ماهي مشكة التشريق؟؟

[عبل المعيقل]

السلام عليكم

انا موتري جمس موديل 2001 قضا البنزين علي وشرق ولا ادري وش اسويبه

ياليت تفيدونا

[كرفان]

السلام عليكم

انا موتري جمس موديل 2001 قضا البنزين علي وشرق ولا ادري وش اسويبه

ياليت تفيدونا

ماتجي ياخــــيـي.. إذا كان البنزين مخلص أجل وشو شرق به.

[ابو نوره 2006]

عب بنزين ودق سلف حتى تلقم معك .........................

هذا الي كنت اسويه ...

[برق و سحاب]

علاج التشريق ... لازم تروعه وتروح التشريقه.
توز ورا جدار في الليل واطلع على الجمس فجأه وكخ عليه وزاعق بقوه وامسك شماغك بيدك وحركه فوق وتحت وبكذا يخاف الجمس وتروح الشرقه.
جرب منتب خسران شي

[نعتزبخدمتكم]

الي اعرفه موب بتخرعه ولا شي تخلي السلف شغال شوي بدون مايشتغل الموتر يعني اقعد تسمع للمسجل كنك رايق بدون مايشتغل الموتر وبتطلع عليك ريحه البانزين خله دقيقتين اوثلاث بعدين دق سلف بيشتغل معك على طول

[غريب حبيب]

همممممم كيف يحدث التشريق أصلا؟

[مروووق]

الي اعرفه ان التشريق ، انك تدعس بنزين كثير قبل لاتشغل السيارة
ويصير البنزين بالبخاخ او الكبريتر كثير ولا تحدث شراره وتشتغل السيارة
هذا معنى تشريق. او يقولون السيارة مشرقه

اما تقول قضى عليك البنزين و شرقت السيارة ؟ الصراحه ماني فاهمك؟؟

اخاف قصدك تنشيق ؟ التنشيق لما مثلا يخلص عليك البنزين ، و تجيب مثلا جالون بنزين تصبه في تانكي البنزين ، تجيب مثلا قد فنجال وتصبه في الكبريتر علشان تشتغل السيارة . هذا التنشيق. ان البنزين يكون نشف من المواصير والاهواء ولا يقدر يوصل للكبريتر. تقوم تصب بنزين يدوياً بالكبريتر و تشتغل معك السيارة

هذا التنشيق

او وضح لنا مشكلتك علشان نقدر نفيدك

[mohd26]

ادعس حد الدعسة طبعا دعست البنزين لا اتعجب الكلام هذا جد
يعني ادعس الى الاخير وحاول تشغيل المحرك وانت داعس اذا اشتغل المحرك ارفع
رجلك شوي شوي لا تخلي المحرك يوصل حده في الاشتغال وانت داعس ارفع رجلك

[المارينز]

اذا الموتر وقفته مايله

حاول انك تدفه شوي وخله يكون متساوي

بعدين دق سلف لين يشتغل

[samfj40]

كلام الاخ mohd26 هو الصواب لانك لما تدعس على البنزين الى الاخر يفتح لسان الكربليتر بالكامل وتدخل كمية هوا اكثر من البنزين مما يجعل البنزين اللي بالراس يخرج مع بلوف النار وتخف كمية البنزين الداخله من طرمبة البنزين مما يجعل خليط الهوا والبنزين متناسبه للاحتراق وتشتغل السياره انشاالله.