جلد البلوف

[عمر عدنان]

سلام عليكم ورحمة اللة وبركاتة مساكم اللة بالخير & صبحم اللة بالخير اخواني ملاك الباثفندر عندي مشكلة بالباثفندر الي عندي اني اذا خليتة واقف شوي لمدة مثلا 10 دقايق الاحظ دخا ن ابيض خفيف ويختفي اذا مشيت مسافة بعدين وقفت لاحظت انة يتوقف وسألت قالولي جلد البلوف بالتالي سؤالي هو هل اذا تميت على هلحال ماشي مشكلة او اغير جلد البلوف او اوضب المكينة كاملة مع العلم ان الزيت ينقص علبة كاملة كل 1800 كيلو بس مورافع ضغطي المشكلة بس من الدخان الابيض فياريت تنورونا اللة ينور عليكم

[m1m]

وعليكم السلام ورحمة الله وبركاته ..

1800 وعلبة أشوف كثيرة علبة .. خصوصا في هذا الوقت البارد ..

المشكلة عندك ليست جلد بلوف .. لأن جلد البلوف لا تنقص الزيت عند 1800 .. فقط عند التشغيل لفترة ويطلع دخان دون نقص ..

اعتقد عندك شمبر .. إذا ما في المكينة صوت فهو شنبر فقط

[عاشق GM]

اذا ينقص الموتر بعد 2000 كليلو متر

[رجل كريم]

وعليكم السلام ورحمة الله وبركاته

امش بالسيارة مشوار ثم وقف وفك البواجي اذا لقيت فيها زيت فهو شنبر ويلزمك توظيب كامل ..

تحياتي .,

[monsixnet]

وعليكم السلام ورحمة الله وبركاته

امش بالسيارة مشوار ثم وقف وفك البواجي اذا لقيت فيها زيت فهو شنبر ويلزمك توظيب كامل ..

تحياتي .,

اضم صوتى الى صوت رجل كريم

[xahmaedx]

شف ياطويل العمر خذها من مجرب
عندي باجيرو وبالاصح كان عندي ويطلع دخان ابيض مزرق خفيف اذا دعست شوي
يروح الدخان وعلى ذي الحاله رحت الصناعيه قالوا شنبر والباجرو قطع الغيار ما يحتاح ناااااااااار
ما قعد شهر الا وبعته برخص التراب
الزبده : كانك راعي استعمال زينه واستعمل
وانك راعي بيع بعه ازيلك قبل ما تكبر المساله

[عمر عدنان]

مشكورين على الردود لكن ياليت توضحون اكثر ليش الدخان الابيض ويروح اذا مشيت بالسيارة مسافة بعدين السؤال الاخر شالمقصود لكلمة شنبر فقط وكم تكلف

[سوبر VTC]

و عليكم السلام و رحمة الله و بركاته
اخي الكريم
الباثفندر من م2005 و نازل
بها عيب مصنعي من الوكالة
و هو ضعف الشنبر
و بالتالي ينقص الزيت
طبعا البستم يركب عليه بشكل دائري 3 شنابر
شنبر زيت من اجل الا يدخل الزيت على غرفة الاحتراق او بيت النار و بالتالي
يطلع من الشكمان دخان ابيض
ايضا يوجد 2 شنبرين ضغط بعد شنبر الزيت مباشرة
ولد عمي معه باثفندر م2005
و ينقص من نص الى علبة كاملة خلال 1500 الى 1800 كيلو
و الان موتره ماشي 180000الف
علما انه يسافر و يكشت عليه في رحلات برية
انا نصيحتي انك تترك موترك و لا تلمس مكينته لانه ما يضر اذا
كان ينقص نص علبة على كلامك
طبعا تكلفة الاصلاح عندنا بالقصيم
من 2500ريال الى 3500ريال
طبعا على حسب الخراب
لانه ما تحكم على الخرابات بالضبط
حتى تفك المكينة
حيث يتم تغير الشنابر لوحدها
و احيانا يتم تغيير الشنابر مع البساتم
و احيانا يكون عمود المكينة او ما ما يمسى بعمود الكرنك
طبعا يكون مائل و يتم استبداله
لانه ما ينفع انك تمسحه بالمخرطه
نصيحتي لك
اترك الموتر تراه ما تضر
احيانا يكون سبب الخراب جلد البلوف و هذه موجودة بالجيب الباترول غالبا


***************


اليك هذا الرابط بالصور عن التوضيب
لمشرفنا العزيز طاير بالعجه

التوضيب - منتديات مكشات

و هذا رابط لملاك اهل الباثفندر



(((((((((((رابطة ملاك الباثفاندر)))))))))))) - الصفحة 31 - منتديات ...




اذا بغيت رقم ميكانيكي مختص بالباثفندر
ارسله لك على الخاص
و كلمه عشان تطمئن
و ترا الوضع طبيعي جدا
تحياتي لك