السلام عليكم---
أولاً أعتذر لعدم وجود صور---
ثانياً أحب أحكي لكم تفاصيل رحلتي لمنطقة المجيرمه يوم الأربعاء الماضي وأتمنى كل واحد منكم يحط نفسه مكاني ويتخيل الموقف وكيف راح يتصرف .
وصلنا للمكان المطلوب الساعة 5 عصراً نزلنا أغراضنا وعدتنا ودخلنا البحر على طول إستمرينا حوالي ثلاث ساعات والحمدلله كان الصيد طيب طبعاً طريقة صيدنا ( تجليب ) لأننا لسه ماتطورنا ومن ضمن صيدنا طلعت بهاره وزنها 4 كيلو تقريبا أنا نفسي مستغرب كيف طلعتها بخيط مقاس 60 وعلى فكره الشباب صاروا يسموني ملك البهار لأني متخصص فيه , المهم خرجنا من البحر صلينا وتقهوينا وسولفنا وانبسطنا وحوالي الساعة 10 بالليل نزلنا مره ثانية أنا وصاحبي وأخوي وحبيبي أبومهند وقلنا بسم الله وبدانا نطقطق وفجأه حسيت إن المكان أمامنا غريب يعني حركه غير طبيعيه الجلب مقاس 70 ينقطع من قوة السحب , والساعة 12 تقريباً وبعد مارميت الجلب أشوف شيئ ضخم متجه عليه طبعا أنا واقف على الحيد المرجاني ركزت النظر مره واثنين ولما قرب مني بدأ يطلع على السطح وعرفت في هاذي اللحظه انه قرررررررررررررررش طوله متر ونص تقريبا المشكله ان المسافه بيننا ماتتعدى 3 متر لكن بفضل الله سبحانه وتعالى إني رجعت على ورا بسرعة وصرت أجري للخلف وعيني عليه وأزعق بكل صوتي القرش القرش أشرد ياأبو مهند والحمد لله لما وصلت مكان تكسر الموج إختفى .طبعا طلعنا على طول لأن المليح سد نفسنا ونشف دمنا . هذا الموقف اللي حصل والان أسألكم هل كان تصرفي صح ولا غلط ولو واحد منكم تعرض لنفس الموقف بعيد الشر عنكم كيف راح يتصرف؟ اسف على الإطالة