لجميع ملاك ميركوري ماونتنير ... اسعار+مشاكل+حلول+مميزات= فــــائـــــدة!!!

[gyn]

المونتناير نظام دفع رباعي مسمتر اقل من الدبل الخفيف
وفي الرمل يبي له سواقه جيده والاا غرز هذا في الصيف اما هل اجواء ومع المطر ممتاز سواقه
انا كاده في طلعات وكشتات وتطعيس خفيف لكن ما يساعد لان نظام تعليق و الدفع ناعم عموما
الي لاحظته عدم وجود صاجه لحمايه اسفل مقدمه السياره ووجود بلاستيكات حمايه فقط وكلها تقطعت مع تطعيس و غرزات وتضرر مقدمه اسفل الرديتر ومرات مع ضربات في مطاعس ضرب رديتر وتضرر احد اهواز زيت القير وهرب لكن تدراكته فورا وشديت عليه فا يحتاج انك تركب ترهم صاجه حديد تحمي
اكبر مشكله وهي القير وطقته
ادعو لي انشاء قروب لهذه المشكله
0552879535
محولات 45 واط زنن في كشاافات وكان النور ممتاز جدا جدا في الخط ووصار النور العادي كانه سكند يوم تولع و الجميل ان لا يتعارض مع كمبيوتر ابدا وكل شي تمام عكس تركيب في النور العادي(عالي -واطي)

ثاني شي في حال ركبت زنن انا ركبت محولات 100 واط مع شمعات لنور العادي مع كت اوت يطلع لك خلل في النور الايمين و الايسر العالي في الكمبيوتر

[gyn]

السلام عليكم ورحمة الله وبركاته ..

يعطيكم العافية جميع على تعبكم وجهدكم بالموقع والمواضيع والافكار والآراء والمساعده فيما بينكم .. شكرا جزيلا

بالنسبة لي امتلك ماونتينر 2008 بريمر 6 اسلندر ..

امس اللي جربته بالطعوووس له شهرين معي شاريه وممتاز ماعليه ..

بس مكتوب خلف الشنطة AWD هذا معناته دبل خفيف صح ؟؟؟ وانه مافي دبل ثقيل ..

لانه ارتفع ضغطي بالطعوووس قلت حرام اسمه جيب نهااائيا ما خدمني وايضا طريت له الكفرات ولا فاد ولا طلع الطعس ..اللي ابي اوصله انه بالطبلوون مكتوب لي 4X4 ولا اشتغل او شبك ابدا لـــــــــــيش؟؟

وهل فيه طريقه معينه لتشغيل الدبل الثقيل والا اصلن مافيه الا خفيف

انتظركم اعزائي

هذا نظام التعليق اسمه
all wel drive
لا تدقق في السلبينق اسمه كل الكفرات تعمل يعني تقدر تقول 90 بلميه ورا و 10 لب ميه قدام
يعني ماهو 4x4 high او 4x4 low يعني بطي =low =ثقيل على سرعات منخفصه
او 4x4 high =سريع=خفيف =سرعات عاليه

نظام غير اخف بكثير بالنسبعه لطبلون فهذا طبلون اكسبلورر نفسه والاكسبلورر يجي دبل اما هذا لا فا العلامه منظر ولن تشتغل

[gyn]

افضل اختراع بنظري في المونتناير عتبه الباب الاليه التي تخرج في فتح الباب وتكون في ارتفتع منخفض لركوب اسهل
بعض السياره حاطه هيدرولك تنزل عن ركوبها كا جيب لكزس والعيب في جيب لكزس ان عتبه الباب نوعا ما مترفعه لكن المونتناير تنزل لك وعن عدم الحاجه يتم طيها وصفطها وهذا الشي جميل جدا اثناء المطاعس او عندما ترقا رصيف ما تشيل همها ابدا

[abusuod]

شباب الله يمسيكم بالخير
أين اجد قطع غيار فورد مونتير 2007 بالرياض
تكفون بشكل عاجل

[جروح الناس]

هذا نظام التعليق اسمه
all wel drive
لا تدقق في السلبينق اسمه كل الكفرات تعمل يعني تقدر تقول 90 بلميه ورا و 10 لب ميه قدام
يعني ماهو 4x4 high او 4x4 low يعني بطي =low =ثقيل على سرعات منخفصه
او 4x4 high =سريع=خفيف =سرعات عاليه

نظام غير اخف بكثير بالنسبعه لطبلون فهذا طبلون اكسبلورر نفسه والاكسبلورر يجي دبل اما هذا لا فا العلامه منظر ولن تشتغل

اخوي الغالي بالطبلون نوعين من الدبل
الأول 4x4 low
والثاني 4x4

اوك انت تقول منظر ممكن انا معك .. لكن فيه ناس تقولي اذا غرز مره يشتغل اللي ابي اعرفه واقتنع فيه هل له طريقة تشتغل هاللبمات والا فعلا مجرد زينة لا غير ؟؟؟؟؟؟؟؟؟؟؟؟؟؟

[جروح الناس]

ايضا ملاحظة السيارة مسجلها شاشة .. بالأنقلش طبعا اعرف شخص ترجم لي ايقونات المسجل وقالي فيه خاصية تلفزيون بس كيف اعرفها او اشغلها لأنه فعلا في نظام ملاحة ومو مفعل والTV كذلك له اريل ولاهو مفعل ارجوا الافادة .. كافي الدبل ولا فرحت به حرام هالخصائص ما استفيد منها .. هل من مجيب على سؤالي ؟؟؟

[جروح الناس]

ويــــــــــــــــــنـــــــــــــــــــــــــــــ ــــكــــــــــــــــــــــــــــــــــــــم

[فهد1415]

السلام عليكم

ابي اطلب دعاسة مع الجنب لموتري ماونتير 2008 ابي اعرف اسمها بالانقليزي لا هنتم

[محمد757]

السلام عليكم ورحمة الله وبركاته
انا عندي ماونتنير 2007
كان عندي طقه في القير وفحصتها وقالي حساس الجير وبعدها فحصه كهربائي وظبطه بس من بعدها وبدأت احس بضعف في عزم السيارة و حتى لو دعست بشكل قوي على الدواسة وش الحل ارجو الرد بسرعة

[مونتي 2008]

اخواني الكرام لاهنتو عندي مشكلة طيرت عقلي ..

من فتره قريبة بدأت تشتغل عندي لمبة على شكل ماكينة .. وبدأ ظهور ( تفتفه ) تقطيع بالسيارة فحصت كمبيوتر يظهر الخلل بلف رقم 2 وسلك البوجي رقم 2 كذلك ..

قالوا غير بواجي مع أسلاك .. وغيرت بواجي مع اسلاك مع تنظيف الدعسه .. ولا شي ضبط .. فحصت كمبيوتر وايضا نفس الخلل .. قالوا حط دواء البنزين وحطيته وقطعت ما يقارف الف كيلو سفر ( جات صدفه وقلت حلو بوقتها تطلع الكربنه ) ولا عاد فاد

للمرة الثالثه افحص ونفس الأعطال اللمبة شغالة وسلك بوجي وبلف رقم 2 هو الخلل

آخر حل توصلوا له قالوا كمبيوتر السيارة وصراحة صدمة كم قيمته واساسا ايش يضمني ان الخلل منه ..
طبعا لا انسى البخاخات وفحصوها مافيها شي .. وبلف رقم 2 مافيه شي استدلال انه لما السيارة تكون باردة مافيه تفتفه اما مجرد تسخن يقفل البلف تلقائي ومنها قالوا الكمبيوتر .. لما يسخن يأثر على البلف وسلك البوجي رقم 2

أرجوكم افيدوني هل المشكلة ذي واجهت احد فيكم وايش التوقعات .. وبكم سعر الكمبيوتر جديد.. وكم مستخدم

علما أني بمنطقة تبــوك

اخوي جروح ممكن تفيدني وش صار معاك لان معي نفس المشكلة الان ولا ادري وش الحل

[ابو عفاف]

السلام عليكم
انا معي ماونتنير 2007 ابيض
نفس مشكلة اللمبة اللي صورة مكينة وفحصت اكثر من مرة عند الوكالة وغير الوكالة
يقول خلل بحساس بس ما حدد
بعضهم يقول حساس فلتر الهواء
وبعض يقول حساس الدعاسة حقة البنزين
وبعضهم يقول بالثلاجة اللي تحت غطاء المكينة
من عطلة الربيع ماغيرت شي ولا فيه مشكلة ولا تقطيع
مشكلة اخرى تأخير بالقير بالريوس خاصة مع طقة قوية
واحيانا اذا رفعت رجلي عن البنزين اسمع طقة كأنه الصليب
وابي له مراية يمين من غير الوكالة لانه غالين جدا مع انوار وراء يسار
هذه مشاكله عندي فقط
ابي اجي للرياض ان شاء الله وين احصل له قطع من غير الوكالة
وجزاكم الله خيرا