وصف لشعب الشوكي

[رياض]

الى الخوه الكرام

ما هو اقرب وصف لشعيب الشوكي من مدينه الرياض

مع العلم انه لايوجد معي جهاز gps او غيره

مع جزيل الشكر للكل

رياض

[السمح]

أبحاول أوصف لك .. بس ليش ما معك جهاز .. ( واحد ملقوف )

شف أخوي رياض :

من الرياض على طريق القصيم وإذا جاك مفرق تمير خذ المفرق رايح لبلدة تمير ، ومن تمير إلى مبايض ، وعند وصولك مبايض تروح مع السفلت يمين إلى قرية اسمها الشعب وهي تحت ضلع من جهة الغرب ، استمر مع السفلت حتى ترتفع فوق الضلع ، وإذا تسهلت الأرض وتساوت تقريباً انظر جهة اليسار تجد ضلعين أو ثلاثة مرتفعة لوحدها وهذه اسمها الطيارات ، إذا وازنت الطيارات ، هديء السرعة ودور أقرب خط قوي يروح يمين ويصير اتجاهك شرق شرق جنوب استمر مع خطك حتى ترى طلاح الشعيب ، هذا هو الشوكي ...

تقبل تحياتي ...

[رياض]

اولا : انشاء الله انك سمح

ثانيا : اشكرك على الرد السريع وعلى الوصف الحلو

ثالثا : انت لست ملقوف بلنسبه للجهاز...بصراحه السوق مليان اجهزه وكلن يمدح
جهازه واخوك عليمي على ها المواضيع.........محتار وشهو الحسن


على فكره :: اتوقع ان وصفك اوضح من الجهاز

رياض

[عبدالعزيز الدباسي]

ماشاء الله عليك اخوي رياض ، خلاص جزمت تروح للشوكي ،،،، الله يوصلك سالم ويردك سالم ، ولا تنسانا من الصور الحلوة اذا كان معك كاميرا ،

مشكور اخوي السمح على سرعة الرد وعلى تواجدك المستمر لاحبابك اعضاء مكشات .

وكلام خالي السمح في متمه اذا استوت الارض على قولته وبعد الطيارات ، سوف يأتيك خط على اليمين (مطين) مزينته البلدية ولكن واضح انه مطروق ، وهذا الخط سوف يدخل بك الى 4 كيلو تقريباً ثم تتفرق الدروب خلك مع الأوسط منها ودائما اختر الدرب المطروق وهذا المدخل يوديك لغرب جنوب الشعيب ،

وايضا اذا ما ودك تدخل مع هذا المدخل استمر على الخط المزفلت تقريبا 6 كيلو سوف ياتيك مدخل ثاني على اليمين (مطين) مطروق مزينته البلدية سوف يأخذك الى شمال شرق شعيب الشوكي ، وترى الخط ما يستمر الى الشعيب سوف ينتهي في وسط الطريق ، وعليك اختيار درب مطروق للذهاب الى وسط الشعيب .

مع تمنياتي لك بقضاء اسعد الاوقات واجمل اللحظات


<CENTER><P><IFRAME WIDTH=65% HEIGHT=240 SRC="http://shegardi.bravepages.com/shegardi1.swf"></IFRAME><BR></CENTER>