رابطه ملاك إيسوزو ديماكس(d-max)

[عليمي]

السلام عليكم
اخوي حادي العيس الله يجزاك بالخير عملت شطشطه بالأصابع طفت لمبة تشييك المحرك .
سويت رست للكتاوت اللي تحت المقعده اشتغل الدبل.
الله يرحم من أخرك.

[3فلاتر]

والله مشكور يابو 3فلاتر
لاكن انا مابغى ديماكس ديزل ابغى بنزين قير عادي
(تنصحون فيه جديد او مستعمل نظيف 2009 2008 )

الحقيقةأناأقف عندهذاالسؤال ولاأعرف الإجابةوأحيلك لمن هم أعلم وأقدروأكبرمني كالأخ هبوب الصباوالعطةوحادي العيس وأمثالهم في هذه الرابطةالمباركةوالله أعلم

[3فلاتر]

ابو 3 فلاتر

الله يخليك لعين ترجيك وللديمكاسيين
مانستغني عنك في هالرابطة الطيبة

عزيزن وغاليين الديماكسيين عسل والله على قلبي ومستعدلخدمةهذه الرابطةبكل ماأملك من معلومات واتحافات وحناتلاميذكم مهماشاركناوكتبنا

[ابو سليمان 11]

عزيزن وغاليين الديماكسيين عسل والله على قلبي ومستعدلخدمةهذه الرابطةبكل ماأملك من معلومات واتحافات وحناتلاميذكم مهماشاركناوكتبنا

اجل يا3 فلاتر خلنا نسوي اجتماع لان مافيه احد احسن من احد
لو اصير انا وياك
وترى موب لزم بر لو في العمارية او شارع الخير
او اي شارع او اي طعس

[D Max2010]

[طيب يا شباب الشبك حق الديماكس 2010 تغير والا لا

[لطيف]

فعلاً أخي البحر الأحمر، مثل ما ذكرت أن سيارة الإيسوزو ليس لها نظير حالياً في سيارات من نفس الفئة، وأنا عندي موديل 2004 وحتى الآن لم أشتكي منها أبداً، ما عدا قطع غيارها المرتفع مقارنة بباقي السيارات، وقد جربت سيارات كثيرة من نفس الفئة وأقول دائما وين الناس عن الدي ماكس.

سيارة روعة بكل معنى الكلمة خاصة في الخطوط كأنك راكب ونيت جي أم سي، وفي المدينة خفيفة ونقل القير ناعم جدا.

تبقى المشكلة في السيارة هي الوكيل الزفت.

[لطيف]

يا سلام يا فال الربيع

[لطيف]

يا جماعة لا تنسون تغيير فلتر الديزل كل 30.000 كم.

[KING الليل]

السلام عليكم ورحمته وبركاته

اعرفكم بنفسي انا اسمي ابراهيم وانا معي ايسوزو 2009 ذهبي ارجو قبولي من ملاك ايسوزو وهذي صورت موتري قبل عيد الاضحى قبل ما اروح للشمال

[هبوب الصبا]

كينق الليل

قبولك وبس !!!!!
الا تو ماحلت الجلسة
هاه ,, عطنا علومك مع البطل ايسوزو
الله يبارك لك فيها وللجميع
حياك الله اخ براهيم ياهلا وسهلا

[ايسوزو ديماكس]

والله مشكور يابو 3فلاتر
لاكن انا مابغى ديماكس ديزل ابغى بنزين قير عادي دبل
(تنصحون فيه جديد او مستعمل نظيف 2009 2008 )

ها ياشباب تنصحون ايش ولا مشتوبيشي l200

[D Max2010]

ها ياشباب تنصحون ايش ولا مشتوبيشي l200

اخوي نصيحة من اخ لاخيه البنزين ايسوزو فاشل بمعنى الكلمة والديزل لا يعلى عليه.

يعني بالعربي: بنزين هلي
ديزل ايسوزو دي ماكس

[ايسوزو ديماكس]

اهااا
يعني ايسوزو بنزين مايصلح

اشوف ددسن ولاl200

[هبوب الصبا]

الميتسوبيشي مهوب شين
لكن ابو محرك 3500 سي سي
اتذكر قيمته عند العيسائي بـ 95000 ريال
طبعا دبل الخ

لكن خلك مع حبيب القلب مازولا قصدي ايسوزووووو

[KING الليل]

هلا هبوب الصبا

لا والله ابقول الصدق اول شي ما خش مزاجي وكنت حاط في بالي يا هايلكس او ددسن لكن الحمد لله اني طحت بالسوزو والله موتر عليه الكلام صح قطع غياره بس موتر لا تدور غيره