين الموتر راح يخف
وانا بصراحه ماني مقتنع بتبريره كثير وقلت اسأل اصحاب الخبره هنا
من باب تطمين النفس خصوصا اني خايف من الصوت يزيد بعد سنه سنتين
لاشاب الموتر شوي

وسلامتكم

والمعذره ع الاطاله

المعروف عن ماكينة الديزل يزيد صوتها مع الاستعمال

بصفة عامة الصوت راح تتعود عليه وبل راح تنطرب ههههههههههههه

والله ما عمري ندمت على شراء ديماكس

[d-max2008]

للمعلومية فائدة لكم يا ديماكسيين

دخلت برملة ناعمة وخرجت منها بضغط على السيارة وطاعت ريحة الكلتش

المهم صار عندي صوت طقه مع التعشيق او مع الدعس المفاجئ لدواسة الديزل

رحت للورش قالولي خرط عمود دوران وتغير كلتش ومشكله في القير ومن هالخرابيط

ازعجني الوضع وجاب لي هم وتفكير

اكرمنا الله بالمطر ودخلت بالسيارة في الماء بسرعة عالية وطشطشت ذاك اليوم بالسيارة في اماكن تجمع الماء على الاسفلت

تفاجات بفضل الله ان الطقه راحت كليا وان الشغله مجرد رمل دخل على الكلتش فقط

لهذا جرى التنبيه ولكي تعم الفائدة

[فنجال ورجال]

موفق أخوي
تجربة طيبة

[انين الحروف]

سلام عليكم

اخواني حصلت سياره 2010 وكنت بشتريها لكن جربت الدبل اضغط الزر واللمبه تاشر يعني ما تبقى مولعه وجربتها اعتقد الدبل يشتغل على الكفر الخلفي فقط بينما الكفرات الاماميه ما تلف

اللي مرت عليه المشكله يفيدنا مشكورين

الشراء متوقف على حل المشكله اذا افدتوني صرت عضو من اعضاء الرابطه ولكم مني كل الشكر

[فنجال ورجال]

سلام عليكم

اخواني حصلت سياره 2010 وكنت بشتريها لكن جربت الدبل اضغط الزر واللمبه تاشر يعني ما تبقى مولعه وجربتها اعتقد الدبل يشتغل على الكفر الخلفي فقط بينما الكفرات الاماميه ما تلف

اللي مرت عليه المشكله يفيدنا مشكورين

الشراء متوقف على حل المشكله اذا افدتوني صرت عضو من اعضاء الرابطه ولكم مني كل الشكر

حياك أخوي
المشكلة بيسطة تسمى تعلي الدبل يحتاج برمجة و هذه طريقة سهلة طبقها أنت بنفسك سواء اشتريت أو أنقلها لصاحب السيارة يستغرق منك عشرين ثانية فقط
1ـ افتح السويتش بدون تشغيل
2ـ اضغط على أزرة الدبل الثلاثة جميعاً في وقت واحد وانتظر حتى تؤشر لمبة الدبل في الطبلون بعد ذلك ارفع اصابعك
3ـ اغلق السويتش بعدها افتح السويتش وشغل السيارة ودور لك نفود طيب لأن الشغل أصبح بإذن الله شغال 100% موفق أخوي

[انين الحروف]

اخوي المشكله في عدم دوران الكفرات الاماميه هل هو من تعليق الدبل؟

شاكر ومقدر تعاونك

[ابوياسر1971]

اخوي المشكله في عدم دوران الكفرات الاماميه هل هو من تعليق الدبل؟

شاكر ومقدر تعاونك

معليش اخي الكريم هل صورة الدبل بالطبلون شغل تشوفه اذا شغلت الدبل

[انين الحروف]

ابو ياسر اللمبه تبقى تأشر يعني ما تثبت شغاله

[فنجال ورجال]

اخوي المشكله في عدم دوران الكفرات الاماميه هل هو من تعليق الدبل؟

شاكر ومقدر تعاونك

نعم أخوي في الغالب بسبب تعليق الدبل فيكون ما يشتغل

[فنجال ورجال]

ابو ياسر اللمبه تبقى تأشر يعني ما تثبت شغاله

ولا يهون حبيبنا ابوياسر
هذا ما يؤكد إن المشكلة عندك سهلة وهي عبارة عن برمجة

[أبوكريّم]

جزاكم الله خير أبوعبدالله وأبوياسر وغيرهم من اﻷخوان
اللي يجي بينكم ما يحار ما قصرتوا وودي أذكركم لا تنسون تحتسبون اﻷجر .. كل هذا فيميزان حسناتكم ..

[انين الحروف]

جزاهم الله خير هذا العشم فيهم

[أبوعبدالله4]

ودي أفك الطبلون علشان جرس السرعة بس مدري هو كبس أو مسامير نرجو الإفادة جزاكم الله خيراً ورحم الله والديكم

[golden1]

السلام عليكم.

افكر فى شراء 2013.
من تجربتكم،
ايهما افضل 2.5 او 3.0
هل تستاهل فارق السعر،
وماذا عن فارق استهلاك الديزل؟

كأن صوت ماكينة ميتسوبيشى l200 اقل من صوت الديماكس.
لكن شكل هالموديل الجديد غطى على كل شىء .

[ابوياسر1971]

ابوعبدالله4 ما انصحك تفكه انا فكيته بسياره سابقه وتبهذلت بالسرعه اتعدى السرعه وانا مادريت ويالله يامخالفات