ديوان الشاعر / ريف النشاما

[ريف النشاما]

ياماحلا المشوار وقت البرادي = مع صاحبلي خوته تطرب البال
صوب الديار الي سبن الفؤادي = مسند لهن بعصير والجو مخيال
والمزن ناشي مقبلن له رعادي = والبرق لوّاحن كما لمعت الّلال
وأنصب وبل عقب رش ورذاذي =وقعن تحدر بين شاهد وسيال
يازينها يطرب لها كل حادي = وايضا دواء قلبي وبلسم على الحال
وما عاد يبغاله كلام وعنادي =عقب المطر حالتها حكر فنجال
في سيح من له في ضميري ودادي = ( هضبة طميه) قربها يشرح البال

هـُـــــــــــمـّـــــــــــن

على ديرة الغالين سندت له زاير = شفيع البشر كله وأبوبكر والفاروق
وعقبه لزومي بأقضيه وأرضي الخاطر= وأعود على ديرة ربوعي ومكشاتي
وأقدم لهم تقريرنا حاضر بحاضر = وعلوم وقصص جتلي وبعض التصاويري
نوينا صملنا قم مشينا على الطاير= وعفشي أقول أقعد بلا عفش يوذيني
غريبه عجيبه رحلتي بأمرها حاير =عسى الله يتممها على خير يافلاني
عكاس بعكاسن يالربع رحلت الشاطر=وهاذي نتيجة دوم فعل المطافيقي
بـدينا بمطره يالربع تطرب الخاطر=وثـنــا لها عجن لـه أيام معــمـيــني
وعقب العجاج انصب في تاليه ماطر= غسل كدرة العاصوف بعصير ورفوقي
ورحنا نصور وآثر الفلم ِ ماداير=سقط من عموده وأصبحت لفته بوشي
بروق ورعود وكل شين وأنا ساير= يشد انتباهي قلت به عندكم فوزي
وعشرين وقفه عقب عرجاء على القاير= حسايف تقضن وأنتهى كل مجهودي
وأحد مانسيته لقطته تعجب الناضر= جبلنا الحبيب الي نحبه ويغيلينا
وموتر عليه اليوم ياكم أنا خاسر = يقطع ينتع والبدي تقل مجروبي
وكلن عليه بالبواري لنا زاجر= وفي كل شارع صرت أنا تقل مطرودي
ألا ياوجيه الخير أنا ضيف ومسافر= ألا ياعنات الخير أنا ويش عذروبي
ويومي دلفت لساحة الفندق الفاخر= طردني سـكرتيه على الباب لـّحولي
وقلنا بلاش ورحت أنا لمركزن ظاهر =يسمى (السعاده)له مديرن ومقرودي
وقلنا نبي غرفه نبي نمرح لباكر= ورد الحبيب وقال ما فيه لعزوبي
ألا ياصديق أسمع تراك أ نته الخاسر=حسيبي عليك الله رب المخاليقي
ونظهر وننتلها على ألي أنا خابر = مدسن وش حليله ولا فيه مخلوقي
وأحول وأمد أفراشي ألي معي غابر= عقب ما نفظته لين ردد لي آتوبي
ونومه ندقه في محلي وانا جاسر = وفي خبنتي سلم الذي داخل البوكي
بذاك البراد الي يهفف على الداير= تقضت لنا ليله وترى العمر محدودي
ولاقوّمن ياكود صوت النداء العامر = برياض النبي الهاشمي خير مولودي
وعقب الصلاة وطردالأعماس والكاير= بفنجال بنن باهره هيل وعويدي
توجهت للمقصود والوصف له شاير=وتقضت علومي وأنتهى كل مقصودي

((تفضل هنا للمتابعة))
*******
****

[ريف النشاما]

ياروضة الخفس لي فيكي من أعوامي = سجات وعلوم وأخبار ٍ قديماتي
وأحوال عدت وذكرى شوق وهيامي=فيكي وفي عشبكي والرمث هي هاتي
أرض ن دماث ن على النوير مريامي=تزهابها كل عشبه تقل جناتي
وفيها لهم الفؤاد اليوم ميسامي= يكوي سواد الهموم بعد نضراتي
بالذات لاصار خلك فيه عوامي = دودو وندو وجدو فيه حضراتي
وفي كل قشعه لنا حفره ومرسامي= مابين روحه وجيه وعدّ سهراتي
فأحذر وناضر يابو ناصر لمخيامي = ترى إن تعديت فيها زود شرهاتي
وعليك باللي شمال ٍ خبر وأعلامي = إن كان بالراي تنصاني بكشتاتي
بأرض بياض دماث قشعها شامي =شمال صوب الجبل بين الشجيراتي
ولا بعد غرب عنها حول مغرامي=يازين ركيانها دون العشيراتي
وخلك على مرتعي ياصاح حوامي=وأفطن لسجات ذكرى وقتها فاتي
ذكرى فؤادى لها بالحيل شوامي=ولأيامها هاجسي يتلاها زفراتي
ساري على سكة الذكرى بلا لجامي = ينشد طروش ٍغدت من دون هقواتي
فخلك حنون على الماطى ورحامي= لاتجرح أطراف غصن ٍ بالحشاء باتي

((للمتابعة))