مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
إخواني في رابطة الدي ماكس .. حبيت أفيدكم بخصوص فلتر الزيت ... خصوصا من يشتكي من غلاء الفلتر .. هناك فلاتر تركب على السيارة رخيصة بقيمة 6 ريالات فأنا آخذ بالكرتون وتصير علي الحبة ب 6 ريال فيه 10 حبات قيمته 60ريال وهو نفس الي يركب في البناشر ويبيعه عليك البنشري ب 20 أو 25 ريال .. تلقاه في محل معروف في الرياض اسمه على ما أظن ( ركن الفلاتر ) في صناعية دوار الخرج تجد عنده كل انواع الفلاتر ... الفلتر الذي يركب على السياره فلتر ألتيما . و أنا من شريت السياره ما أركب إلا هو ... و أمشي عليه تقريبا 5،000 و اغيره مع كل تغييرة زيت
حياكم الله كل باسمه
وانا معجب بالسيارة هذي كثير
ولكن عشقي لجنرال موتورز طاغي
ولكم هذه الصور هدية مني
وهي للاخ التوأم الشقيق لـ D-Max من شيفروليه هولدن وهي نفس السيارة بالضبط
ولكم ان تتخيلوا الفرق عما ياتينا وعما هو موجود بالخارج
تقبلوا تحياتي
السلام عليكم .....
عااااااااااااجل إلى الأخوة الديماكسين ...
سيارتي ماشية إلى كتابة هذا الموضوع 27,000 كيلو فقط ولي يومين لمبة التشييك شيك اننجكشن والعة التي هي عبارة عن صورة مكينة لونها أصفر ..طبعاً عملت لي قلق نفسي شديد لاسيما أن السيارة جديدة , ذهبت بها للوكالة في خميس مشيط طبعاً وصلت لهم وقد طفية اللمبة , لم يعرفون في الوكالة غيرقالوا فلتر ديزل غيرنا فلتر ديزل , قلت لهم افحصوها على الكمبيوتر طبعاً سرحوني الطلح بعذر واهية خرجت من عندهم وبعد تقريبا 40 كيلو اشتغلت اللمبة مرة أخرى , الان في الكاتلوج يقول اعرضها على الوكالة , الوكالة ما عندك أحد ماهي عارفه تصلح بسكليت فما الحل تكفوووووووون هل أحد صار له هذه المشكلة أخشى على المكينة أو طرمبة الديزل أو شئ مهم ...
طبعا الآن مرة تطفى ومرة تولع..
اخوي البحر الاحـمر .. غالباً تكون المشكلة في فلتر الديزل
واوقات حسب الموديل يجي الفلتر الديزل اثنين موب واحـد ..
واللـي اعرفة انة من موديل 2007 الدفعة الثانية وطالع فلتر واحـد
انصحك انك تراجع الكتلوج وتشوف وش المشكلة بالظبط .. او ايضاً تتاكد من الفتلر اذا غيروة بالشكل الصحيح لانة بعد التغيير لابد من تشغيل السوتش خمس مرات متتالية وذلك حسب الكتلوج
و اوقات يكون داخل فية موية ويجب تفريغ الماء من المخزن ..هـذا حسب حـد علمي والله أعـلم .. وبالتوفيق لك .
بسم الله الرحمن الرحيم
السلام عليكم ورحمة الله وبركاته
انا املك سيارة D-Max 2009 واريد غطاء للصندوق لحفظ الاغراض عن الغبار و المطر يكون محكم من الفيبر او اي نوع اخر يكون شكلة جميل
من غير السليماني
وشكراً
السلام عليكم
وين الأفضل الهايلكس الديزل ولا الايسيوزو؟
المشكله في الايسوزو القطع غاليه
والله ييسر اموركم
السلام عليكم :
اشتريت سيارة دي ماكس 2006 قير أتوماتيك دبل ماشية 75000 كيلو متر
الأسئلة :
1- فيه صوت هواء من النوافذ عند السرعة 100 كيلو ؟
2- حاولت أجرب السيارة في النفود بس طلعت لي لمبة في الطبلون تقول حرارة زيت القير مرتفعة ؟
3- كيف السيارة في النفود بشكل عام ؟
و جزاكم الله كل خير
أخوكم : أبو عبدالعزيز من حائل
السلام عليكم ورحمة الله وبركاته
اود ان اشكر صاحب هذة المبادرة .
واود ان اكون احد افراد هذة الرابطة علما بانى املك ديماكس 2007 .
وعندي مشكلة في عوامة خزان الوقود تعطلت فجأة ووديتها الوكالة ( اليمني ) فرع الخبر وهي تحت الضمان وقال لي تصليحها او استبدالها خارج الضمان لانها قطعة كهربائية لذلك لا يشملها الضمان وسعرها 1500 وشغل اليد 500 هل في حل ؟
قال احد الاخوة ان عوامة الهايلكس الدبل الديزل تركب عليها وسعرها 300 ريال هل هذا صحيح ؟
تكفون يا اهل الخبرة ابي الفزعة وشاكر ومقدر جهودكم .
وعليكم السلام ورحمة الله وبركاته
اخوي يدهم تاكد من المعلومة ان الاصلاح خارج الضمان المبلغ كبير
بامكانك تكلم وكيل ثاني وتتاكد من صحة كلام اليمني جرب العيسى وباخشب
اذا حبيت عندي رقم الادارة الاقليمة في السعودية
ابوعبدالاله
يركب مثتب سرعة لديماكس وله سنة شغال تمام معي
المساعدات خلفية عندي السبيت في دوار الخرج مساعدات لونها ابيض تنفع للبر والديرة
وكذلك فية ورشة في الصناعية القديمة يرهم مساعدات شاص امامية لدماكس خلفية تنفع للتحميل والبر
ابوعبدالاله
الذين يشاهدون الموضوع الآن: 1 (0 من الأعضاء و 1 زائر)