تعالوا نتعلم... (وايد انقل , تيليفوتو , فلتر , سرعة الغالق , فتحة العدسة)

[عليان الليل]

حياكم الله جميعا..
اخوي الزعفران ...عزيز وغالي.
اخوي المسافر .. الكمرة هذي ممتازة
وفيها مواصفات جيدة وبالنسبة
للفلتر والوايد انقل ماتركب عليه
الا بتحويلة ... والتحويله هذي سعرة
تقريبا 100 ريال ..
يعني لازم تشري التحويلة علشان
تركب عليه العدسات الثانية.. وهذي
صورة الكمرة


اخوي المرصاع حياك الله
وش دعوة وانا خوك اي سؤال انا حاظر
ولا يردك الا لسانك..
بالنسبة للمميزات مثل سرعة الغالق وفتحتة العدسة
تكون داخل الكمرة ..
اما الوايد انجل والفلاتر والتليفوتو هذي اضافات يمكن
تركيبها على الكمرة..
والاضافات تركب على حسب الكمرة
يعني لاتشري كمرة ب500 ريال وتروح تدور له
وايد انقل لانك ماراح تلقى..
اي سؤال انا حاظر
تحياتي..

[المسافر]

رفع الله قدرك اخوي عليان الليل

هل هذه التحويلة والاضافات الاخرى موجودة عند وكيل سوني في المملكة .

[عليان الليل]

اي نعم موجودة
عند الوكيل..
تحياتي..

[المسافر]

اخوي عليان
عندي سؤال
شريت كاميرا سوني v1
من الامارات عن طريق احد الاخوة
ولكن لم اجد كاتلوج عربي وانا الآن محتاس في التعامل معها
اعرف اصور اتومتيك ولكن التعامل مع الخصائص الآخرى لم اعرفه
فهل تتكرم بشرح ولو مبسط لكيفية التعامل معها ومع الميكرو وغيرها
والخيارات والقوائم وغيرها اذا امكن .

[الخبير]

شف يالحبيب حرف M معناه تحكم يدوي في فتحة العدسة وسرعة الغالق والدقة وحجم الصورة.

لكن ما اعتقد إن المعلومة هذي كافية، لكن علمني بالي تبي وبإذن الله نبي نجيبه لك.

[المسافر]

مشكور اخوي الخبير
اتمنى شرح بقية الاحرف واستخداماتها
وكيف تتم عزل الصور عن الخلفية
وكثرة الازرار اللي على الكميراء الفوكس وغيره وش تدل عليه
اشياء كثيرة ودي اعرفها .
اهم شي عندي التحكم في الصورة يدوي كيف يتم وما هي الطريقة الصحيحة لاظهار صورة ذات جودة قوية .
اخوي الخبير لا تتعب نفسك اعرف اني كثرة عليك فالمعذرة
ولكن الي تقدر تفيدنا فيه من هل الكامير افدنا

[الخبير]

ابي أحاول اشرح لك قدر الإمكان
نظام الفيديو:
نظام الفيديو في هذي الكميرة رائع بحيث إنه يخليك تصور بالصوت والصورة حتى تمتلي الذاكرة. تقدر تصور بثلاث دقات: 640*480 أو 320*240 أو 160*120 كلها 16 فريم لكل ثانية

نظام إعادة العرض ( playback ):
هذا إذا إخترته تبي تطلع لك آخصر صورة أو لقطة أخذتها، ومن هذا النظام تقدر تشوف كل إلي صورته على الذاكرة من صور ولا لقطات فيديو.

الأوتوماتيك:
وهذا تقوم الكميرة بنفسها بقياس أفضل الأنظمة لصورة مناسبة ( من سرعة غالق و أيضاً التعرض للضوء وانت ماشي )

P وهذا تقدر تبرمج فيه النظام الأوتوماتيك وتغير فيه إلي تبي.

S تقوم بإختيار سرعة الغالق وتقوم الكميرة بإختيار الوضوح بالنسبة لسرعة الغالق.

A في هذا النظام تختار الوضوح وتقوم الكميرة بإختيار سرعة الغالق.

Scn هذا تختار فيه الظروف المحيطة ( تصور منظر ولا تصور في الثلج ولا على البحر وانت ماشي )

Setup هذا تختار فيه خصائص الكميرة

[المسافر]

اخي الخبير الله يجزاك 1000 خير على المعلومات القيمة
اخي كان عندي كاميرا من سوني سابقة وعرفت منها الشي الكثير
من طرق عرض الصور والفلاش والدقة وغيرها
سؤالي الاخير ( ترى اخر مرة )
اريد ان اعرف كيف تصوير الاشياء الدقيقة بحيث اعزل الحشرة مثلا عن الوردة
يعني تصير الحشرة واضحة والوردة مغبشة .
فما هي الازرار المستخدمة للذلك
وما فائدة الزر الدائري الاسود بجانب الزووم

[الخبير]

علامة الوردة هذي تستخدمها إذا بغيت تصور شئ قريب بالحيل مثلاً تبي تصور لك داخل الزهرة ولا حشرة على الزهرة.
وهو وجود هنا: ناظر الكميرة من عند الشاشة تبي تلقى يمينه اربعة أزرار محيطة بزر خامس. ناظر الزر إلي على حجاجك الأيمن تبي تلقى القبلة ، آسف غلطت بالوصف ناظر الزر إلى على اليمين تبي تلقى مرسوم جنبه صورة وردة اضغطه وقريب للي تبي تصورة وتوكل على الله.

بالنسبة للزر الدائري خلف الزوم والله للاسف الكميرة مهيب عندي ولا حتى كتلوجها لكن لو تقدر تكتب لي بالإنجليزي وش يقول الكتلوج اترجمه لك.

[المسافر]

ما قصرت اخوي الخبير
الاسم المكتوب على الزر
jog dial
(( شكلي باصور الكاتلوج من احد محلات سوني لما ازور الرياض ))

[مهيلان]

للرفع
لاهمية الموضوع

[عليان الليل]

ISO
وظيفة ISO هو عند التصوير بالاماكن قليلة الضؤ فهي تعطي
الصورة نوع من الضؤ الخافت...
ونوع من الدفء اي ان الصورة تكون جيدة .. مقارنة بالصورة
المعتمة.. وهي درجات من ISO100 حتىISO800 وقد تزيد
في الكمرات المتقدمة انظر الصور ودرجات ISO فيها
وكلما زاد الرقم زادت كمية الاضاءة والرقم المتوسط هو الافضل
بالنسبة للجميع ..
(اسف على الصور لم اجد الا هي امامي وصورته)
هذي ISO 100
هذي ISO 400
وهذي ISO 800

واي سؤال انا حاظر
تحياتي..
الصور المصاحبة
من كمرتي F717 سوني

[Khalid AlGhamdi]

جزاك الله خير على المعلومات الرهيبة

[دخيل67]

الله يرحمك والديك على المجهود الرائعه
ويجزاك خير
انا شريت كامره منوليتا 5 بيكسل
فضلتها على غير لانها صناعتها يابانيه بالكامل والبدى من المنيوم
وسعرها 263 دينار تكفى قولى مبروك0000000 =(:
مكفوله ثلاث سنوات على الوكيل = يعنى اذا تعطلت ابدلها بنفس النوع بدون تكاليف
مو كفاله تصليح
عندى اسئله استاذى العزيز لو تكرمت
1- كيف اصور شخص واخليه اوضح من الخلفيه ( كنه يبى يطلع من الصوره )
2- هل لها اضافات مثل السونى
3- شرح بسيط عنها اذا امكن
ولك منى كل الشكر

[عليان الليل]

حياكم الله جميعا..
اخوي دخيل67 ... على البركة ما شاء الله
1- تقدر من خلال التركيز البؤري ... يعني ركز على
الشي المراد تصويره بالايطارات الموجودة على الكمرة التي
على شكل مستطيل داخل العدسة .
2- والله ماعندي علم لكن انت راجع الوكيل.
3- والله ليت اقدر اشرح لك ..
واي سؤال انا حاظر..
تحياتي..