فكرة سهلة ورائعة لحفظ الخضروات في الرحلات ،،، استمتع بالصور !!

[عاشق السيل]

أول شي الفكرة جيده ياخوي

لكن معليش ماتشوف بأن نقل مثل هذه الأدراج في الرحلات عبــــــــــــــــــــاله ومتعب كثيراً

لأنه سيأخذ مساحة كبيره من السيارة والشخص في غنى عن مثل نقل الأشياء التي ليس لها ضروره ... يعني لو جمعت كل الخضراوات وماتحتاجه في كيس أو جعلتها في كرتون فأنه يؤدي الغرض خاصة في مثل هذه الأوقات الباردة التي تبقى فيها الخضروات مدة أطول في حالة جيده ...

مجرد رأي

وتقبل تحياتي ،،،

بالعكس رايك على العين والراس ،، بس ترى حجمها صغير بحجم المركى العادي ولايمكن إنه يضيق عليك بالسيارة !!
والفائدة المرجوة منها إنك تحافظ على شكل الخضار بدون تأثير أي ضغط عليها وليس القصد الخوف من الحرارة !!
ومن فوائدها أيضاً نقلها لأي مكان تريد بكل سهولة وبكافة المحتويات بدل التجميع بالأكياس والبحث عن هذا أو ذاك ،، وغالبا ماتكون الأكياس مرمية في زاوية الخيمة أو داخل السيارة أو تحتها علشان الظلال ،،

فالقصد الأول والأخير ( الترتيب والتنظيم ) !!

بيض الله وجهك ومثل نقاشك يسعدني كثيراً لأنه يحقق الفائدة من طرح الموضوع ،،

أسعدتني وشرفتني بمرورك وطرح رأيك يالغالي .....

[منصوووور]

وعليكم السلام أخوي عاشق السيل .
ابتكار جيد ماشاء الله .
بس أظن ان فيه مشكله ؟؟؟؟؟
وهي الحراره والتهويه .
على ماأعتقد أن الخضار يخيس من الحراره وعدم التهويه الجيده مثل الطماط والبصل

[F A H A D]

ماشاء الله تبارك الله ..... فكره ممتازه
ابداعت فيها .....

[escape_man]

لاعبيتها وش يشقلها للموتر

لايهمك تعليقي .. فكرة جميلة ومخ نظيف لا اله الا الله

[سليمان القصيم]

ما شاء الله عليك

شغل مرتب وسهل ورخيص و ومفيد جداً


يعطيك الف عافيه

[الخادم]

الله يعطيك العافية
فعلآ بحاجة هالدروج

[راعي البخاخ]

يمالا العافيه اخوي عاشق السيل بيض الله وجهك
هههههههههههههههههههههه, حنا بالأكياس والكراتين على غير فايده
الله يعظم اجرك على هالدروج المتنقله والله انك افدت المكشاتيين
ولاهي غريبه من اهل الطيب , فكرتها تسوى قيمتها وبزود.

[الطاحونه]

مشكور على الرتابه والفكره الحلوه اخوي عاشق السيل
وشغلك هذا المرتب( كنك داخل بنده) صفه حلوه وزينه مشالله
تقبل مروري

[أفق]

ضربت معلم ما شاء الله

[وسيط مكة]

فكرة ممتازة الله يوفقك

[معشي الذيبّ]

فكرة من جد رائعة
وتكلفتها ممتازة 85 ريال فقط

ورداً على الاخوان الي يشوفونها متعبه وثقيلة
زي ما ذكر أخوي عاشق ان حجمها جدا مناسب
الهدف منها للرحالات أكثر من يوم

اشكرك أخوي عااشق

[عاشق السيل]

وعليكم السلام أخوي عاشق السيل .
ابتكار جيد ماشاء الله .
بس أظن ان فيه مشكله ؟؟؟؟؟
وهي الحراره والتهويه .
على ماأعتقد أن الخضار يخيس من الحراره وعدم التهويه الجيده مثل الطماط والبصل

اليوم بإذن الله تعالى ماشي للصمان وهذي أول تجربة لي معها ،، وإن شاء الله يكون اعتقادك خاطئ !!

أشكرك على مرورك وملاحظتك المهمة جدا بيض الله وجهك يالغالي ..

[عاشق السيل]

ماشاء الله تبارك الله ..... فكره ممتازه
ابداعت فيها .....

الله يسلمك أخوي وهذا من حسن ذوقك وطيب أصلك وأشكرك على مرورك وتشريفك يالغالي ...

[عاشق السيل]

لاعبيتها وش يشقلها للموتر

لايهمك تعليقي .. فكرة جميلة ومخ نظيف لا اله الا الله

هههههههههه صدقني أخوي تراها خفيفة جدا ،، ودي أصور لك بنتي الصغيرة وهي تشيلها !!!!

وشاهدتك هذي أعتز فيها بيض الله وجهك يالغالي ....

[عاشق السيل]

ما شاء الله عليك

شغل مرتب وسهل ورخيص و ومفيد جداً


يعطيك الف عافيه

الله يعافيك ،، وشاكر ومقدر مرورك يالغالي ....