الله يحيي الجميع ويسعدني تواجدي مع ناس شقرديه مثل الموجودين معنا
حبيت أشاوركم في مشكله حصلت لي في اليوكن موديله 2001 امريكي دبل
المشكله هي صوت طقة في القير إذا غير للريوس r والصوت مثل الصوت اللي يطلع عند تشغيل الدبل بس الصوت اخف
مريت ترايستار وقالوا أن السيارة مافيها شي (( بس ماتطمنت لهم لأن السيارة شاريها وهي على ضمانهم ))
ومريت مهندس سعودي وقال الدبل يبي توظيب مع العلم ان الصوت في القير ماهي في الدبل
وأخيراً مريت ميكانيكي سوداني في ورشة الشباب اللي في صناعية العاصمة في الرياض على الدائري الغربي وقال
ان السيارة مافيها شي والصوت هذا فضاوه في القير ومايأثر على القير وكنه أقنعني
وبعد كذا جاء دوركم وخبرتكم فياليت أحد يوضح لي إذا كان مريت عليه ذا المشكله من قبل .
وعذرا على الإطاله .