15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 2 من 4 الأولىالأولى 1234 الأخيرةالأخيرة
النتائج 16 إلى 30 من 54

الموضوع: ديوان الشاعر / ريف النشاما

  1. #16
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ياخط ليتك ماتمر الشويره=أللي على يمناك لأجنبت للدار
    وليت المهندس وجهك للعميره= ولا بعد غرب برسمك للأسمار
    وعليك مني يأسود اللون جيره=حيث ٍ فيها للصواحيب تذكار
    أولاد هجلا واليمان الشيطره= بربوعهم روس ٍ ومن صفوة أخيار
    والدين يجمعنا بها المستديره= يوم ٍ تونسنا وتاليه تندار
    وحقوقهم صارت علينا كبيره = ساعة لفاهم من بعيدات الأقطار
    ويا مرحبا ترحيب عد النويره = وأعداد ما فرحة نفوس ٍ بالأمطار
    و يابو دحيم بالضماير سعيره = تلهب حشاشة جوف كاظم وصبار
    والعبد يعرف في حياته مصيره =إن طاع جنه وإن عصى قدمه النار
    والعمر فاني والليالي مغيره= ياما على جيلانها ذقت الأمرار
    وهاذي صروف الوقت لازم نديره= بأمر الإله ونقتفي درب الأخيار
    وحذرى من الحيده تراها خطيره = يابو عمر ياصاحبي طير غيمار
    ويابو عمر شوفي لصافي غديره =عندي الذ من الغنادير الأبكار
    ومسايس المقهور بأرض الزبيره=بالقلب له شان ٍ كبير ٍ ومقدار
    وبأختامها تسليم ماطار طيره=على النبي الهاشمي خير الأبرار

    ****

    رابط القصيدة بالردود هنا
    التعديل الأخير تم بواسطة ريف النشاما ; 14/02/2005 الساعة 07:02 AM

  2. #17
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ((( أول الغيث قطره ..... سهيل ..... )))


    سهيل بين وانتشى فيه مكشات = وقامت علوم القوم تلفي علينا
    وأهل البراري والمكاشيت زرفات = على الغرابي يشترون الثمينا
    من العزب والفرش وقدور كتمات=وحنا بعد من ضمنهم قد شرينا
    وأهل الصقور اليوم وأخص بالذات = ميراج والفيتو بقافه حدينا
    يبغالهم يأصحابنا اليوم طربات= بين القنوص اللي شمال ويمينا
    أما أبو عايد سنيد الملمات =ذاك الذي بالقلب قدره مكينا
    طير السعد مرباه راس الطويلات = ماهو من ألي بالذرى مستكينا
    يشوح عمره مايهاب الصعيبات = عقب الكواسر أشقر ن ما يلينا
    يمسي ويصبح في خلي الحمادات = يلوف عمره مثل ذيب ٍ شطينا
    ولا واهني من قفظ العفش رزمات=وقفى مع أللي خوته مشترينا
    لاكن ظروف الوقت هيهات هيهات=خلت عجاج القاع يكبس علينا
    يفح واحدن كما فح حيات = وعلى المخده دايمن له حنينا
    مايطربه شوف البكار الحسينات = في مرتع ٍ مافيه جرت قطينا
    ولا يطربه ضوح البروق البعيدات = لا خلتها في راس رجمن بلينا
    وصوت الرعد جاوب دويه بنغمات= عزاه ياله في فؤادي حنينا
    وشوي إلا ريح وبله بنسمات =يطرب لها من للبراري خدينا
    ويفرح لها قلبه ويهتز هزات = من عقب ماهو بالمباني سجينا
    وينوح نوح الورق بين ا لجريدات= ويرفع بعال الصوت قاف(ن)حسينا
    وليا إستهلت وأمطرت بالبركات = قام يتهزع فوق جيب ٍ أمينا
    وليا لقاله دامث ٍ به شغيات = نوخ على جيلانهن الفطينا
    وانزل معاميل ٍ على الخير سمحات = في جال ضوء بالغضى مشعلينا
    متعوداتن للمواجيب طرفات = في يد زحول ٍ قدرهن عارفينا
    ومن عقب فنجال من البن مصفات=قام يتمغط مشتهيله لبينا
    وقام وتحدر مع ليانن ثريات = يومه تريق بالقريص وسمينا
    وأقبل يحوف الزول يمه نويقات = من عقب مالوح لهن باليمينا
    ويومه لفا وأقبل لقاله قريصات = وحول عليهن والولي لي يعينا
    وعود على شقرن على الجمر مركات = وقام يتقهوى والظعن راتعينا
    وخوينا ياكن تحته جميرات= حران يبغى شخبة ٍ لو شوينا
    ويومه تيقن بالعلوم الرديات = قفظ عفيشه وإعتلق بالبطينا
    وشغل جهازه وأكد البحث مرات= عن النشاما أللي تفك الزبينا
    يبغى معاهم لأقبل الليل طربات= من العلوم الطيبة والسمينا
    ويقضي معاهم بين روحه وجيات= أيام تذكر بالشرف لا حكينا
    بعلوم ربعن زاكياتن جليات = بالبل والمكشات و القانصينا
    مثل القمر ذ الليل ماهي خفيات= يازينهن يأخوان بالراحلينا
    وختامها مني سلام وتحيات = للربع في مكشات والحاضرينا
    رابط القصيدة بالردودهنا
    التعديل الأخير تم بواسطة ريف النشاما ; 14/02/2005 الساعة 07:09 AM

  3. #18
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    """""""""""""""""""
    """""""""
    """"
    ((( وداعية))))
    ========
    ====
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وداعيةٍ يأصحبنا يآهل المكشات=وداعيةٍ حرى ولا عاد تنسوني
    وداعية ٍ والقلب فيه الحزن هيهات = على وقتي ألي راحِ ياكيفِ بعتوني
    وداعية ٍ والأمر لله والمشكات =حسيبي على الكانونِ ألفيني مليوني
    علينا جنت بالبكسل ألي لها والشات= والأنقلِ والزوماتِ وأوزان ِ وأفونوني
    وتريح أبو عزوز من شيل ود وهات=على ستيديو التصوير ياكم غثوني
    وتحميض وأفلام ٍ وروحات مع جيات= وشغل ٍ مدمشق عقب ِ ماعميت عيوني
    ولاكن تراني يالربع أحمل الشرهات =على الي يعرف الفن والفن مرهوني
    علينا بني تحميض ماهو على البكسات = وشين توماتيكن والأنتاج موزوني
    غشامه غشامه طقها والحق الكورات=ونسيتم بأن الفنِ بالجهد مقروني
    ولاكن زمان اليوم ماهو مثل مافات=زمان التطور ضيع ألي يحبوني
    ولاكن نبي نصبر وندمح لك الزلات= ألا يافتى عكاش مادام ِ عافوني
    وأودعك يالكادي وأسيل لك الدمعات= وأقول أنتبه تنسى عشير ٍ ومضنوني
    ولآ الوم يالرحال ربعك هل المكشات= بدروب التطور لازم انهم يسيروني
    وتحيه تحيه والوداع أشعل أللوعات= وشبت بقلبي وأحرقت فيلم ِ مضموني
    التعديل الأخير تم بواسطة ريف النشاما ; 04/12/2004 الساعة 02:46 AM

  4. #19
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    السلام عليكم ورحمة الله وبركاته
    أحبابي الكرام = هذه ردود ومداعبات لأخونا أبو عزيزززز على قصيدة الشاعر المبدع
    أبن دويرج .... أرجوا أن تنال رضاكم ونعتذر بها عن الزلل

    ((البدايه))

    مرحباً بالي لفانا وارتمى له في قصيدة هاوي= شاعرن بالقاف يلعب..والقصيده واردن ساقيها
    من سبايب غروه الي بالهجر والصد له ناوي=عايش بدنياه ضايق من عذابه.. لــــــــــــــو سلا فيه

    """""
    """""
    الهوى والعشق فتنه قصة يختالها من سرى بالدرب ثـاوي=والصبر والكتم حلن لأبتعد مضنون عينك وحالتك يدريــــها
    اتركه لاصار همك فوق همه يرسمه بالقلب كــــــــــــــاوي=يكتبه بالدرب عبره تجمع الفرقى من اولها لتا لــيـــهـــــــا
    والخليل الي يتعنى للمعنى بالشقا والــــــــــــــــدرب خاوي=ذاك بستانه هشيمٍ مالك الله يستحق العشق فيـــــــــــــــهـا
    لا السواقي لاالبواقي والتراقي لا سنين العمـــــــر تـاوي=أرحم النفس الحزينه واذكر الله ثم عود لاتهقــــــــــــويهــا
    فأن حصلك وأنعزلك ساكن الخبه وانـت في مرماه قـــاوي=فأقنصه ياذيب وابحرفوق أمواج تلاطم لين تخفيهــــــــــــا
    """"
    """"

    يأبن دويرج قافكم للعشّق والعشّاق والحزّان والسمّار عاوي =يرسم الأهـات شعـرن والحـروف احـزان دنيـا شاقيـاً ساليهـا
    سارحن ساري يجواب كل نغمة كل زفره مدلجن بالليل قاوي=ظاهرن في راس رجمن يجذب الونات لأجله والقـدم محفيهـا
    قـول عبـدالله تمـامٍ بآخـره وضـح وبـيـن كــل فعـلـن للهواوي=وأجفلـت كـل الركايـب والمطايـا مـن بيوتـه رابحـن شاريـهـا
    والمحبه في زمان اليوم ياعـزاه كـل يشتكـي منهـا المكـاوي=صادحـن بأشـواق حبـه والمحبـه والخليلـه هايـمـن معطيـهـا
    آه..ياليـلـي وعيـنـي.. لـيــل عيـنـي..فـي هـــوى الحـسـنـاوي=هـيِــك صـايــر تـايـهــن طــوقــان عـشـقــه دايــمــن يتـلـيـهـا
    الفصاخه والمصاخه بالمسلسل والبرامج كلهـا للشـر حـاوي=أيش قولوا ياجماعـه إستفدنـا وش صنعنـا فـي ذرى غانيهـا
    آه .. ليـتـك ياعـمـر تظـهـر وتنـظـر ماحـصـل عقـبـك بــلاوي=الكـلاب الـزرق صـارت همنـا والعيـن لأجلـه سيـلـت واديـهـا
    """""
    """""
    أبو عزيززززز

    لأجلكم يابوعزيززز القاف لجّ لجّ وإستفجّ وجاك ضاوي=وأنحدر عيرهْ تقفت سيل وقعنّ مسبعن لّه فيها
    بالحكاوي والعطاوي شادِين صداح يِِـطرْب لأجلكم كل الغناوي=كالغصون اليّ تهاوى مايلاتن كل ماذعذع نسيمن مال فيها
    فـزّ منّي فزّة أليّ فـزّله فزّه برِيعانن خلاوي=وإنحدر يومه تعلى خافتٍ للخرب وأيقن صيدتله فيها
    يرتجز تعبير شعرٍ يرسمه لأجلك سلامن مع تحيهْ بالحداوي=لك هديهْ لك عطيهْ مع جروحن غايراتن والحشى حاويها
    سايراتن سارياتن فوق شدّان الحزن والهم بدروب الشقاوي=يرسمن عبرهْ ونبرهْ فوق صفحات الزّمن والعنـا يرويها
    شاكياتٍ باكياتٍ نايحاتٍ بالليالْ الهيم وفراق السلاوي=عفتهن ماشفتهن بالقلب يوم حلّن وإستحلّن وأثرني عانيها
    ساكناتن بالمواقي والبواطن سارحاتن دون رعيانن وشاوي=أزملني وأذهبني وأوردني للعدود الي هماجن قربتي راويها
    يالله أني ياعزيز بلطفك الى حاوين كل الشكاوي و البلاوي=أرحمن يارب وأغفر كل زله سقتها باقدام رجلي يوم أنا ماشيها

  5. #20
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    قصيدة رثاء في سماحة الشيخ محمد بن صالح العثيمين
    قدس الله روحه بالجنه وجمعنا وأياه
    في مستقر رحمته


    عزاه ياقلب ٍ به الجرح ماطاب = ولاضنتي يبري بباقي سنيني
    جرح ٍ عطيب ن غايرن بين الأطناب= على الذي له في فؤادي حنينين
    شيخ ن جليل ن عقبه الهم لعاب = بالنفس يابندر وقلبي حزيني
    وذكرى لقاه بكل لحضة على الباب= تجتال في عقلي وروحي وعيني
    اللي بوصفه ياعرب يأهل الألباب=ضاعت بيوت الشعر يالمسلميني
    شيخ ن بقيه للسلف وهم والأغراب = وضلع ن رسى في سكة المرجفينين
    ولكل هيعه ياعرب كان حراب = يجلا بسيف الحق والعلم ديني
    بالفقه راسخ وبفتاويه مرتاب = ويشرح فنون المسألة في يقني
    بحر ن غزير وبالملمات ماهاب = بالجود والمعروف سخي اليديني
    وبالزهد له مصدر ومنارد ومرقاب= يرقى عليه إليا إختلط فيه شيني
    والبيت مايبنى بلا عمد وأطناب = والعز مايجنى بشين هويني
    ياكود من يرقى على كل الأصعاب= بالعلم والتقوى وجهد ن ثميني
    وبأختامها يالله يارب الأرباب = ترحم فقيد ن في ضميري مكيني
    حبه وشوقي له .. وعني فلا غاب = خيال ذاك الشيخ بن عثيميني
    وفي جنة الفردوس يامثيب الأحباب = في ظل عرشك يوم كشف الدفيني
    إجعل قرار الشيخ ياخير وهاب = بين الرسل ماواه والفايزيني
    وصلاة ربي عدّ ماهب هباب = على محمد قايد الصالحيني

    ****


    التعديل الأخير تم بواسطة ريف النشاما ; 14/02/2005 الساعة 07:24 AM

  6. #21
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    أحبابي الكرام
    هذه مداخلات مني ومن الأخ مالك - لوالده أبو مالك في رحلة مكشاتيه قبل ثلاث سنوات تقريبا
    أرجوا أن تنال رضاكم ودمتم بخير
    "
    ((((أحاسيس ومشاعر (أبو مالك ) تجاه ابنه))))


    بديت باسم الإله أبيات معدوده=أبيات رتبتها قدام لأكتبها
    يامالك آمال عودك في معقوده=آمال تكفى يامالك لاتخيبها
    لاتصير أسير الهوى وإبليس وجنوده= وتضيع المرجله وأنته سبايبها
    طبق تعاليم دينك واحفظ حدوده=أن كان تبغى السعاده هاذي أنسبها
    أبوك دايم معك بأعصاب مشدوده =يخاف من ميلة ن يخشى عواقبها
    هذا الزمن مختلط برقه مع رعوده = زمن حروب وفتن شبت شبايبها
    الرجل يطلع بنور العلم وجهوده=جذاب للخير والطالات يكسبها
    خلك كما عدّ بالماء يروي وروده = وخلك كما مزنة ن هلت سحايبها
    صاحب هل الطيب يظهر طيبك بزوده= وأحذر رجال المعاصي لاتصاحبها
    يا منبع الطيب ساس آباه وجدوده= تكفى علوم الرجوله لا تخربها
    وصلي عدد ما سجد عبد ن لمعبوده =على الذي دعوة الرحمن قام أبها


    """"""""
    """"""
    """
    "
    ((((( رد الأبن مالك )))))


    حييت يابوي فالروحه وفالعوده =ترحيبتن من هواجيس ن مرتبها
    أزفها مع عبير المسك ووروده =من شجرة الطيب جامعها وجايبها
    مع غيمة أبها ومع بارد هوىالسوده= جاتك تخطى منثرة ن ذوايبها
    المرجلة والثقه بالنفس موجوده= أتبعد السالفة ولا تقربها
    مادام عني دروب الشين مسدوده = واللي تحسب لها حنا نحسبها
    ارتاح وأبنك يشب النار بزنوده=ويتعب لأجل يكرم اللحيه وشاربها
    ويسوق معك الجمل قدام ويقوده=بالمملكة بين مشرقها ومغربها
    والوقت محدود والأعمار محدوده= وأيام عمرك تقضى مادريت أبها
    ومن لاعرف سر خلق ويش مقصوده = بكره ليا دارت الساعه عقاربها
    واللي يخلطون بيض الهرج مع سوده =وناس ن تحارب عقيدتنا نحاربها
    وعلى الذي سيرته بالخلق محموده=صلاة ربي عدد ذاري هبايبها


    """"""""
    """"""
    """
    "
    ((((( مداخلة أخوكم ــ ريف النشاماــ )))))

    بسم الله أبدى وأشارك مالك وعوده=ياسامع القاف إذنك دن غاربها
    حيث القصيده لها أبيات مردوده=من قول (مالك) و(عوده) قبل رتبها
    وصحة لسانك يابو مالك على الجوده = بالوزن والقاف والمعنى مكربها
    وهذا القصيد الذي نبغاه ونروده= يامالك الله يفرجلك كواربها
    نصيحة ن عن ردي القول محدوده=ولاهو مشرق بها ولاهو مغربها
    مركوزة ن في صميم الجرح معقوده= فيها بيان الدواء والداي جايبها
    وبستان عودك يامالك فاحت ورورده=بالعود والمسك والسكه مجربها
    والشرح واضح ولا نرغب على زوده=ومن يرغب المرجله لابد يرقبها
    ومن ضيع الدين دمر عالي سدوده= وأصبح كما الكلب يلهث في خرايبها
    والشيب لالاح بالصابر مع خدوده= بروس الرجاجيل ذاك الحق يقربها
    وعزي لمن ضيع الوالدين مقروده= نفسه بدنياه مشْقيها ومتعبها
    ويامالك أحفظ وصاة العود وقيوده =ياطالب الفوز بالجنه وراغبها
    وهاذي مجرد تعابيرن لمسهوده = وصلاة ربي على الماحي وعاقبها

    """"""""""""
    التعديل الأخير تم بواسطة ريف النشاما ; 14/02/2005 الساعة 07:35 AM

  7. #22
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    أحبابي الكرام
    السلام عليكم ورحمة الله وبركاته
    أهديكم هذه المداخله الشعريه لقصيدة أخي نهار بطلب من أبو سهيل
    """"""""""""""""""""
    """"""""""""""""""""
    == قصيدة / الأخ نهار ==

    يا محلى ياخوي ضبط الدلالي=مشروبها يبعد عن الراس الاعماس
    في مجلسٍ ما فيه خطو الثقالي=اللي عقوله ما بها غير وسواس
    الا رجالٍ من اسباع الرجالي=فعولها ما غير عزٍ و نوماس
    الله خلقهم للكرم والمعالي=مثل الحرار العز فيها من الساس
    احمس لهم حبٍ من البن غالي=وبالك عليها خلها تقعد الراس
    ولقم بدله وسمها حد صال=خله تفوح بصالي الجمر بقياس
    وزله وبهرٍها بزين الدلالي=مثل العروس اللي زهت زين الالباس
    احسن عمل رسلان من الغوالي=اللي ليا شفته تحس بوناس
    سقها وخل العفن ماله مجالي=واقضب طريق العز والعز نوماس
    والعمر محسوبٍ بيوم وليالي=وش لك بدنيا حدها تعد بنفاس
    وخل الذي همه يعد الريالي=اللي مثل ما قيل للمال حراس
    ما هوب ايكيييف بالجراهيد سالي=ولا هوب يفرق بين خبه والاطعاس
    الله خلق بالارض حسن وجمالي=وبدع لنا بالكون من كل الاجناس
    وسط الفيافي تحت بيض اليالي=والجو هادي والهواء بس نسناس
    تسوى رصيدٍ في يدين (ن)محالي=لوهي ملايين(ن) تسجل بقرطاس
    وصلاة ربي عد وبل الخيالي=على نبين(ن) وضح الحق للناس


    معارضتي


    يامرحبا بالي لفانا يلالي= بالقاف قافك يانهار ٍ له إحساس
    وهذا جواب ٍ للكريم الموالي = ألي علينا وجه الرد يا ناس
    أبو سهيل الشهم شهم الرجالي = عذب المعاني أشقر اللون قرناس
    وأحترت أنا ما بين حسن المثالي= ونضم القصيده والمعاني كالأجراس
    للشاعر الموهوب ذيب العيالي= ألي لزينات التواصيف عساس
    بالشعر ذوقه ياجماعه خيالي = والله بيوته نادرات ٍ بالأجناس
    أبو عمر يابو عمر بالمقالي = حيرتني ياخوك والله محتاس
    لأني بغيت الرد عجل ٍ بحالي = يوم أبحرت بي القوافي عن الباس
    ويومي وصلت لخاتماتك بامالي = هـــزّ الفؤاد ألي له القلب مجلاس
    أبو سهيل ألي من الحب كالي = في منتدى مكشات أخماس وأسداس
    لأنه عريب الجد هو والخوالي = فعل النشامى مسإسينه على ساس
    والله وهب له بالمحبة مجالي= فعل الخبايا دايم الدوم هجواس
    وانته علينا طلتك خير فالي = مثل البدر في ليلة ٍ مابها عماس
    سقت الشعر والبيت بأحسن مجالي= يابوعمر انته لنا اليوم نبراس
    ولاعاد نبغى غير شقر الدلالي = والعود الأزرق للمناعير نوماس

    """""
    """
    التعديل الأخير تم بواسطة ريف النشاما ; 13/02/2005 الساعة 05:03 PM

  8. #23
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    بسم الله الرحمن الرحيم
    قال تعالى( ولا تحسبن الذين قتلوا في سبيل الله أموات بل احياء عند ربهم يرزقون )
    وقال تعالى( واعتصموا بحبل الله جميعا ولاتفرقوا فتفشلوا وتذهب ريحكم )

    " أنا لله وإنا اليه راجعون "

    أحبابي الكرام : أحسن الله عزائكم في مصائب أُمتنــا وعظم الله أجركم
    ( مشاركة لأخواني المسلمين في أحزانهم )
    …هذه القصيده تأخرت وأحجمت عنها
    ولكن تجدد الأحداث جعلني آتي بها……
    (شيخنا الفاضل المناضل)

    ألا وعذاب القلب يومي قريت حروف = رساله لفتني بالعزاء عقب الأشراقي
    تذكر..تصبر..والمدامع تغط الشوف= من حروفها الي صوبني بالاعماقي
    على شيخنا الفاضل سليل المجد معروف= قريت البلاغ الي يخبر بالأفراقي
    قضاء مالنا عنه هجيجن ولا مصروف= وكل على هالدرب للموت منساقي
    ولاكن بلاي الي فؤادي منه مشعوف= جحيمن توقد بالحشاء والقهر فاقي
    على جسمه الناحل وكرسي ولفة صوف= صواريخهم ماعاد خلته لهن باقي
    وحنا زعلنا وأنتفضنا ردود ضروف= وفي مجلس الأمن الموقرلنا شهاقي
    وجانا جواب الي علينا قرا المزروف= مختم بفيتو بوش والشجب مالاقي
    ألا.. يالعرب هبو وقوموا جمع وصفوف= وردوا جوابن صادقن مابه فتاقي
    عزيمه عزيمه ياسلايل هل المرهوف= ترامابهم للحرب مكذى ونعاقي
    يهود اللعينه غدرهم بالكتب موصوف= حسيبي عليهم كل مالاح براقي
    ولو مال شيخي في فؤاده حزا وحفوف= (حمار اليهود) إن كان ماصار عملاقي
    يقود الجهاد وهم قلبه يلوفه لوف= على نصرة الأسلام والقدس سباقي
    قضى عمره الي انتهى والحشاء ملهوف= لجنات خلد العدن والحور تواقي
    وصلاة الله الهادي عدد مايشوف الشوف =على قايد الغُـر المحاجيل الأعراقي
    التعديل الأخير تم بواسطة ريف النشاما ; 14/02/2005 الساعة 08:06 AM

  9. #24
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ياقاف وين أنصابك اليوم ياقاف= وأي الحبايب بالقصايد ننوحي
    ماهي علوم أول ولاهي بالأرياف= فجيعةٍ حلت بقلبي وروحي
    منها عيوني باكياتن والأطراف= ترجف وصاليها بصدري يفوحي
    هاتي حروفكْ يالقوافي والأوصاف= هاتي وهاتي لاتصيري شحوحي
    نبغى نعزي بالشعر نسل الأسلاف= الي سناهم بالكرامة يفوحي
    ماتو وفازو بالشهاده والأشراف= عفوْ وشفاعه قبل روحه تروحي
    وفي جنة الفردوس في عال الأغراف= حور ونعيمن في منامه يشوفي
    ويالله ترحم العزيزين الأحناف= الي قضوا غدرن وحنا نشوفي
    ويالله يارحمن بارك بالأخلاف= وأجبر عزانا بالمصاب الشغوفي
    ويالله يامنزل تبارك والأعراف= سلط على العدوان سيفن ذروفي
    التعديل الأخير تم بواسطة ريف النشاما ; 14/02/2005 الساعة 08:11 AM

  10. #25
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    شارون يقصف بالصواريخ ماهاب= أمسن وقبل امسن وبكره وهاليوم
    وأصبح على كيفه على الكيف لعاب= ولاهو بوضع اليوم ياناس مليوم
    أمس أحمد الياسين واليوم منصاب= عبد العزيز ومهجته لحقوا القوم
    وتوه بعد يعلن ويحسب له حساب= ويقول انا في ديرتي صرت مضيوم
    وحنا نتهارش كننا ساكن الغاب= وفي كل ديره جرحنا صار مكلوم
    وبأختامها يارب ياخير وهاب= تجمع شتات امة محمد على الدوم

    *****
    رابط القصائد الثلاث بالردود هنا
    التعديل الأخير تم بواسطة ريف النشاما ; 14/02/2005 الساعة 08:11 AM

  11. #26
    تاريخ التسجيل
    Mar 2004
    المشاركات
    7,660

    مشاركة: ديوان الشاعر / ريف النشاما

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    الحمد لله على البقا والسلامه = يابو شكاع اللي نحبه ونغليه
    اللي علينا لافين بأنتضامه= ورسمه وحرفه شادين صادحن فيه
    والموقع اللي بان فيه إهتمامه= وشرحن متكز بالسوالف محليه
    يوم العراوي خاوته كالحمامه=تمشي على يمناه ونوبن تباريه
    يازينها ياحلوها كالغمامه=عفشك تشيله وقاصي الدار تطويه
    وياجسرها ياقوها بالقدامه =لاخاوت اليوكون بالخط تتليه
    ولامن نزلت الخب فيها نهامه= تبغى جبن سوبر من السوق نشريه
    يومه تشوف الربع كلن مقامه= يطلق فعل يمناه وجهن يحليه
    وترى الدداسن ياعليّ اليمامه=في رسّنا للجيب تعلن تحديه
    شفها تلوف الدار كنه غلامه= والصلب والصمان تاطى جواديه
    وفعله تشوفه بالصور لاكلامه=معترضتن بالخب والعفش فوقيه
    في رحلة الميون صارت علامه= ابو شكاع وكل منهو مخاويه
    شف حالهم وخيامهم ياسلامه=والكيمره ترسم لنا ماتعانيه
    بل وبلايل والحوير شهامه= الديس فكه مستحي لانراعيه
    وعقبه تلاها للرديفه تمامه= ربيعها اللي يشرح النفس زاهيه
    وأمسوبها ياريع أهل القرامه=والصبح قفى للذي هو معنيه
    خبراء البخراء ربيعها به دهامه= شين نشوفه والتصاوير تحكيه
    وبيت الشعر محلاه (دشه خمامه) = يالله تعدلها عن الميل شاقيه
    وعقبه تفتح بالتصاوير بابه =ابو شكاع اللي على القاف نتليه
    مر ن ربيع ومر جمسن هوابه=ومرن قدر كاتم على النار حاميه
    وفيه الذي من قرب راحو وجابه=خروف أبيض كامل الوصف شاريه
    من عقب ماصاروا هواش وطلابه=لحول والله من حلالن يقنيه
    لاكن عليك الصبر وإرجى المثابه=ومن لايدوس القرش يرقد بصاليه
    وشي يضحك وإن سكتنا نهابه= والله عجايب يازمانن نعانيه
    راع الأباعر الأباعر مشابه=على المقير هقوتك ويش حاديه
    والعنز والد راعيه ماعنابه=يافرحته بالتيس لاحل طاريه
    ومنها دننا و(بُه) حلا الدار ذابه=ابو شكاع أوآآآآه ليتن مخاويه
    بأطراف شوكينا مراحب هلابه=وتنهاتنا المزيون تطرب ذواريه
    لوهو ربيع ن دون ماينغزابه= فيكم ألا يالرس واللي حواليه
    وختامها ختمّ وصايا جنابه=ابو شكاع ن للجماعه سؤآآآآليه
    يازينها من رحلتن به غرابه= جبن وخروفن مع طحينه أويلييييييييه
    وصجه ولجه وآخرتها حصابه= ميه مع ميه ...حصايد موااانيه
    أبك أبك أنا يومين... معكم شخابه=إن قل سبعن وإن رهن الف حاويه
    ويومك تقول وتعلنه بالملابه= شوف الموضف.. بالمكاشيت مابيه
    أنته علامك تحرقه في عذابه=والواجب إنك في دوامه تعزيه
    هها ..تكلم.. لاتحاول هرابه=ولا الموضف.. يالمدرس.. معاديه
    لحووووووول ياوالله علومه غدابه=أجل (ضعيف الله) ياكيف تاتيه
    لكن على الله.. وكل قصدي دعابه= ويسلم لنا الددسن وجمسن مخاويه
    ******
    رابط القصيده والموضوع

  12. #27
    تاريخ التسجيل
    Mar 2004
    المشاركات
    7,660

    Post مشاركة: ديوان الشاعر / ريف النشاما

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    الـحـمـد لله مـــن عـزيــز الـجـلالـي=جـانـا المـطـر وغـــردن العصـافـيـر
    هــل وتـحـدر مــن مــزون ٍ جبـالـي=بفضـل الإلــه ورحمـتـه يالمناعـيـر
    والـبـرق بجنـوبـه يشـعـل شـعـالـي=وصوت الرعد يرزم معا تالي الخير
    مــزن ٍ إلـيّــا عـــدّا إلا لـــه تـوالــي=سحايـبـن فيـهـا المـطـر والتباشـيـر
    يوم السبت من عقب وقت الزوالـي=وثلاث حكمن عقرب الساعـه يشيـر
    ومن سطح أبو صالح قراح ٍ زلالـي=سيل مع المرزاب وبالشـارع يسيـر
    والجـو بـرد وان سـمـح فـيـه بـالـي=وعقب العصر يافلان وقت المسايير
    """"""
    """
    رابط القصيدة
    التعديل الأخير تم بواسطة ريف النشاما ; 03/03/2005 الساعة 09:09 AM

  13. #28
    تاريخ التسجيل
    Mar 2004
    المشاركات
    7,660

    Post مشاركة: ديوان الشاعر / ريف النشاما


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    """"""""""""""
    """"""""
    النفس ضاقت عقب مرتاع ساحـوق=ولاعــاد فيـهـا للمـطـاريـش حـيـلـي
    لكن على الله ويأبن الأجواد ملحوق=الــرزق بالدنـيـا ولــو فــوق خيـلـي
    وأنـا هوايـه يافهـد مـع هــل الـنـوق=ودر البـكـار إلـيـا بـــرد فالصمـيـلـي
    وفنجـال بـنـن حاكريـنـه عـلـى روق=فـي قـاع رمثـه فـي شعيبـن خميـلـي
    والبـال رايـق والقصايـد لهـا شــوق=والقـاف يطـرب للـحـدى والمشيـلـي
    وأنته معي ياصاحبي صافـي الـذوق=وعوضه وأبو ثامـر وزبـن الدخيلـي
    اللـي لشوفـه داخـل القـلـب خـافـوق=أبــو دحـيـم نـعـم بــه مـــن خلـيـلـي
    ونقضـي لنـا ايـام بالـدار مـن فــوق=سلـوه مــع الأجــواد قـبـل الرحيـلـي
    واليـوم لـه ذكـرن بقلـبـي ومعـلـوق=وأحـن لـه فـي كـل دعــب ومسيـلـي
    وأنوحهـا فـي كـل قـاف ن وطـاروق=عشتـه ولا جـاء عقبهـا لــه مثيـلـي
    """"""""
    """"
    رابط القصيدة

  14. #29
    تاريخ التسجيل
    Mar 2004
    المشاركات
    7,660

    مشاركة: ديوان الشاعر / ريف النشاما





    - شعاااال -

    رد على قصيدة الأخ - شعال التاليه

    ريف النشامى مع التحيه

    كل ما د خلـتلي موضوع ابي اعتمد ردي=فاجأتني قصيده لريف النشامى تلالي
    من كثرها عديتها وأغلط وارجع أعدي=مبسوط انا من كثر ما غلط اول وتالي
    في كل مره نذوق الحرف حلـو امتعدي =كن القوافي تجيه ... ولا بغاها يأشر تعالي
    صدقني احـب اقـرأ قصيد تـك وحدي =حتى تكون حروفها... ملـكي وليَّـه لـحـالـي
    من كثر ما اقراها تقول ارجوك هدي =بعثرتني واتعبتني ... ولا عـاد تـقعـد قـبالـي
    أرجـوك يالـنشـمي كان القصيده تردي= قــله تـرى شعَّااااااااال ... مـعـجـب شمـالـي

    *******

    أخي شعاااال

    أستلم يابعد حيي .............والله لايهينك
    يا صاحبي شعااااااااال هاك المردي=هاك البيوت ألي على كل منوالي
    باسمك ورسمك وصفتي ما تردي = تستآهل التقدير ياطيب الفالي
    وحنا ترانا دونكم مانعدي =العود لامن شذ عن شجرته بالي
    وإن كان به توفيق لازم يردي = بعد الإلهْ.. لـــموروثنا الغالي
    والكل منا لي خويّه مسدي=وليا أجتمعنا نرفع البيت بالعالي
    والقلب والله يجماعه يودي=جميعكم.. أوّل.. ولا فيكم التالي
    واخص فيكم خص ذيبن مسدي=شعااااال ياشعااال شهمن ورجالي
    كل القصايد كلها مانعدي=لأجلك رهنته كلها وأحكمت الاقفالي
    وأشكرك يالغالي على ماتبدي=من شآني الترحيب في زين الأمثالي
    والشعر ياشعااااال ماهو تقدي = الشعرياشعااال هاجوس ألأحوالي
    لاهاض من قلبك ترى مايصدي=لانه شعورن صافين فوق الأجوالي
    وكل القوافي تجتمع مايندي= منها عن المحبوب لو وزن مثقالي
    كله طرب.. كله تنادي تحدي= للهم والهاجوس ياقف بمنزالي
    ياكيف لا والقصد عندي وردي=للي لفاني بالقوافي بمدها لي
    في خيمة الموروث جانا يفدي=شعااال ياشعاااال ياليث الأدغالي
    ياطير حرن ضارين بالمهدي=قصيدتي فيكم حروفه تروّالي
    لكن قليل الهرج خير المردي= ماقل دل وبه غنا عن كثيرات الأقوالي

  15. #30
    تاريخ التسجيل
    Mar 2004
    المشاركات
    7,660

    مشاركة: ديوان الشاعر / ريف النشاما

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صفحة 2 من 4 الأولىالأولى 1234 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •