نداء عاجل جدا جدا جدا جدا

[محتار]

بسم الله الرحمن الرحيم
السلام عليكم ورحمة الله وبركاته

بدون مقدمات رحت امس لسوق الحمام بالعزيزية بالرياض ابشتري سمك زينة ولقيت ناس مجتمعين عند ونيتين وطبعا قلت يا ولد رح شف يمكن فقع والا جراد ويوم قربت تاكدت ان الموضوع جراد لان معهم خياش
المهم يوم وقفت عند حوض الونيت الاول لقيت ما لا يقل عن 250 ضب موزعة على حسب المقاسات قلت في نفسي ( وين مكشات يشوفون تحطيم الحياة الفطرية ) المهم قلت يا ولد رح للونيت الثاني يمكن يكون جراد والله يصير الوضع نفس الاول ( لا حول ولا قوة الا بالله) قلت الحين يبي ينحاشون اللي شروها لا تجي البلدية والا الحياه الفطرية ويكفشونهم ويوم التفت لقيتهت يشيلونها ويحطونها بشبوك للبيع والله يوم دخت وحسيت بغثيان وبغيت اصيح من القهر تصدقون مالا يقل عن 1500ضب معروض للبيع والله القهر من وين جابوها والي قهرني اكثر ان الي يبيعونها عمالة من هنود وبنقال والله ان استمر الحال ما تفرحن بالضب الا من السودان

تكفون يا شباب الي يقرأ هذا المقال ويقدر يسوي شي انة ما يتاخر واهم شي يقدر يسوية هو

اللي عندة معرفة في البلبدية او الحماية الفطرية يتوسط للضبان ويمنع بيعها في السوق ويغرم بايعها
ياشباب الي يعرف احد لا يتاخر والله الوضع مزري ويخوف مع العلم انه ممنوع بيع الحيوانات البرية في السوق

[size=5]اسرع اسرع في انقاذ الحيات الفطرية[/size]

[* ضب *]

سؤال بسيط
هل انقراض الضب او غيره من الحيوانات يؤثر على المناصب (الكرسي) ؟؟؟

اذا عرفت الاجابة لا تسأل بعدها!!!!!!!!!!!!!!!!!

[مهند]

بئس التجارة وبئس البيع

الله يهدينا وياهم بصراحة شي غير مقبول 1500ضب

هل يجوز حشر الصيد من اجل بيعه؟؟؟ انا اظن هذا يدخل في دائرة الاسراف
1500ضب

الله يخلف عليك ربعك يامستر *ضب*

[أبو تركي القطامي]

لاحول ولاقوة الابالله
1500 ضب
ماقول الا الله يجبر عزاهن
ومشكور اخوي محتار علي الموضوع وفعلا يجب وضع حد لهذا الأسراف

[ابو شكاع]

الله الله الله

1500 ضب ؟

المشكلة واللي انا اعرفه انه بعد توه وقت الضب باقي عليه

هذولا مستعجلين

بعدين منين جمعوا هالعدد ؟

شف وانا اخوك

1500 في 15 ريال على الأقل يطلع لهم 22500 ريال تقريبا

يعني حق شغل 3 سنوات على الأقل

شكرا لك

[saag]

السلام عليكم ورحمة الله وبركاته

اشاطرك شعورك تجاه وجوب المحافظة على الضب يااخ محتار وتاكد ان من يرى بعينه المشهد يتحسر على ما آل اليه حال الضب من صيد جائر واسنزاف غير مبرر لصيده بهذا الشكل ، ولكن اهيب بمن يهوون صيد الضب ان ياخذوا منه بقدر المتعة حتى تبقى في مواطنها بصفة متوازنة

[بن نويشر]

يا شيخ الله يديك بس !!! خوفتني .. أحسب إن فيك شيئ (الله يهديك)

خل الناس تسترزق وتشوف رزقها .. وما على الضبان ألا العافية ..

وبعدين شف بهيمة الغنم .. !!

كم يذبح منها كل عام ؟؟ ويا سبحان الله مهنا أكثر منها ..


أخاف بس إن ضاق صدرك وتخاف يخلصونه عليك في البر ..

[محتار]

اتمنى من ان تفهم شعوري

انا لا تخاف على ابلقى حاجتي من الضبان
وفية فرق كبير بن الغنم والضب الغنم يتعب عليها الراعي ويحافظ عليها من الجوع من الذيب من الحرامي
وتلقى عناية من اكل وشرب وعلاج والضب حيوان فطري يعتمد على نفسة وعلى النفوس التي تحس بواجبهى الوطني والبيئي وليش ما قارنت بين الضب والارنب الذي انقرض في اماكن كثيرة والا لية ما قارنت بين الضب والفهد العربي الذي يكاد يكون انقرض وهو يباع من اجل جلدة فقط

واذا كان الموضوع رزق فالله يرزق الجميع بدون ما يئثرون على البيئة ويربي حمام لاحم ويبيع دخل مستمر وبدون موسم واذا كان يبي المواسم يروح للجراد والا الفقع لانها لا تنقرض وهي موسمية والمرابح مهب للي يصيد المربه للهندي الشريطي الي بيعها يعني حيلتنا الفطرية بيد الغريب يتكسب منها ؟؟؟؟؟؟؟

وعلى فكرة بيع الحيوانات الفطرية ممنوع
اي انها كسب غير شريف
وعلى فكرة 1500 هي مجموع ما في السوق تقريبا واسعارها قد تصل الى 35 ريال

[مدلّه الرعيان]

السلام عليكم ورحمة الله وبركاته

الأخ / محتار ، كلنا والله محتارين معك وبهالي قاعد يصير ، ثرواتنا اغلب المستفيد منها مادياً الأجانب والوافدين من عمالة وغيرها اللي يؤخذ من فوق الأرض واللي يسحب من تحت الأرض وهالما جر....!!!!؟؟؟؟
تحياتي للجميع .

[الـبــدووووي]

وان هالحين مواسم الضبان

[ابو عايد]

السلام عليكم ورحمة الله وبركاته

مشكور على هذا الخبر والله اني عاينتها عغندنا في السوق ولقيتها خياش والكبير 45 الى اخر حد 15 ويقولون ضبان الصمان بلغنا احد المسؤلين في البلديه يبوعونها في بيوتهم ........ نقول الله يعين الحياة الفطريه من صيد هذي الايام ............

والله يعين

[Eagle]

نصيحتي لا تسكتون على الموضوع
الحين تلقون ضبان بس بعد كم سنه الله لا يقوله يمكن ما تلقون
اذا بيوم واحد الرجال شاف 1500
على الاقل اتصلو تلفون على البلديه وحماية البيئه عندكم

[حفيد أبو الليول]

أظم صوتي إلى كل المطالبين بالحفاظ على (الضب) من الانقراض
ووضع إجراءات كفيلة بحمايته فبل أن لا ينفع الندم
فإلى المسؤولين القادرين أينما كانوا
إلى حماية البيئة والحياة الفطرية
إلى الدكتور أبو زنادة
مع التحية وخالص لادعاء لهم بالتوفيق
ولست أدعوا إلى منع صيد الضب ولكنني أدعوا إلى عدم الجور كما نقل لنا أخونا
محتار في موضوعه هذا (نداء عاجل جدا جدا جدا ).

[عليمي2000]

وين اخوي ضب عنهم ورى مايفزع لأخوانه ؟

[* ضب *]

اخوي العليمي 2000
ان شاء الله منت بعليمي
انا لم اقصر معهم
لقد ابديت رايي هنا ... وعلقت على الموضوع
وتم حذف مشاركتي ..ولا اعلم لماذا

اللى يعرف يقولي
(شكلكم متآمرين علينا)

؟؟؟؟؟؟؟؟؟؟؟؟
؟؟؟؟؟؟؟؟؟؟؟؟