15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 4 1234 الأخيرةالأخيرة
النتائج 1 إلى 15 من 54

الموضوع: ديوان الشاعر / ريف النشاما

  1. #1
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    ديوان الشاعر / ريف النشاما

    بسم الله الرحمن الرحيم
    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))
    بسم الله أبدا واشرح ألي على البال=وأبين المطلوب ومواصفاتي
    أنا عريب الجد والعم والخال=مسلم لربي وأعبده في صلاتي
    وأرجي من الله رحمته يوم ينقال= إفلان ودع مستقر الحياتي
    ودع وقفى ماحدن عنه شيال=حصايد الأيام والمقفياتي
    وأمسيت في قبري وحيدا على جال =جال الذي مآوا ومجمع رفاتي
    هناك ماينفعك جاهن ولامال=ضاعت وراحت وانتهت بحسراتي
    ماينفعك ياكود ياطيب الفال= الصالحات الي قبيل المماتي
    فأحذر وناضر وأترك القيل والقال=واتبع طريق المصطفى بالسواتي
    وأحفض فروضك لاتردى بالأغلال=حيث المنايا صوبنا مقبلاتي
    فجأه.. تجيك ولا توقف على حال=والعمر لو عديت عـدّ سنواتي
    وأحذر تعيل او ينتقد فيك رجال=فعل ٍ تردى منه بالطايلاتي
    وأمسك طريقك وأنتبه زلت الجال=حذرى تهقوى لاطرالك طراتي
    واحفظ خويك في عسيرات الأحوال=ولاّ الرخى كل ٍ يشيل العباتي
    وكيف النشاما يا والد حكر فنجال= في مجلسن مافيه غير السلاتي
    وذكرن لرب البيت والحق ينقال = وربعن تسرك كل ماغبت جاتي
    هذا مُناي وما نزيده بمثقال=لأرضيت ربي قبل يوم الوفاتي
    وبيتي لتبّاع النبيين مدهال=ماهو مقرن للمولين تاتي
    واسير في دربي على كل منوال=نطرد ورا الأرزاق وأقصر خطاتي
    وأغض طرفى لاتبين لي أزوال=ونفسي ملجمها عن الزايغاتي
    وقلبي على سورة تبارك والأنفال=ماهو مع الي عاشق السامراتي
    وأعيش أنا بين الشواهيق جوال=مدهال ابوعزوز بالنايفاتي
    بين الطويله والقراين بألاشمال= وغرب العلم والروح بألمجنباتي
    عاج ٍ وعكاشْ... وطميه لنا فال=يما مضتلي بينهن رايقاتي
    بأيام ناخذها وبايام مكيال=وبأيام ماتجني سوى السافياتي
    ووّادى الرمه يطرب حياتي لياسال=
    "
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    "
    "
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    يازين شوف الحمض به مخضراتي=
    "
    "
    مرعى هل الشقراء وشاوي وجمال=وكل يحصل به من المكرماتي
    وراع القنص لابد يلقى بألأدغال=الي بطرافه من إخرينقاتي
    وأن رحت شرقن مجنبن جاك مسهال=يازينهن لاجيتهن سايلاتي
    ولي بقناء وأقنيّ أحوال وأحوال=يالله تعودها بخير وهناتي
    مربا الجدود الي لنا اليوم مازال=منهم سليل المجد عزّ وغناتي
    ليه ولأخواني وعمي والأخوال=درعن حصينن في حدا اللازمـِاتي
    واليوم دارت دايرتها على الدال=والواوي والها قبله الراي فاتي
    وشلنا على دورن بعيدات الأحمال= من دونهن يزمي سراب وسراتي
    وأنا أحمد الله ياجماعه على الحال=والحال تقصر من طويل العناتي
    """""""""""""""""
    """""""""
    التعديل الأخير تم بواسطة ريف النشاما ; 23/08/2005 الساعة 01:11 PM

  2. #2
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    ...قصيده لقصتي وأنا .........

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    من زمـــــــــان أبحث ولأحدٍ فادنــــي=عـــــن هــــــوى بالي وغايات الضمـير
    وفي بحورالنت مـــــــــحدٍ راقنـــــــي=خــــــوف مــــــن زلّه تسوقن للشــفير
    ولآحـــد ٍ قصر بصيـده زارنـــــــــــي= وأرسله لي عــــــبرْ موجـــــات الأثير
    ومنهم ألي في فنونه حــــــــــــــارني= لكـــــــــــــــن المطلوب في قلبي كبير
    وصرت انا في"هم"مما صــــــــابني= لـــــــــــين جاني بألخبر شهمن شطير
    وقاللي "ياريفِ" الله جابــــــــــــــــني=لك بـــــــــــــــعز الريفِ تنظر مايصير
    قلت له ياصاحِ.....وقف دامــــــــــــني= بـــــــــالفضى الواسع ولاحولي مـطير
    بالمــــــــواقع شفت شئ ٍ راعــــــــني =كل ٍ بليــــــــلاه ضايــــــــع بألمســــــير
    قاللي ..لا..لا..وحــــــــــــــــالك هالني=كـــيف ماتـــــــــدري عن البدر المنير
    وفـــــــي دقايــــــق رسم دربه جابلي= وقالـلي "مكشــــات" مامثله يصير
    ويوم جــــــــــــــيت البحث رد وقاللي= دقّ الأنـــــــــــتر يظهر الوجه السفير
    ويوم شعشع نور صفـــــــــحه بانلي = وفــــــــــــــــاح لي بالواجه منه العبير
    وكل مالديت لأمر ٍ ناضــــــــــــلي= فـــــــــي ثنايا طيته أمــــــر ٍ مثـيـر
    ومنتدى مكشـــــــــــــات مره شاقني=وصـــــــرت أنـا له دوم في بحث أسير
    ولرياض الطيب الله ســـــــــاقـــــني=بيــــــــــــــــن شغـموم ٍ وحمّاي الدبير
    الـنشاما الـــــي سناهم حادنـــــــــي=عــــــــــن طمان القاع والدرب العسير
    بين "(مكشات ٍ )"و(رحال ٍ)هنــــــــــي=و(الطبيب) الـــــــــــــــي تواقيعه تشـير
    ويم (أبوعايد) (شقردي) دلــــــــــني=وقـــــــــــــايد (الميراج) عجل بالمطـير
    للخيـــــام الي هواهــــــــــــــــا تلني= شــــــوف(رمش العين)(بركان ٍ) خطيـر
    ولاعــــــــــــــــــلي اليوم ممن لامني=(مســــــــــفهل ٍ) بين (صقر ٍ) و(الخبيـر)
    ويا(عليان ٍ بليله) كامـــــــــلي=(فــــــــــــرد حمزه) ثاير ٍ في كل خيـر
    و(راعي كّحيـــــــله) يراقب مابنــــي=ربنا ينــــــــــــــــــجيه من حر السعيـر
    (طايـــــــرن بالعج) هو و(الهاملي) =( لـــــــيث) (شقران ٍ)على (أوس)الكثير
    ويا (نفل) بالفن حذرى تبخــــــــــلي =مــــــــــــــــع (نقاهشال) خله لك وزير
    وأحذروا تنســــــون من صار أولي=(بوشــــــــــــــكاع) بحال كتكوتٍ صغير
    اما (أبوراشد) ترا امره رابـــــــني=نوب بــــــــــــــــري ٍونوب ٍفي البحير
    وبالشعر (راع الطويله) جــــــازلي=كـــــــــــود (ماجلان) يوصّلنا الغـدير
    ونآخذ(السعلو) و(جوني) و(أيـــمني)=ومـــــن (مرات الراعي)الشهم الصقير
    وقل(لأبوأيمن) و( تـــال الأولي)=( يــــاجبل)( للعازمي ) نبغى المسير
    صـــوب دارن كل مابه فاتنـــــــــــي=بــــــــين لوقه ( ياحفر) وأرض الزبير
    فوق فكس آرن وجمســـن أحمـري=وددســــــــــــــن الألفين ماعنها مـطير
    و(عود رمثٍ) فوق ذاك الأشـهبـــي=الشبــــــــــــــــح محلاه لأقبل له صفير
    و(ضب)و(التنهات)هو و(المرعـبي)=قـــــدّمنا بالـــــذود والــــــــــي بالجفيـر
    الذياب الـــــــــــــــي تجواب تـقـنبي=فـــــي خشوم تّلاع وآســـــــط والجريـر
    و(عاشق الصفرا) معاه الأشــقري=يــــــــــــــادوا قلب المـــــــعنى بألعمـير
    في ديار ٍ ياعساها الوابلـــــــــــي=مـــــن المزون الي رعدها له هديــــــر
    و(برج) و(المري)علينا يشــــعري=بـيـن(حد السيف) و(الريع) الــــــزهـير
    مـــــــع ( نـديـمن للقرينه) عاشقي= بــــالقصايد لــــــه قصايد ماتـبـيــــــــر
    فـــوق فرت ٍ لون بديه يطربــــــــي= ســايقه ( ضاري ) علـى صوت الزفير
    وننزل الخبه قبيل المغـــــــــــــربي=نـشــــــــــــــرب الفنجال والعشوه بعيـر
    وقبل ماتظهر وسوم المشرقـــــــي=مــــــــن براير ذودنا يروى الشـبـيـــــر
    ثم قبل الشمس ماتظهر شــــــــوي= نضبــــــــــــــــــط المجمار والدله ندير
    ونبدع القيفان في خدن خـــــــــــلي= ونقـــــــطف الأزهار من جال المحيـر
    وعقب خمس أيام بالعشب الغضـي=عـــــــــــوّد الموكب على الديره بخيــر
    وشوف(الأزرق) في دياري ضامني=بيـــــــــــــن قطن وبين أبانات الشـهير
    ودّي أكرم يالربع من ظافنــــــــــي=ونـقـنص الضبان و"(السمح)" الأمير
    حيث يا(مرصاع) لـــــــــه حق علي=دام يــــــــــــــــا(سمنان) ببلادي يسير
    "وحقكم يأخـــــــوان" والله معتلي=فـــــــــــــوق ذاك النجم وسهيل النوير
    و(الــــــــــعذر ممن خفا مابانّ لي)=دامـــــــــــح الزلات حطه لك شويـــــر
    والسلام ختــــــام للي فادنـــــــــي=عــــــن دروب الروض والدعب القفير

    [/frame]
    رابط القصيدة بالردود هنا

  3. #3
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    السلام عليكم ورحمة الله وبركاته

    مساكم الله بالخير ...وأحسن الله عزاكم بهالبويت

    "
    "
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    "
    "

    يابيت يالي بالتصاوير جبناك=الله يرحم من سكن فيك يابيت
    عزّالله إنه بالمواجيب وفـّاك= وفـّاك حقـك وأبخسه كان عديت
    بناك بأيامن خوالي ويّهناك= يهناك وقتن عشت فيه وتعاليت
    واليوم دارت دائرتها بالأفلاك=دنيا الشقا عادت عليك وتنحيت
    عن منصبك بايام عزك وسلواك=قالوا تحول ياقديمن تعديت
    وكم واحدن مرك ولوّح وحياك= واليوم غيرك مقبلا وانت قفيت
    وفعل السنين الماضيه في محياك =هز المتون القاسيه لو تقاويت
    وأصبحت رسمه ينضره كل من جاك= متمعنن فيها يجر التناهيت
    وهل الدموع لحالتك هم ّ عزّاك= وأعلن حدادك في خيام المكاشيت
    .
    التعديل الأخير تم بواسطة ريف النشاما ; 15/12/2004 الساعة 06:07 PM

  4. #4
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    (السلام عليكم ورحمة الله وبركاته)
    "
    "
    أحبتي // صباح هذا اليوم ليس كباقي الايام فقد كان لنا معه شأن آخر

    عندما تحركت فجر هذا اليوم لهاتيك الديار

    ووصلت الى تلك البراري والقفار.......... جادت القريحة بما صار ..فأليكم هذه القصيده الطازجه..

    ""من الوادي الى الخيمه""
    ياما حلا الفنجال بأرضٍ هولّـي =بين أم سالم والقوابع والأطيار
    شادي وسالي بينهن يطلبني= أجاوب التغريد في بدع الأشعار
    في ديرةٍ مابه زحامن يعلّي= من عقب ماجتها هماليل الأمطار
    بين الورود الي تسر وتتلي= وحس النسيم ألي يهفهف على الدار
    في دعبي الميمون سالي واللّي= وأشمشم النوير واقطف بالأزهار
    ضاعت همومي والهجوس أجفلني =مع خوت الي خوته تطرب الكار
    وطير الخضاري حاضرن لي يسلي= مايدري إنه يكوي القلب بالنار
    شوق البراري والقفار أولعني= دوبك علينايالخظاري بالأجمار
    ومد النظر يابو عمر من محلي =مافيه جدرانن ولاشبك وأستار
    والمزن ناشي والنياق احضرني= بين التلال وبين عذبات الأغدار
    وهاذي طرات العمر شوق وتمني= وشوف الربيع وشرب مدرور الأبكار
    وأدير فنجال على كيف دلي= ولكل طاروقن من الشعر جرار
    تجمعن والقلب فيهن يهلي = يابو عمر جتلي على كيف ماصار
    وأقول ياليت وعساه ولعلي= ربي يتمم لي بزينات الأخبار



    [/frame]
    رابط القصيدة بالردود هنا
    التعديل الأخير تم بواسطة ريف النشاما ; 14/02/2005 الساعة 01:56 AM

  5. #5
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    Talking

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    جاكم إكحيلان بسم الله عليه= يوم فك إعنانها شفنا الفروق
    **=**
    يامشاء الله ثم مّاشاء الله عليه= يانفل مبدع كما شمس الشروق
    **=**
    صورتك تسحر وأنا مدري وليه= فيك فن وفيك حس وفيك ذوق
    **=**
    وكل ضوحن نوركم غطى عليه= أنت بدرن أنت شعاق البروق
    **=**
    بالربيع نقول يمكن ماعليه =لاكن الفنان أبدع بالعروق
    التعديل الأخير تم بواسطة ريف النشاما ; 14/02/2005 الساعة 05:08 PM

  6. #6
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ....كنت ذاهبا لصلاة الفجر..كل شي على مايرام ..
    - وعندما خرجت من المسجد ..وإلا ذيك الحنةُ والونة ُ ، والتي إنغرزت
    في صدري كالخنجر……يا إلآهي ماهذا ……
    - إنه (بعروري الصغروري)حاشي العرس المبارك عندأحد الجيران .....وإذا بهذا المسكين
    ..يزدادُ حنيناً وانيناً عندما شاهد الناس......... تهفوا إليه من أبواب المسجد………
    ……وكأن المسكين يقول
    فزعتكم يالربع ……إنني أفارق الأوطان والخلان ……آه واعمري الي راح في بطونكم…
    تكفون ياجماعه … ويزدادُ حنين وأنين
    حتى مزق نياط قلبي……فجادت قريحتي فزعتاً لهُ بهذه البويتات
    "
    "
    يالي تحن بداخل الشبك معقول=وترغي وتشكي للمصلين حالك
    ماسور في شبكك وحيدن ومجهول=واصبحت في دارٍ وحيدن لحالك
    هذا طريق فيه قبلك من الشول=ياما قظنبه وأنت للدرب سالك
    وقصة حاتك حدها جيت الزول=ياصاحبي وهذا جواب لسؤالك
    سؤالك الي ترجمنه على طول=جوارحن بالقلب والموت جالك
    فاصبح وهل الدمع هتان هملول =على فراق الي فبالي وبالك


    رابط القصيدة بالردود هنا

  7. #7
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    فز قلبي وأرتجف من شي شفته بالعناويني=في شريط المنتدى ساير وماشي على ويني
    =
    وين ودانا ابو عايد لربعه بالدواويني=ذاك ميدانن عسيروحمل حملته على متني كبير
    =
    سامحك ربي يابو عايد ألا لا تهقويني=البحر ياصاحبي ماكل من ينصاه سبحيني
    =
    ولا يغوص بغبته يا صاحبي كود عرفيني=والا أنا ياصاحبي حدنا سبح الغدير
    =
    والشعر مبنى ومعنى وينه ويني =ولا لنا بالشعر ياصاحبي كود حرفيني
    =
    ومنناالمطلوب ياربعي على راسي ومن عيني=بس ما ياصل تذبون صاحبكم بلجات الغزير


    [/frame]
    رابط القصيدة بالردود هنا
    التعديل الأخير تم بواسطة ريف النشاما ; 14/02/2005 الساعة 07:07 AM

  8. #8
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    == معارضه لقصيدها أوردها للشاعر أخي العزيز أبو عايد ==


    يا حلاة الشعر يا زين إشتعاله= بالحروف الزاكيه عبر السنيني
    بحرن الشعار ماتلقى بداله= لو تدور وين للوصف الحسيني
    بالشرف والطيب لاحضّرمجاله=مبعدينه عن علوم الخايـبـيني
    والشعر كبّ الردي وأشرب زلاله= لاتهقوى في عدود الخاسريني
    وبن حسن بالشعر للمقصد مثاله= ساق قيفانن لها والله حنيني
    يشرح الي صار في زين المقاله= وفزعته للي يدور له عويني
    وياعجايب من فعول أهل الشكاله=أشهد ان الطيب طيّب لو يشيني
    لو تعثر يوم يظهر لك جماله =ولا يهوز العاليه كود الشطيني
    والمراجل ماتهيا بالسهاله=المراجل صعبتن يالطيبيني
    ويالله الوالي وياعزّ الجلاله= تجعله يارب بارض الفايزيني
    وفي ختام القول بأرسلي رساله= أفعل المعروف وأنسه لا تديني


    أخوكم/ ريف النشاما


    رابط القصيدة بالردود هنا
    التعديل الأخير تم بواسطة ريف النشاما ; 14/02/2005 الساعة 07:50 AM

  9. #9
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    يالله أني طالبك خير الوهايب= ياعظيم الشان ياجزل العطيه
    وشوف وجهك ياعظيم من الرغايب= في جنان الخلد يارب البريه
    وأرحمن يارب أنا ويا القرايب= وكل عبدن ياحليم أنته وليه
    وإكفنا يارب من فعل المعايب= وشر من به شر لعبادك وأذيه
    وقبل موتي بالثبات وبالمصايب=أسالك يارب صبر وحسن نيه
    ورحمتك يارب لاحط النصايب= فوق قبري أقرب الصدقان ليه
    وعقب هاذا القول يالله بالسحايب =تسقي إديارن بها عاج وطميه
    وفي زمان اليوم صارالذيب خايب = والحصيني بالعرب مافيه زيه
    والمراجل ماتبي ورعن وشايب= المراجل صف ميه فوق ميه
    ولأغـتـنيت الناس كله لك حبايب= وقالوا إن فلان ذيب المرجليه
    ولأ نتشوا فقرك ورممت الخرايب= تمسي وتصبح ولا لك مقدريه
    ولاهرجت بمجلسن هرجك خبايب= ولامشيت بسكتن صارت زريه
    وكلن يغني على ليلاه ذايب = من هوا المزيون براق الثنيه
    وشغلة العشاق تلميع الكتايب= والقصايد للحبيب بسم حيه
    والحلا والدل ميراد الغبايب= وحنت العفراء على جال الركيه
    والضعن تبراه ذودن به جنايب= من سهاف الشول قبل المغربيه
    وقتنا خلص ولافيها حسايب= ونظرة الأقصين منها ماعليه
    من بيوت الشعرفي عصر النهايب= ياعمر منا القصيده لك هديه
    والصلاة أعداد ماهبت هبايب= على الذي من سار دربه وآهنيه

    أخـوكـم/ ريــف النـشـامـا
    [/frame]
    رابط القصيدة بالردود هنا
    التعديل الأخير تم بواسطة ريف النشاما ; 14/02/2005 الساعة 07:55 AM

  10. #10
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    مرحبا مرحبا بك يالقديمي الجديدي= مرحبا فيك شايبنا عزيز وغالي
    يو هاض وتهيض وأبتداها يريدي = كل شغموم بالموقع كثير العيالي
    يتبعه بالطريق ويقتفيه الشديدي= صوب خيمة تعارف يوم هلّ الهلالي
    ومن تشبب عليه اليوم لازم نزيدي = حقنا فوق مطلوب ٍ يحقق بتالي
    ويبشر الي يعزّم بالنشامى فريدي = ذاك حر ٍ تعلى فوق روس الجبالي
    والعزيمه عزيمه صملت ٍ كالحديدي= ساقها خشم الحصاني بعيد المنالي
    عودنا عودنا ياجعل عمرك مديدي= في رضى الرب تسعد بالهناء والعيالي
    ونتجاذب معاكم بالكلام السديدي= وحالكم .. جمل الله.. حالكم بالكمالي
    وانتهى القاف والجمه بخوصه بعيدي = غايراتٍ قوافي ريفكم بالطوالي
    لاحروفي تجيبه لو أكرر وأعيدي =فرقنه همومي للجنوب وشمالي
    يالله أني بلطفك من سموم ٍ جليدي = أرحم القلب يامعبود يومه شكالي
    لاعلومي علومي والونا مايفيدي= كود من يجرع المره على ساق ِ حالي"


    رابط القصيدة بالردود هنا
    التعديل الأخير تم بواسطة ريف النشاما ; 13/02/2005 الساعة 04:46 PM

  11. #11
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    *****
    ***
    يابو فيصل صاحبك يمشي سنودي = حادر ٍ للخل ولضلعة طميه
    ومطلبي ياصاحبي دار ٍ لعودي =أبو مالك أسمها رده عليه
    دامني ياخوك ماجزت الحدودي = الهمام أرجوك لا تبطي وهيه
    وأبشر إني بالمشي سمحن ركودي= حيث حدرتنا ثلاثين وشويه
    سارين مبسوط والعالم رقودي = والمزاج الله ِ ميه فوق ميه
    فوق دهنوشه ذلولي الصمودي =وارد التسعين معوسف ٍ رضيه
    فوقها شدين والعزبه وزودي=أنتل ٍ يومي كما قرن الصبيه
    وبأيمني ياصاحبي غظ معقودي=أبو عنق ٍ كنها عنق الحويه
    مهيفينن صوب ديران الجدودي= بين عاج وبين أبانات العذيه
    ومن شمال العبد وغوير الشرودي= والعلم من غرب في دار ٍخليه
    في مرابيع ٍ تزاها بالورودي = عقب علاّت المزون العقربيه
    يذكرونه لي عسوس ٍعن عدودي= عن هل العفراء بعيدين الرديه
    في مداهيل ٍ لزينات الشدودي= والطروش ألي تداحم عالركيه
    هي حلاة العمر من قبل اللحودي = في ذرى الردها وسجات الحصيه

    أخوكم // ريف النشاما
    التعديل الأخير تم بواسطة ريف النشاما ; 14/02/2005 الساعة 07:24 AM

  12. #12
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    هذا قطن ياعين شوفي هناكي = وتمتعي ياعين بديار الأحباب
    ومدي النضر ياعين بأزرق سماكي = وحوري ودوري وإعتلي فوق الأسراب
    يالين ياعيني تشوفي هواكي = زول الغنوج ألي علت فوق الأهضاب
    أم المتون ألي نضرها دواكي=قربه غرام ومضهره حيل ينهاب
    يازينها لالاح ماهو شكاكي= برق ن صدوقن من وراها على الداب
    صوب الشمال وبارقه لالفاكي= بين ثغرها والحلا منه ينساب
    والقلب يمه ياعيوني حداكي= قلب العنى في الهوا حيل لعاب
    وإن بعدت ياعين ماهو عناكي= لابد مانشمي على ذيك الأدراب
    وألي جنوب ٍ بارقه قد زهاكي=ربانها ياعين بالأرض سحاب
    وهذا أوله ياعين وبله غطاكي= حول عليك السيل من بين الأهداب
    ولياتطمن وأنهمر بالدكاكي=تنحري ياددسن راس مرقاب
    خلي عيوني يوم جاها أنفكاكي= تسرح مواقيها عقب ذيك الأنشاب
    وحذرا ترا الوادي هديره دناكي=أمشي على الطراف والصمد مهراب
    وأفآ أفا ياددسني وش بلاكي = قامت تراقل مشيتك ِ تقل مرعاب
    ماهي عوايدكي ولاهو رباكي=وقيركِ على النمرات معتاد لهاب
    شدي ضلوعكِ وأنقصي من هواكي= وخشمك ِ لزوم اليوم بالطين ينصاب
    تصبري والعلم والله لفاكي=قلبي على الخطرات جزام ماهاب

    أخوكم // ريف النشاما
    التعديل الأخير تم بواسطة ريف النشاما ; 14/02/2005 الساعة 07:33 AM

  13. #13
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    لقيت اسمك على رقمك يخبرني به الجوّال= يقول الصاحب الغالي طلبك ولا لقا جابه
    فقلت العذر يالهاتف تعرف الحال والأحوّال =مريض وحالتي تعرف ونغماتك على الصامت
    ولاكن يالرسايل دوك ِ كما العاده على المنوّال = نرد العذر بأبيات ٍ قوافي شوق لعابه
    بها البسمه بها النسمه بها كل البشر تختّال=وعلى نغماتها تسري حروف الشعر مانامت
    بها قلبي يرد القاف قيفان ٍ لها يندّال= هجوس ٍ بالحشى يفري هموم الوقت وأجلابه
    تعلى وإعتلى بالموق والجفنين والهمّال=وتحدر عقب مرفاعه له العينين مارامت
    وتهيض وإستهاض وهاض شاكي لوعة الغربّال=على بيض الليالي للزمن يرسم على أعتابه
    وعيوني ياعيوني يا...عيون الشاهد المخيّال =على نظراتها قفت شواهد حي مادامت
    نديه كالندى البايت على أطرافها ميّال = يسوق الحرف ياعزّي على أغصان منصابه
    تنادي فكرها ألي حطله بالعاليه مدهّال = شهق له راس مرقاب ٍ عليه الندِ ماحامت
    يدور له.. يدور له.. ورود ٍ بالفضاء ذبّـال = سقتها مزنة الذكرى سموم القيض وأجدابه


    أخوكم / ريف النشاما
    التعديل الأخير تم بواسطة ريف النشاما ; 14/02/2005 الساعة 07:46 AM

  14. #14
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ســـلام الله على اللي كـــــل يوم رايح ٍ مشــوار=يحوم في ذواري نجد وأعماله مدشـــرها
    يطاوع من نصا شــغله وخلــــفه من يعيد الثار= عيالٍ بالوغى ترســــم على الميــدان ناشرها
    فلا يا صاحبي وقف .. وعـود واترك التــــدوار=نصيحه من رفيق لك... ومني لاتكابـــــرها
    ولا وإن كنت متوجس ونفــــسك ما بها تــعبار=فرجلك يا فتى هجلا على سـاحوق مــررها
    وفيض .. وانثر شجونك على ذاك السهل تذكار= وجر القاف يالدحمي هجــيـني ثم حــدرها
    وجاوب نغمة الـــحــادي على ذودٍ وضح وبكار= وسلم لي على مطلق وعلى ابن محيل كررها
    وتشــــــوف يإبن عبدالله لعم لي ســنيد الجار= أبو صــالح ويا نعمــين دار العـــز يعــمرها
    وعـــلامه .. عن منازلنا جــنوبٍ له غنم وجفار=وددسن تو ما فــــكه من المعرض محــررها
    وقله يابو ســـــعود(ي) بذاك العشــــــــب والنوار=ترانا من طرف ريف وذبيـحــتكم يدبرها
    وإن أمسيتم وآنســــــتم فأهلاً والعـــشى بالدار= أو أنهج وأقدم شـويه وتربع وســط أباعرها
    وحول وإفرش المــدة .. ونـجــــرك دِنها والنار=وحف لك دلةٍ شـقرى وأضنك حيل ماهرها
    وخل الزول يحلب لك .. بذيّــاك الدفا المخدار=وسامر نجـمة الجوزاء وعظــمة ربي إذكرها
    ولا وإن حنت العفراء .. هذاك المغــــــمد البتار= وحنين العـفر يا مطلق جـروح ٍ في ضمايرها
    ولا وإن عادت الحنة وكرتـــــــها عدد وامـرار= هذاك الحـزن يا مطلق وحـذاري لا تغادرها
    وســـــايرها وسـامرها وخلك عنــــدها ســـهار= وراعي البــل يا مـطـــلق لــزوم إنه يقدرها
    (وبلاهــــــــا) تذكر الماضي بأرضٍ يا لها مقفار= ربيعٍ إختلط عــشـبه مـع الفيضه وحاجرها
    وحلاة البــدو والعربـــان بذيك الـــدار والأدوار=سنينٍ ماضــيــة بالله ولا بـه من يكـــدرها
    ديارٍ شــــــــوفها يجلى همومٍ بالحــشى تندار=وفيها الشــاعر المــغرم عيون الشعر ينثرها
    وهالأيام يا مطـــلق لها بالوقــــــت كيف وكار=وأظــنك يابو مــحمد تســـــندها وتحدرها
    وإن أصبحتم وشق النور من المشــرق كما المحار=فسبح وإذكر الوالي وصـــلاتك لا توخــرها
    وفسر وإحلب الناقة .. وقرصك ضبـــطه مجمار=وإذا أفطرتوا وتونستوا على المقصود دحدرها
    وسهاف الشول يا مطلق إذا حنت وهــي مقطار=هذاك الود والراقــــه ووداع اللي مســامرها
    وختام القول يا مطلق لأبو داحم عليّ إكــــــبار=حقوقٍ جعلنا بالــرد يا إبن مــحيل نقدرها
    وسلم لي على الوادي (وطمـــيه يا لها مقـــدار)=تقطّع دونها الســكة ظـــهور اللي يسافرها
    وصلاة الله على المبعــــــوث نبي الأمة المختار=(محمد) والســلام ختام عدد ما هل ماطرها

    http://www.mekshat.com/vb/showthread.php?s=&threadid=21522]رابط القصيده مع الردود[/url]
    التعديل الأخير تم بواسطة ريف النشاما ; 14/02/2005 الساعة 07:40 AM

  15. #15
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    راكب الي لامشى بارض مخبه =يعجب السواق فعله بالطماني
    زاهين باللون وأوصافه جلْـبّه =وارد الجابان نسل الكيفراني
    السفاري ناتج التسعين صبه =والثلاث سنين عمر الأكحلاني
    وارد النسيان ماحدّن لعبه =قايده شهمن عريبن مكرماني
    في ذرى داورد وديار الأحبه =راتعن بأبوجرادن والحذاني
    ولا نحر واسط فؤاده يختطبه =للسمنا والمجيره وجمراني
    عاشقن النير وأبو ايمن يذبه =صوب تيما خابرن فيه إسعداني
    ولانصى وادي الرشا قال المطبه= يابو بندر سنده بامنن وأماني
    وجبله ياصاحبي ماعاد أطبه =كسرتني وأعدمت كل الضماني
    لا تحاول دام قلبي مارغبه = خلّنا أصحاب في تالي زماني

    ****
    التعديل الأخير تم بواسطة ريف النشاما ; 13/02/2005 الساعة 05:12 PM

صفحة 1 من 4 1234 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •