دمعة (أبو متعب) على الخد هزت = هزت ضميري وأشعلت فيه الأشعار
وهزت وفزت ومنها الروح نزت=وجاوب (هميله) صافي الدمع مدرار
على(فهدنا) ساع بالقبر صفت= من فوقه اللبنات والطين يندار
والله لوإن العين من الدمع جفت = لتذرف الدمعات دم ٍ بها سار
على الذي شاهدت وأيقنت رفت=مشهد يهز قلوب عالين الأذكار
(العاقب) اللي ماخبرناه جفّت= لمثل هذا دمعته سر وجهار
نبينا اللي منه أخبار زفت = للي موحد جنة الخلد له دار
عليه مني عد مالشمس هفّت = أزكى صلاة مع سلام بتكرار
وعثمان جانا منّه أخبار عزّت= كم دمعت ٍ سالت على خده أمرار
أمر الولي سنه ولا منه عفت = النفس تمشي في مماشيه مختار
ولأحد ٍ يلومك يا حزين ٍ تلفت= باللي يمين القبر واللي على يسار
الكل منا جمرة الحزن حفت =حفت فؤاده ساعة العسر وأقدار
على فهد ، نفس الفتى ماتعفت= الكف بيضاء والفعل عم الأمصار
ويالله تعز نفوس بالعسر مأفت= وتجبر عزاها يا عليم ٍ بالأسرار
وتخزي نفوس ٍ تحسبنه تشفت = منا على فرقا طويلين الأشبار
ماتدري إنه بالموازين طفت= حنا هل التوحيد والعلم له شار
واسلم (يابو متعب)على الخير خفت = أحزاننا في شوفتك حاكم الدار
والحمد لله وكل أعاديك سفت = بخايب فعوله من رمادة هل النار
يوم الله الوالي جمعنا وزفت = بشرى الولاية مابها سوء وأكدار